完整藏文原文 · 德格版页 当前仅加载第 8 函德格 124a 版页；藏文 NFD、目录标记与异常页序保留在来源切片中，重复版页行以稳定序号区分。
ཞིག་ཏུ་བས་སོ། །དེ་ནས་རྒྱལ་པོ་དེ་ལ་འཇིག་རྟེན་དགྲ་བཅོམ་པ་དག་ཡོད་དོ་སྙམ་པའི་ལྟ་བ་ཡོད་པ་གང་ཡིན་པ་དེ་མེད་པར་གྱུར་ཏོ། །དེ་ན་གང་དག་མ་དད་པ་དེ་དག་ལ་ནི་མེད་པར་ལྟ་བ་སྐྱེས་པར་གྱུར་ཏོ། །གང་དག་བར་མར་གནས་པ་དེ་དག་ནི་ཡིད་གཉིས་
D3.008.0124a01.01ཟ་བར་གྱུར་ཏོ། །གང་དག་དད་པ་དེ་དག་ནི་གནོང་ཞིང་མི་དགའ་བ་དང་། མི་འཇིགས་པ་མེད་པར་གྱུར་ཏོ། །དེ་ནས་རྒྱལ་པོ་གཙུག་པུད་ཅན་གྱིས་བསམས་པ། གལ་ཏེ་འཇིག་རྟེན་ན་དགྲ་བཅོམ་པ་དག་མེད་ན་བདག་གིས་ཅིའི་ཕྱིར་འཕགས་པ་ཀཱ་ཏྱཱ་ཡ་ན་ཆེན་པོ་འཁོར་ལྔ་བརྒྱ་དང་།
D3.008.0124a02.01དགེ་སློང་མ་རི་མ་འཁོར་ལྔ་བརྒྱ་དང་ལྡན་པ་ལ་བསོད་སྙོམས་དབུལ་སྙམ་ནས་དེས་དགེ་སློང་རྣམས་དང་། དགེ་སློང་མ་རྣམས་ཀྱི་བསོད་སྙོམས་བཅད་ནས་དགེ་སློང་རྣམས་དང་། དགེ་སློང་མ་རྣམས་ཀྱང་གྲོང་ཁྱེར་སྒྲ་སྒྲོགས་ནས་དོང་ངོ་། །ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོ་དང་། དགེ་
D3.008.0124a03.01སློང་མ་རི་མ་ནི་གདུལ་བ་ལ་ལྟོས་པས་དེ་ཉིད་ན་འཁོད་དོ། །ཇི་ཙམ་དུས་གཞན་ཞིག་ན་རྒྱལ་པོ་གཙུག་པུད་ཅན་གྲོང་ཁྱེར་སྒྲ་སྒྲོགས་ནས་ཕྱིར་བྱུང་བ་ན་ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོ་གྲོང་ཁྱེར་སྒྲ་སྒྲོགས་སུ་བསོད་སྙོམས་ལ་ཞུགས་པ་དང་། དེས་རྒྱལ་པོ་མཐོང་ནས་འདི་མི་དགའ་
D3.008.0124a04.01བར་སེམས་པར་གྱུར་ན་མི་རུང་ངོ་སྙམ་ནས་མཐའ་གཅིག་ཏུ་སོང་སྟེ་སྡོད་དོ། །རྒྱལ་པོ་གཙུག་པུད་ཅན་གྱིས་དེ་མཐའ་གཅིག་ཏུ་སྡོད་པ་མཐོང་ངོ་། །མཐོང་ནས་ཀྱང་བློན་པོ་རྣམས་ལ་སྨྲས་པ། ཤེས་ལྡན་དག་ཅིའི་ཕྱིར་འཕགས་པ་ཀཱ་ཏྱཱ་ཡ་ན་ཆེན་པོ་འདི་ང་མཐོང་ནས་མཐའ་གཅིག་
D3.008.0124a05.01ཏུ་སོང་སྟེ་སྡོད། དེའི་ཕྱི་བཞིན་བློན་པོའི་མཆོག་ཧེ་རུ་ཀ་དང་། བྷི་རུ་ཀ་གཉིས་འགྲོ་བ་དེ་གཉིས་ཀྱིས་སྨྲས་པ། ལྷ་འཕགས་པ་ཀཱ་ཏྱཱ་ཡ་ན་ཆེན་པོའི་ཐུགས་ལམ་ན་ལྷ་ག་ཤེད་དུ་གཟིགས་མོ་དང་དགེ་མཚན་ལ་གཤེགས་པས་མི་དགྱེས་པར་དགོངས་པར་གྱུར་ན་མི་རུང་ངོ་སྙམ་པ་
D3.008.0124a06.01དང་། ཚོན་གྱི་ལས་བགྱི་བ་དཀའ་བས་ཆོས་གོས་དག་རྡུལ་གྱིས་ཕོག་པར་གྱུར་ན་མི་རུང་ངོ་སྙམ་དུ་དགོངས་སོ། །རྒྱལ་པོ་ཅང་མི་སྨྲ་བར་སོང་ངོ་། །ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོས་གྲོང་ཁྱེར་སྒྲ་སྒྲོགས་སུ་བསོད་སྙོམས་བརྒྱུས་ཏེ་བྱུང་བ་ན་རྒྱལ་པོ་གཙུག་པུད་ཅན་ནང་དུ་འཇུག་
D3.008.0124a07.01