完整藏文原文 · 德格版页 当前仅加载第 8 函德格 25a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་ལྷུང་བཟེད་ཀྱི་ཕམ་ཕབས་ཟའམ། བཅོམ་ལྡན་འདས་འཚལ་ལོ། །བཅོམ་ལྡན་འདས་ཀྱིས་དེ་ལ་ལྷུང་བཟེད་ཀྱི་ཕམ་ཕབས་སྩལ་བ་དང་། ཇི་ཙམ་ན་དེས་ཉུང་ངུར་མཐོང་ནས་དེས་བསམས་པ། བདག་ལ་བཅོམ་ལྡན་འདས་འཇིག་རྟེན་གསུམ་གྱི་བླ་མས་བརྒྱ་
D3.008.0025a01.01ལམ་ན་དགོངས་སུ་ཟིན་ཀྱང་ལྷུང་བཟེད་ཀྱི་ཕམ་ཕབས་ཆུང་ངུ་ཞིག་བཞག་གོ་སྙམ་མོ། །བཅོམ་ལྡན་འདས་ཀྱིས་དེའི་སེམས་ཐུགས་ཀྱིས་མཁྱེན་ནས་བཀའ་སྩལ་པ། བུ་ལེགས་འོངས་གལ་ཏེ་ཁྱོད་རི་རབ་ཙམ་གྱི་ཁམ་དག་དང་། རྒྱ་མཚོ་ཆེན་པོ་ཙམ་གྱི་ལྟོས་ཟ་བར་བྱེད་ན་
D3.008.0025a02.01ཡང་ཇི་སྲིད་དུ་ཁྱོད་ཚིམ་པར་མ་གྱུར་པ་དེ་སྲིད་དུ་དེ་བཞིན་གཤེགས་པའི་ལྷུང་བཟེད་ཀྱི་ཕམ་ཕབས་ཟད་པར་མི་འགྱུར་རོ། །དེས་བཅོམ་ལྡན་འདས་ཀྱི་ལྷུང་བཟེད་ཀྱི་ཕམ་ཕབས་ཟོས་པ་དང་། དེ་ཚིམ་པར་གྱུར་ནས་དེས་བཅོམ་ལྡན་འདས་ཀྱི་ཞལ་དུ་བལྟ་བར་བརྩམས་པ་དང་།
D3.008.0025a03.01བཅོམ་ལྡན་འདས་ཀྱིས་བཀའ་སྩལ་པ། བུ་ལེགས་འོངས་ཚིམ་མམ། བཅོམ་ལྡན་འདས་ཚིམ་མོ། །ཁམ་ཐ་མ་ལོང་ཤིག་དང་མི་སྣང་བར་འགྱུར་རོ། །དེས་དེ་བླངས་ནས་མི་སྣང་བར་གྱུར་ཏོ། །ཁྱིམ་བདག་མགོན་མེད་ཟས་སྦྱིན་གྱིས་གསོལ་པ། བཅོམ་ལྡན་འདས་འདི་སུ་ལགས།
D3.008.0025a04.01བཅོམ་ལྡན་འདས་ཀྱིས་བཀའ་སྩལ་པ། ཁྱིམ་བདག་ཆུ་སྲིན་བྱིས་པ་གསོད་ཀྱི་རི་པ་ཁྱིམ་བདག་རྟོགས་ལྡན་གྱི་བུ་ཡིན་ནོ། །བཅོམ་ལྡན་འདས་འོ་ན་བདག་གི་ཆུང་པོ་གྲོགས་ཀྱི་བུ་ལགས་སོ། །ཁྱིམ་བདག་དེ་ཡིན་ནོ། །དེ་ནས་བཅོམ་ལྡན་འདས་ཀྱིས་ཡོན་བཤད་པ་མཛད་
D3.008.0025a05.01ནས་གདན་ལས་བཞེངས་ཏེ་གཤེགས་པ་དང་། སྲིད་པ་ཐ་མ་པའི་སེམས་ཅན་དེ་བཅོམ་ལྡན་འདས་ཀྱི་སླད་བཞིན་སླད་བཞིན་རྗེས་སུ་འབྲང་ཞིང་སོང་ནས་བཅོམ་ལྡན་འདས་གཙུག་ལག་ཁང་དུ་གཤེགས་ཏེ་དགེ་སློང་གི་དགེ་འདུན་གྱི་གོང་དུ་གདན་བཤམས་པ་ཉིད་ལ་བཞུགས་པ་
D3.008.0025a06.01དང་། ལེགས་འོངས་ཀྱང་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ། །བཅོམ་ལྡན་འདས་ཀྱིས་དེའི་ལས་སྦྱང་བར་བྱའོ་སྙམ་དུ་དགོངས་ནས། དེ་ནས་བཅོམ་ལྡན་འདས་ཀྱིས་ལེགས་འོངས་ལ་བཀའ་སྩལ་པ། ལེགས་འོངས་
D3.008.0025a07.01