完整藏文原文 · 德格版页 当前仅加载第 8 函德格 189b 版页；藏文 NFD、目录标记与异常页序保留在来源切片中，重复版页行以稳定序号区分。
མཆེད་ནས་ཀཽ་ཤཱམྦཱི་ན་གནས་པའི་སྐྱེ་བོའི་ཚོགས་ཀྱིས་མེ་གསོད་དུ་བརྒྱུགས་པ་དང་། མ་དུས་རལ་གྲི་ཤུབས་ནས་ཕྱུང་སྟེ། ཁྱེད་ཅག་ཅིའི་ཕྱིར་རྒྱལ་པོའི་བཙུན་མོའི་འཁོར་གྱི་ནང་དུ་འཇུག་པར་འདོད། སྡོད་ཅིག་ཅེས་སྐྱེ་བོའི་ཚོགས་ཕྱིར་བཟློག་པར་བརྩམས་སོ། །འཁྲུལ་
D3.008.0189b01.01འཁོར་གྱི་སྒྱུ་རྩལ་གྱི་སློབ་དཔོན་གྱིས་སྨྲས་པ། ཁོ་བོས་སྒོ་ཁང་མེ་མཆེད་པ་འདི་འཁྲུལ་འཁོར་གྱིས་གནས་གཞན་དུ་སྤོ་བར་བྱའོ། །མ་དུས་དེ་ཡང་དེ་བཞིན་དུ་ཕྱིར་བཟློག་གོ། །སྔོ་བསངས་ཅན་རྫུ་འཕྲུལ་གྱིས་ནམ་མཁའ་ལ་གྱེན་དུ་འཕགས་ཏེ་སྨྲས་པ། ནུ་མོ་དག་བདག་
D3.008.0189b02.01ཅག་གིས་ལས་ཚོགས་རྙེད་པ། རྐྱེན་ཡོངས་སུ་བསྒྱུར་བ། འོད་པ་བཞིན་དུ་ཉེ་བར་གནས་པ། གདོན་མི་ཟ་བར་འབྱུང་བར་འགྱུར་བ་དག་བྱས་ཤིང་བསགས་པས་བདག་ཅག་གིས་ལས་བྱས་ཤིང་བསགས་པ་དག་གཞན་སུ་ཞིག་གིས་སོ་སོར་མྱོང་བར་འགྱུར། བཅོམ་ལྡན་
D3.008.0189b03.01འདས་ཀྱིས་ཀྱང་། བར་སྣང་རྒྱ་མཚོའི་ནང་དང་ནི། །རི་ཡི་སུལ་དུ་ཞུགས་གྱུར་ཏམ། །གང་དུ་གནས་ན་ལས་རྣམས་ཀྱིས། །མི་ཚུགས་འགྱུར་བའི་ས་ཕྱོགས་མེད། །ཅེས་གསུངས་པས་བདག་ཅག་ལ་ལས་དེ་གཞོལ་བར་འགྱུར་རོ་ཞེས་སྨྲས་ནས་ཚིགས་སུ་བཅད་པ་སྨྲས་
D3.008.0189b04.01པ། བདག་གིས་རྩིག་ངོས་སྐར་ཁུང་ནས། །བཅོམ་ལྡན་འདས་ནི་མཐོང་འགྱུར་ཏེ། །སངས་རྒྱས་ཀྱི་ནི་བསྟན་པ་ལ། །བདེན་པ་དག་ནི་ཀུན་ཤེས་བྱས། །དེ་དག་ཕྱེ་མ་ལེབ་བཞིན་དུ་གྱེན་དུ་མཆོང་ཞིང་མཆོང་ཞིང་མེར་ལྷུང་བར་གྱུར་ཏོ། །དེ་ན་སྔོ་བསངས་ཅན་ལ་སོགས་
D3.008.0189b05.01པ་བུད་མེད་ལྔ་བརྒྱ་ནི་ཚིག་གོ། །སྒུར་མཆོག་ནི་ཆུའི་སྟོར་ཁུང་ནས་བྲོས་སོ། །མ་དུས་བུད་མེད་ལྔ་བརྒྱ་པོ་དེ་དག་གི་རོ་དུར་ཁྲོད་དུ་བོར་ནས་རྒྱལ་པོའི་ཕོ་བྲང་ནང་དང་ཕྱི་རོལ་དང་བཅས་པའི་བྱི་དོར་བྱས་ཏེ། ཀཽ་ཤཱམྦཱི་ན་གནས་པ་དང་། ཡུལ་ཐ་དད་པ་ནས་ལྷགས་པའི་སྐྱེ་བོའི་
D3.008.0189b06.01ཚོགས་དུ་བ་དག་བཟློག་གོ། །དེ་ནས་དགེ་སློང་རབ་ཏུ་མང་པོ་དག་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ། ཀཽ་ཤཱམྦཱིར་བསོད་སྙོམས་ལ་ཞུགས་པ་དང་། དགེ་སློང་རབ་ཏུ་མང་པོ་དག་ཀཽ་ཤཱམྦཱིར་བསོད་སྙོམས་ལ་རྒྱུ་བས། བད་སའི་རྒྱལ་པོ་
D3.008.0189b07.01