完整藏文原文 · 德格版页 当前仅加载第 8 函德格 92a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་བས་སྦྱིན་པ་འདི་ཆེས་འབྲས་བུ་ཆེའོ། །ཁྱིམ་བདག་དེ་ལྟ་བས་ན་ཁྱོད་ཀྱིས་འདི་ལྟར་འདུ་བྱེད་ཐམས་ཅད་ལ་མི་རྟག་པར་རྗེས་སུ་ལྟ་ཞིང་གནས་པར་བྱེད་པ་དང་ཟད་པར་རྗེས་སུ་ལྟ། འདོད་ཆགས་དང་བྲལ་བར་རྗེས་སུ་ལྟ། འགོག་པར་རྗེས་སུ་ལྟ། སྤོང་བར་
D3.008.0092a01.01རྗེས་སུ་ལྟ་ཞིང་གནས་པར་བྱའོ། །ཞེས་བསླབ་པར་བྱ་སྟེ། ཁྱིམ་བདག་ཁྱོད་ཀྱིས་དེ་ལྟར་བསླབ་པར་བྱའོ། །དེ་ནས་ཁྱིམ་བདག་ངན་པ་བཟང་བྱིན་གྱིས་བཅོམ་ལྡན་འདས་ཀྱིས་བཀའ་སྩལ་པ་ལ་མངོན་པར་བསྟོད་པ་དང་རྗེས་སུ་ཡི་རངས་པ་བྱས་ནས། བཅོམ་ལྡན་འདས་ཀྱི་ཞབས་
D3.008.0092a02.01གཉིས་ལ་མགོ་བོས་ཕྱག་འཚལ་ཏེ་བཅོམ་ལྡན་འདས་ཀྱི་སྤྱན་སྔ་ནས་སོང་ངོ་། །དེ་དུས་གཞན་ཞིག་ན་རང་གི་ཁྱིམ་ན་མཚན་མོ་མར་མེ་སྦར་ཏེ་སངས་རྒྱས་ཀྱི་བཀའ་ཀློག་པ་ན་རྒྱལ་པོའི་ཞོ་ཤས་འཚོ་བ་གྲོང་ཁྱེར་ཉུལ་བ་དག་གིས་སྒོ་གཏན་གྱི་བུ་གུ་ནས་དེ་མཐོང་ནས། དེ་དག་གིས་དེ་ལ་སྨྲས་
D3.008.0092a03.01པ། ཁྱིམ་བདག་རྒྱལ་པོས་དྲིལ་བསྒྲགས་པ་བྱེད་དུ་བཅུག་སྟེ་མཉན་ཡོད་དུ་སུས་ཀྱང་མཚན་མོ་མེ་སྦར་བར་མི་བྱའོ། །གང་སྦར་བར་བྱེད་པ་དེ་ཀཱརྵཱ་པ་ཎ་དྲུག་བཅུའི་ཆད་པས་བཅད་པར་བྱ་བའམ། ཕྱག་སྦལ་དུ་བཅུག་སྟེ་འཆི་བར་བྱའོ་ཞེས་བཀའ་བཏགས་ན་ཁྱོད་ཀྱིས་ཅིའི་ཕྱིར་
D3.008.0092a04.01མཚན་མོ་མེ་སྦར། དེས་སྨྲས་པ། ཤེས་ལྡན་དག་འདི་ནི་མེ་མ་ཡིན་ཏེ་མར་མེ་ཡིན་ནོ། །ཁྱིམ་བདག་ཅི་འདིས་མེའི་བྱ་བ་བྱེད་མི་ནུས་སམ། ཡང་ན་ནི་ཀཱརྵཱ་པ་ཎ་དྲུག་བཅུ་ཕུལ་ཅིག །ཡང་ན་ནི་ཕྱག་སྦལ་ན་འདུག་ཤིག །ཤེས་ལྡན་དག་ཁོ་བོ་ལ་ཀཱརྵཱ་པ་ཎ་དྲུག་བཅུའི་འབྱོར་པ་ག་ལ་
D3.008.0092a05.01ཡོད། ཕྱག་སྦལ་དུ་འདུག་གོ། །ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱི་ཕྱག་སྦལ་ནི་རིམ་པ་གསུམ་ཡོད་དེ། མི་གཙོ་བོ་གང་དག་ཡིན་པ་དེ་དག་ནི་སྟེང་རིམ་དུ་འཇོག་པར་བྱེད། མི་བར་མ་གང་དག་ཡིན་པ་དེ་དག་ནི་བར་དུ་འཇོག་པར་བྱེད། མི་ངན་པ་གང་དག་ཡིན་པ་
D3.008.0092a06.01དེ་དག་ནི་གཏིང་དུ་འཇོག་པར་བྱེད་པས་དེ་མི་གཙོ་བོ་ཡིན་པའི་ཕྱིར་དེ་དག་གིས་སྟེང་རིམ་དུ་བཞག་གོ། །དེ་ནས་རྒྱལ་པོ་ཆེན་པོ་བཞི་མཚན་མོའི་ཐུན་དང་པོ་ལ་ཁྱིམ་བདག་ངན་པ་བཟང་བྱིན་ག་ལ་བ་དེར་སོང་སྟེ་ཕྱིན་ནས་ཁྱིམ་བདག་ངན་པ་བཟང་བྱིན་ལ་འདི་སྐད་ཅེས་སྨྲས་སོ། །
D3.008.0092a07.01