完整藏文原文 · 德格版页 当前仅加载第 8 函德格 136a 版页；藏文 NFD、目录标记与异常页序保留在来源切片中，重复版页行以稳定序号区分。
མེད་ཟས་སྦྱིན་གྱི་ཁྱིམ་གང་ཡིན་ཞེས་དྲིས་ནས། ཁོ་བོས་ལག་པ་གཡས་པ་བརྐྱང་སྟེ། དེ་དག་ལ་ཁྱིམ་བདག་མགོན་མེད་ཟས་སྦྱིན་གྱི་ཁྱིམ་འདི་ཡིན་ནོ་ཞེས་སྨྲས་པ་དང་། དེ་དག་གིས་དེ་ནས་ལག་པ་གང་བ་དང་། སྣོད་གང་བ་དང་། འབྱོར་པ་ཐོབ་པ་དང་།
D3.008.0136a01.01རྙེད་པ་ཐོབ་ཅིང་འདོང་བ་དེ་དག་ཁོ་བོས་མཐོང་ངོ་། །མཐོང་ནས་མཆོག་ཏུ་དགའ་བ་སྐྱེད་པར་བྱེད་དེ། ཁོ་བོ་ལས་དེས་རྒྱལ་ཆེན་བཞིའི་རིས་ཀྱི་ལྷ་རྣམས་ཀྱི་ནང་དུ་སྐྱེས་ཤིང་། ཤིང་ལྗོན་པ་འདི་ལ་གནས་ཏེ། དེའི་ཕྱིར་ཁོ་བོའི་ལག་པ་གཡས་པ་ཤིན་ཏུ་ལྷམ་མེ། ལྷན་ནེ།
D3.008.0136a02.01ལྷང་ངེར་གྱུར་ཏོ། །དེ་དག་གིས་ཤིས་པ་བརྗོད་པས་བསྟོད་དེ་དོང་ངོ་། །ཇི་ཙམ་ན་ཕྱོགས་གཞན་ཞིག་ཏུ་ཕྱིན་ནས་བཟའ་བ་དང་བཏུང་བ་ཟད་དེ། དེ་དག་བཀྲེས་པས་གདུངས་ཤིང་སྐོམ་པས་གདུངས་ནས་ཀུན་དུ་བརྟག་པར་བརྩམས་པ་དང་། ཇི་ཙམ་ན་ཧ་ཅང་ཐག་མི་རིང་བ་ཞིག་
D3.008.0136a03.01ན་ཤིང་ལྗོན་པ་ཆེན་པོ་ལོ་མ་སྔོ་ཞིང་སྣུམ་པ་ཞིག་སྣང་ནས་དེ་དག་གིས་སྨྲས་པ། ཤེས་ལྡན་དག་ཤིང་ལྗོན་པ་ཆེན་པོ་ལོ་མ་སྔོ་ཞིང་སྣུམ་པ་འདི་ལྟ་བུ་སྣང་སྟེ། སྔར་ཡང་བདག་ཅག་གིས་ཤིང་ལྗོན་པ་འདི་ལྟ་བུ་ཁོ་ནས་ཆུ་གྲུབ་ཀྱིས་འདིར་འདོང་དང་གལ་ཏེ་ན་{ཆུང་ཟད་,ཅུང་ཟད་}འགྲུབ་པར་
D3.008.0136a04.01འགྱུར་རོ། །ཞེས་དེ་དག་དེར་དོང་སྟེ་གསོལ་བ་གདབ་པར་བརྩམས་པ། ཤེས་ལྡན་དག་ས་ཕྱོགས་དང་ཤིང་ལྗོན་པ་འདི་ལ་ལྷའམ། ཀླུའམ། གནོད་སྦྱིན་ནམ། ནམ་མཁའ་ལྡིང་ངམ། དྲི་ཟའམ། མི་འམ་ཅིའམ། ལྟོ་འཕྱེ་ཆེན་པོ་གང་གནས་པ་དེ་བདག་ཅག་དྲང་
D3.008.0136a05.01སྲོང་ལྔ་བརྒྱ་བཀྲེས་པས་གདུངས་པ་དང་སྐོམ་པས་གདུངས་པ་རྣམས་ལ་ཟས་དང་སྐོམ་བྱིན་ཅིག་ཅེས་སྨྲས་སོ། །ཇི་ཙམ་ན་ཤིང་ལྗོན་པ་དེ་ལས་ཚིག་བྱུང་བ། ཤེས་ལྡན་དག་དེང་ཤིག་དང་འདི་ནས་ཧ་ཅང་མི་རིང་བ་ན་རྫིང་བུ་ཞིག་ཡོད་པ་དེའི་འགྲམ་ན་ཤིང་ལྗོན་པ་ཞིག་ཡོད་པ་དེའི་
D3.008.0136a06.01དྲུང་ན་འབྲས་ཆན་གྱིས་བྲེ་བོ་གང་ཞིང་འདུག་པ་དེ་ལས་ཟོས་ཤིང་འཐུངས་ནས་བཟའ་བ་དང་བཏུང་བ་ཅི་འདོད་པ་ཁྱེར་ཅིག །དེ་དག་དོང་བ་དང་། ཇི་ཙམ་ན་རྫིང་བུ་བྱ་ངང་པ་དང་། ཀཱ་རཎྜ་བ་དང་། ངུར་པས་མཛེས་པར་བྱས་པ་ཞིག་འདུག་པ་དེའི་འགྲམ་ན་ཤིང་ལྗོན་པ་ཞིག་འདུག་པ་དེའི་
D3.008.0136a07.01