完整藏文原文 · 德格版页 当前仅加载第 8 函德格 20b 版页；藏文 NFD、目录标记与异常页序保留在来源切片中，重复版页行以稳定序号区分。
བར་གྱུར་ཏོ། །གང་གི་ཚེ་དེ་དག་འཐབ་མོ་ཞི་བར་གྱུར་པ་དེའི་ཚེ་ན་གཅིག་ལ་གཅིག་སྨྲས་པ། ཤེས་ལྡན་དག་བདག་གིས་སྔན་ཆད་ཁྱོད་མཐོང་ན་སྙིང་དུ་སྡུག་ན་དེང་བདག་གིས་ཁྱོད་མཐོང་ན་ཁྱོད་བསད་དོ་སྙམ་དུ་སེམས་སོ། །གཞན་དག་ཀྱང་གཅིག་ལ་གཅིག་དེ་སྐད་ཟེར་ནས་དེ་དག་
D3.008.0020b01.01གིས་བསམས་པ། འདིར་གཞན་འགའ་ཞིག་མ་འོངས་སམ་བལྟའོ་སྙམ་ནས་དེ་དག་གིས་བལྟས་ན་ཇི་ཙམ་ན་ལེགས་འོངས་དེར་འོངས་པ་མཐོང་ནས་དེ་དག་གིས་སྨྲས་པ། ཤེས་ལྡན་དག་འདི་ནི་ལེགས་འོངས་མ་ཡིན་གྱི་ཉེས་འོངས་ཡིན་ཏེ། འདིའི་ལེ་ལན་གྱིས་བདག་ཅག་འཐབ་མོ་
D3.008.0020b02.01བྱུང་བར་གྱུར་ཏོ་ཞེས་དེ་དག་གིས་བསྐྲད་དེ་དེ་གཞན་དུ་སོང་བ་དང་། དེར་ཡང་དེ་དག་དེ་བཞིན་དུ་གྱུར་ནས་དེ་དག་གིས་ཀྱང་དེ་སྐད་སྨྲས་ཏེ་དེ་བསྐྲད་དེ་བཏང་ངོ་། །དེ་མུ་ལྟོ་བ་དག་གི་ནང་དུ་ཞུགས་པ་དང་། ཇི་ཙམ་ན་མུ་ལྟོ་བ་དེ་དག་ཀྱང་ལག་པ་སྟོང་པ་དང་། སྤྲང་ཕོར་སྟོང་པར་གྱུར་ཏེ་ཕྱིར་
D3.008.0020b03.01ལྷགས་ནས་དེ་དག་གིས་སྨྲས་པ། ཤེས་ལྡན་དག་བདག་ཅག་སྔོན་ཆད་གང་དུ་ཞུགས་པ་དེར་ལག་པ་གང་བ་དང་། སྤྲང་ཕོར་གང་བར་གྱུར་ཏེ་ཕྱིར་འོང་ན། དེང་བདག་ཅག་ལག་པ་སྟོང་པ་དང་། སྤྲང་ཕོར་སྟོང་པར་གྱུར་ཏེ་ཕྱིར་ལྷགས་པ་འདི་ལ་རྒྱུ་ཅི་ཡོད། དེ་དག་གིས་སྨྲས་པ།
D3.008.0020b04.01བདག་ཅག་གི་ནང་དུ་སེམས་ཅན་སྐལ་ཆད་འགའ་ཞིག་ཞུགས་པས་དེས་ན་བདག་ཅག་ལག་པ་སྟོང་པ་དང་། སྤྲང་ཕོར་སྟོང་པར་གྱུར་ཏེ་ཕྱིར་ལྷགས་སོ། །ཡང་དེ་དག་གིས་སྨྲས་པ། བརྟག་པར་བྱས་བདག་ཅག་ཁ་གཉིས་སུ་བཅད་དེ་འཇུག་པར་བྱའོ་ཞེས་དེ་དག་གིས་ཁ་གཉིས་སུ་བཅད་དེ་
D3.008.0020b05.01ཞུགས་པ་དང་། གང་དག་གི་ནང་དུ་ལེགས་འོངས་ཞུགས་པ་དེ་དག་ལག་པ་སྟོང་པ་དང་། སྤྲང་ཕོར་སྟོང་པར་གྱུར་ཏེ་ལྷགས་སོ། །དེ་དག་གིས་ཀྱང་ཁ་གཉིས་སུ་བཅད་དེ་ཞུགས་པ་དང་། གང་དག་གི་ནང་དུ་ལེགས་འོངས་ཞུགས་པ་དེ་དག་ལག་པ་སྟོང་པ་དང་། སྤྲང་ཕོར་སྟོང་པར་
D3.008.0020b06.01གྱུར་ཏེ་ལྷགས་སོ། །དེ་དག་གིས་ཀྱང་ཡང་ཁ་གཉིས་སུ་བཅད་དེ་ཞུགས་པ་དང་། ཡང་དེ་ལྟར་གྱུར་ཏོ། །དེ་དག་གིས་ཀྱང་ཡང་དང་ཡང་དུ་ཁ་གཉིས་སུ་བཅད་དེ་ཞུགས་པ་དང་། དེ་ལྟ་དེ་ལྟར་གྱུར་ནས་ཇི་ཙམ་ན་ལེགས་འོངས་དང་མུ་ལྟོ་བ་གཞན་ཅིག་དང་གཉིས་ལྷན་ཅིག་ཞུགས་པ་
D3.008.0020b07.01