完整藏文原文 · 德格版页 当前仅加载第 8 函德格 116b 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱལ་སྲིད་བྱེད་དུ་གཞུག་པར་བརྩམས་པ་དང་། དེ་ལ་དེ་གཉིས་ཀྱིས་ལན་གསུམ་གྱི་བར་དུ་ཡང་སྨྲས་ན་སྲིད་པ་འཕོས་པ་དང་ལྡན་པས་བཟློག་ཀྱང་མི་སྡོད་དེ་དེ་ཁྲོས་ནས་བློན་པོ་གཞན་དག་ལ་སྨྲས་པ། ཤེས་ལྡན་དག་གང་གིས་རྒྱལ་པོ་རྒྱལ་རིགས་སྤྱི་བོར་དབང་བསྐུར་བའི་
D3.008.0116b01.01བཀའ་ལན་གསུམ་གྱི་བར་དུ་ཡང་གཅོག་པ་དེའི་ཆད་པ་ཇི་ལྟ་བུ་ཡིན། དེ་ན་བློན་པོ་སྐྱོན་ཆགས་པ་ཁ་ཅིག་གིས་སྨྲས་པ། ལྷ་འདི་ལ་རྨ་ཅི་འཚལ་ཏེ། དེའི་ཆད་པ་ནི་དགུམ་པ་ལགས་སོ། །ཚིགས་སུ་བཅད་པ་དག་ཀྱང་སྨྲས་པ། བློན་པོ་སྐྱོན་ནི་ཆགས་པ་དང་། །འགུལ་བར་
D3.008.0116b02.01གྱུར་པའི་སོ་དང་ནི། །ཟས་ལ་སྐྱོན་ནི་ཆགས་པ་དག །ཕྱུང་བ་འབའ་ཞིག་བདེ་བར་གྱུར། །བློན་པོ་བློ་དང་ལྡན་གྱུར་ཅིང་། །ཤེས་རབ་དང་ནི་འདུལ་ལ་མཁས། །མཛོད་ནས་གོ་འཕང་གནས་པ་ནི། །གང་གིས་མི་གསོད་དེ་གསོད་འགྱུར། །རྒྱལ་པོ་གཙུག་པུད་ཅན་གྱིས་
D3.008.0116b03.01སྨྲས་པ། ཤེས་ལྡན་དག་འདི་གཉིས་ནི་ངའི་ཡབ་ཀྱིས་བསྐོས་པ་ཡིན་པས་ང་འདི་གཉིས་གསོད་པར་མི་བྱེད་ཀྱིས། འདི་ལྟར་འདི་གཉིས་ཀྱིས་ངའི་མིག་སྔར་འདུག་པར་མི་བྱའོ་ཞེས་དེ་གཉིས་ཀྱི་སྒོ་བཟློག་ནས་སྐྱོན་ཆགས་པ་གཞན་གཉིས་ཤིག་བློན་པོར་བསྐོས་པ་དང་། དེ་
D3.008.0116b04.01གཉིས་ཀྱིས་སྨྲས་པ། ལྷ་ཏིལ་མ་བརྡུངས་པ་དང་། མ་སྩལ་བ་དང་། མ་བསྲོས་པ་དང་། མ་བཙིར་བ་དག་གིས་ཏིལ་མར་མི་འབྱིན་ཏེ། མིའི་དབང་པོ་སྐྱེ་བོ་དག་ཀྱང་དེ་དང་འདྲའོ། །རྒྱལ་པོས་སྨྲས་པ། ཁྱེད་གཉིས་ཀྱིས་བྱས་པ་གང་ཡིན་པ་དེ་ནི་མཆོག་ཏུ་བརྩོན་པ་ཡིན་
D3.008.0116b05.01ནོ། །དེ་གཉིས་ཀྱིས་ཡུལ་གྱི་མི་དག་ལ་གནོད་པ་བྱ་བར་བརྩམས་སོ། །ཇི་ཙམ་དུས་གཞན་ཞིག་ན་ཚོང་པ་ཞིག་ཟོང་ཐོགས་ཏེ་གྲོང་ཁྱེར་སྒྲ་སྒྲོགས་ནས་རྒྱལ་པོའི་ཁབ་ཏུ་ཕྱིན་པ་དང་། ཚེ་དང་ལྡན་པ་ཨུ་ཏྲ་ཡ་ནས་དེ་མཐོང་ནས་ངོ་ཤེས་ཏེ་སྨྲས་པ། ཇི་ལྟ་སྒྲ་སྒྲོགས་དག་
D3.008.0116b06.01ན་གཙུག་པུད་ཅན། །འཁོར་དང་ཚོགས་བཅས་སྟོབས་ལྡན་ནད་མེད་དམ། །དེ་ལ་ཕས་ཀྱི་སྡོ་བ་འགའ་མེད་ཅིང་། །རང་གི་རྒྱལ་སྲིད་ཆོས་ཀྱིས་བྱེད་འཇུག་གམ། །དེས་སྨྲས་པ། ལྷ་དེ་བཞིན་སྒྲ་སྒྲོགས་དག་ན་གཙུག་པུད་ཅན། །འཁོར་དང་ཚོགས་བཅས་སྟོབས་ལྡན་
D3.008.0116b07.01