完整藏文原文 · 德格版页 当前仅加载第 8 函德格 140b 版页；藏文 NFD、目录标记与异常页序保留在来源切片中，重复版页行以稳定序号区分。
གིས་བསྙེན་བཀུར་འཚལ་ལོ། །ཁྱིམ་བདག་ཀཽ་ཤཱམྦཱི་ན་གཙུག་ལག་ཁང་ཡོད་དམ། བཙུན་པ་མ་མཆིས་སོ། །ཁྱིམ་བདག་དགེ་སློང་དག་ནི་གང་ན་གཙུག་ལག་ཁང་ཡོད་པ་དེར་བགྲོད་པ་དང་། འགྲོ་བ་དང་། གནས་པར་སེམས་སོ། །བཅོམ་ལྡན་འདས་གཤེགས་སུ་
D3.008.0140b01.01གསོལ་དང་། བདག་གིས་ཇི་ལྟར་ཀཽ་ཤཱམྦཱི་ན་གཙུག་ལག་ཁང་མཆིས་པར་འགྱུར་བ་དང་། དགེ་སློང་རྣམས་ཀྱང་བགྲོད་པ་དང་། མཆི་བ་དང་། གནས་པར་སེམས་པར་འགྱུར་བ་དེ་ལྟར་བགྱིའོ། །བཅོམ་ལྡན་འདས་ཀྱིས་ཁྱིམ་བདག་གདངས་ཅན་ལ་ཅང་མི་གསུང་བས་གནང་
D3.008.0140b02.01ངོ་། །དེ་ནས་ཁྱིམ་བདག་གདངས་ཅན་གྱིས་བཅོམ་ལྡན་འདས་ཀྱིས་ཅང་མི་གསུང་བས་གནང་བར་རིག་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ཀྱི་སྤྱན་སྔ་ནས་སོང་ནས། དེ་ལ་མཉན་ཡོད་ན་བྱ་བའམ། བྱེད་པ་ཅི་ཡོད་པ་ཐམས་
D3.008.0140b03.01ཅད་བྱས་ཤིང་བསྒྲུབས་ནས་ཡང་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཀྱིས་བདག་ལ་གྲོགས་དགེ་སློང་འགའ་ཞིག་སྩོལ་
D3.008.0140b04.01ཅིག་དང་བདག་གིས་དེ་དང་ལྷན་ཅིག་བཅོམ་ལྡན་འདས་ཀྱི་སླད་དུ་གཙུག་ལག་ཁང་རྩིག་ཏུ་སྩལ་བར་བགྱིའོ། །བཅོམ་ལྡན་འདས་ཀྱིས་ཁྱིམ་བདག་གདངས་ཅན་འཁོར་དང་བཅས་པ་དང་། ཀཽ་ཤཱམྦཱི་ན་གནས་པའི་སྐྱེ་བོའི་ཚོགས་དག་དགེ་སློང་གང་གི་གདུལ་བ་ཡིན་སྙམ་དུ་
D3.008.0140b05.01དགོངས་ན་དགེ་སློང་སྐུལ་བྱེད་ཆེན་པོའི་གདུལ་བ་ཡིན་པར་གཟིགས་ནས། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་སྐུལ་བྱེད་ཆེན་པོ་ལ་བཀའ་སྩལ་པ། སྐུལ་བྱེད་ཁྱིམ་བདག་གདངས་ཅན་འཁོར་དང་བཅས་པ་དང་། ཀཽ་ཤཱམྦཱི་ན་གནས་པའི་སྐྱེ་བོའི་ཚོགས་ལ་སོམས་
D3.008.0140b06.01ཤིག །ཚེ་དང་ལྡན་པ་སྐུལ་བྱེད་ཆེན་པོས་བཅོམ་ལྡན་འདས་ལས་ཅང་མི་སྨྲ་བས་དང་དུ་བླངས་སོ། །དེ་ནས་ཚེ་དང་ལྡན་པ་སྐུལ་བྱེད་ཆེན་པོ་དེ་ཉིད་ཀྱི་མཚན་མོ་འདས་ནས་སྔ་དྲོ་ཤམ་ཐབས་བགོས་ལྷུང་བཟེད་དང་། ཆོས་གོས་ཐོགས་ཏེ། མཉན་ཡོད་དུ་བསོད་སྙོམས་ལ་
D3.008.0140b07.01