完整藏文原文 · 德格版页 当前仅加载第 8 函德格 30b 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་ཟད་པར་གྱུར་པ་དེའི་ཚེ་ན་དེས་འབྲོས་པར་བརྩམས་པ་དང་། ཚེ་དང་ལྡན་པ་ལེགས་འོངས་ཀྱིས་ཀུན་དུ་མེ་མངོན་པར་སྤྲུལ་ནས། ཀླུ་ཨ་མྲའི་ཆུ་ངོགས་པས་ཚེ་དང་ལྡན་པ་ལེགས་འོངས་ཀྱི་རྐང་པའི་དྲུང་འབའ་ཞིག་ཞི་བར་མཐོང་བ་མ་གཏོགས་པར་ཐམས་ཅད་ཀུན་དུ་
D3.008.0030b01.01འབར། རབ་ཏུ་འབར། ཀུན་དུ་རབ་ཏུ་འབར་ཞིང་མེ་ལྕེ་གཅིག་ཏུ་གྱུར་པར་མཐོང་ནས་དེ་ཚེ་དང་ལྡན་པ་ལེགས་འོངས་ག་ལ་བ་དེར་སོང་སྟེ་ཕྱིན་ནས། ཚེ་དང་ལྡན་པ་ལེགས་འོངས་ལ་འདི་སྐད་ཅེས་སྨྲས་སོ། །བཙུན་པ་ལེགས་འོངས་ཅིའི་སླད་དུ་བདག་ལ་ཐོ་འཚམ་པར་མཛད། རྒ་
D3.008.0030b02.01བའི་ཆོས་ཅན་ཁོ་བོ་ཁྱོད་ལ་ཐོ་འཚམ་པ་མ་ཡིན་གྱི། ཁྱོད་ཁོ་བོ་ལ་ཐོ་འཚམ་སྟེ། གལ་ཏེ་ཁོ་བོས་ཡོན་ཏན་གྱི་ཚོགས་འདི་ལྟ་བུ་ཐོབ་པར་མ་གྱུར་དུ་ཟིན་ན་ཁྱོད་ཀྱིས་དེང་ཁོ་བོ་མིང་ལས་ལྷག་མ་མ་ལུས་པར་བྱེད་པར་འགྱུར་རོ། །དེས་སྨྲས་པ། བཙུན་པ་ལེགས་འོངས་བདག་
D3.008.0030b03.01གིས་ཅི་བགྱི་བ་བཀའ་སྩལ་དུ་གསོལ། བཞིན་{བཟངས་,བཟང་}ཚུར་ཤོག །བཅོམ་ལྡན་འདས་ཀྱི་སྤྱན་སྔར་སོང་ལ་སྐྱབས་སུ་འགྲོ་བ་དང་། བསླབ་པའི་གཞི་དག་ལོང་ཤིག །དེ་ནས་ཚེ་དང་ལྡན་པ་ལེགས་འོངས་ཀྱིས་ཀླུ་ཨ་མྲའི་ཆུ་ངོགས་པ་ལྷུང་བཟེད་དུ་བཅུག་ནས་བཅོམ་ལྡན་འདས་
D3.008.0030b04.01ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ། །མཐའ་གཅིག་ཏུ་འདུག་ནས་བཅོམ་ལྡན་འདས་ལ་ཚེ་དང་ལྡན་པ་ལེགས་འོངས་ཀྱིས་འདི་སྐད་ཅེས་གསོལ་ཏོ། །བཙུན་པ་ཀླུ་ཨ་མྲའི་ཆུ་ངོགས་པ་དེ་
D3.008.0030b05.01འདི་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། བཞིན་{བཟངས་,བཟང་}ཁྱོད་རེ་ཞིག་སྔོན་གྱི་ཉེས་པར་སྤྱད་པས། ད་ལྟར་དུད་འགྲོའི་སྐྱེ་གནས་ངན་པར་སྐྱེས་ཤིང་། དྲག་ཤུལ་ཅན་ལག་པ་དམར་བ། སྣུན་པ་དང་རབ་ཏུ་སྣུན་པ་ལ་ཞུགས་པ། གཞན་གྱི་སྲོག་
D3.008.0030b06.01འཕྲོག་པ། གཞན་གྱི་སྲོག་གཅོད་དུ་འཇུད་པ། གཞན་གྱི་སྲོག་གཅོད་པས་འཚོ་བར་བྱེད་པ་ཡིན་པས། ཁྱོད་འདི་ནས་ཤི་འཕོས་པའི་འགྲོ་བ་ནི་ཅིར་འགྱུར། སྐྱེ་བ་ནི་ཅིར་འགྱུར། ཚེ་ཕྱི་མ་ནི་ཅིར་འགྱུར། བཅོམ་ལྡན་འདས་བདག་གིས་ཇི་ལྟར་བགྱི་བ་བཀའ་སྩལ་དུ་གསོལ་
D3.008.0030b07.01