完整藏文原文 · 德格版页 当前仅加载第 8 函德格 132b 版页；藏文 NFD、目录标记与异常页序保留在来源切片中，重复版页行以稳定序号区分。
དབང་གིས་དེ་ཉིད་ཀྱི་ཉིན་མོ་དེ་སློང་བ་འོངས་ནས་མིང་པོས་དེ་ལ་དྲིས་པ། དེང་ཁྱོད་ཀྱིས་ཅི་བྱས་ན་དེས་ན་ཁྱོད་སློང་བ་འོངས། དེས་སྨྲས་པ། བདག་གིས་དེང་རབ་ཏུ་བྱུང་བའི་སྟེང་དུ་ཕྱག་དར་བོར་རོ། །དེས་འཛུམ་ཕྱུང་བ་དང་། བུ་མོ་དེས་བུ་མོ་གཞན་དག་ལ་སྦྲན་ཅིང་དེས་ཀྱང་
D3.008.0132b01.01གཞན་དག་ལ་སྦྲན་ནས། འཇིག་རྟེན་ལ་བུ་མོ་གང་དང་གང་སློང་བ་མི་འོང་བ་དེས་རང་སངས་རྒྱས་ཀྱི་སྟེང་དུ་ཕྱག་དར་བོར་ན་དེ་ལ་སློང་བ་འོང་ངོ་། །ཞེས་སྡིག་པ་ཅན་གྱི་ལྟ་བའི་རྣམ་པ་དེ་ལྟ་བུ་བྱུང་ངོ་། །བདག་ཉིད་ཆེན་པོ་རྣམས་ནི་བསྙེན་བཀུར་མ་ཡིན་པས་འཇིགས་པས་རང་སངས་རྒྱས་
D3.008.0132b02.01དེ་རི་བྲགས་དེ་ནས་སོང་བ་དང་། དྲང་སྲོང་མངོན་པར་ཤེས་པ་ལྔ་དང་ལྡན་པ་རྣམས་ཀྱི་སྟེང་དུ་དོར་བར་བརྩམས་ནས་དེ་དག་ཀྱང་དོང་བ་དང་། ཕ་མ་དག་གི་སྟེང་དུ་བོར་བར་བརྩམས་སོ། །རི་བྲགས་དེ་ན་ཁྱིམ་བདག་དགེ་བའི་ཆོས་ཅན་གཉིས་ཤིག་འཁོད་པ་དེ་གཉིས་ཀྱིས་སྨྲས་པ། ཤེས་
D3.008.0132b03.01ལྡན་དག་དམ་པ་མ་ཡིན་པའི་ཆོས་འཕེལ་བ་འདི་བཟློག་པར་བྱའོ། །ཞེས་དེ་གཉིས་ཀྱིས་བཟློག་ཅིང་སྤངས་སོ། །དགེ་སློང་དག་དེའི་ཚེ་དེའི་དུས་ན་བུ་མོ་གང་གིས་རང་སངས་རྒྱས་ཀྱི་སྟེང་དུ་ཕྱག་དར་བོར་བ་དེ་ནི་རྒྱལ་པོ་གཙུག་པུད་ཅན་འདི་ཡིན་ནོ། །རི་བྲགས་དེ་ན་གནས་པའི་སྐྱེ་
D3.008.0132b04.01བོའི་ཚོགས་གང་ཡིན་པ་དེ་ནི་གྲོང་ཁྱེར་སྒྲ་སྒྲོགས་ན་གནས་པའི་སྐྱེ་བོའི་ཚོགས་འདི་དག་ཡིན་ཏེ། འདི་དག་གིས་རང་སངས་རྒྱས་དང་། དྲང་སྲོང་དང་། ཕ་མ་དག་གི་སྟེང་དུ་ཕྱག་དར་བོར་བ་གང་ཡིན་པ་དེའི་ལས་ཀྱི་རྣམ་པར་སྨིན་པས་སས་ནོན་པར་གྱུར་ཏོ། །ཁྱིམ་བདག་གཉིས་
D3.008.0132b05.01ཀྱིས་བཟློག་པ་གང་ཡིན་པ་དེ་ནི་བློན་པོའི་མཆོག་ཧེ་རུ་ཀ་དང་། བྷི་རུ་ཀ་གཉིས་ཡིན་ཏེ། ལས་དེའི་རྣམ་པར་སྨིན་པས་བྲོས་པར་གྱུར་ཏོ། །བུ་མོའི་མིང་པོ་གང་གིས་འཛུམ་ཕྱུང་བ་དེ་ནི་དགེ་སློང་ཀཱ་ཏྱཱ་ཡ་ན་ཆེན་པོ་ཡིན་ཏེ། དེས་འཛུམ་ཕྱུང་བ་གང་ཡིན་པའི་ལས་དེའི་རྣམ་པར་སྨིན་
D3.008.0132b06.01པས་སས་གཡོགས་ཏེ། གལ་ཏེ་དགེ་སློང་ཀཱ་ཏྱཱ་ཡ་ན་ཆེན་པོས་ཡོན་ཏན་གྱི་ཚོགས་འདི་ལྟ་བུ་རྟོགས་པར་མ་གྱུར་དུ་ཟིན་ན། དགེ་སློང་ཀཱ་ཏྱཱ་ཡ་ན་ཆེན་པོ་ཡང་སས་ནོན་ཅིང་ཚུལ་མ་ཡིན་པས་སྡུག་བསྔལ་བར་འགྱུར་རོ། །དགེ་སློང་དག་དེ་ལྟར་ན་ལས་གཅིག་ཏུ་གནག་པ་རྣམས་ཀྱི་རྣམ་
D3.008.0132b07.01