完整藏文原文 · 德格版页 当前仅加载第 8 函德格 249b 版页；藏文 NFD、目录标记与异常页序保留在来源切片中，重复版页行以稳定序号区分。
བཙུན་མོ་གྲགས་འཛིན་གྱིས་བུ་མོ་ལ་སྨྲས་པ། བུ་མོ་ཁོ་མོས་ཁྱོད་ལ་བྲམ་ཟེ་བོས་ཤིག་ཅེས་བསྒོ་ན་ཁྱོད་ཀྱིས་ཅིའི་ཕྱིར་དགེ་སྦྱོང་མགོ་རེག་བོས་དེས་ཅང་མི་ཟེར་བར་འདུག་གོ། །ཚེ་དང་ལྡན་པ་འཆར་ཀས་སྨྲས་པ། གལ་ཏེ་ཁོ་བོ་ཁྱོད་ཀྱི་ཁྱིམ་ཐབ་ཀྱི་གན་དུ་རབ་ཏུ་བྱུང་ཞེས་ཏེ་ཁོ་བོའི་
D3.008.0249b01.01བྲམ་ཟེ་ཡང་ཉམས་སྙམ་མམ་ཅི། གལ་ཏེ་བྲམ་ཟེ་ན་ནི་ཨོཾ་བྷུར་བྷུ་བ་སྭཱ་ཞེས་ཟེར་ལ། འོན་ཏེ་རབ་ཏུ་བྱུང་ན་ནི། །སྡིག་པ་ཐམས་ཅད་མི་བྱ་སྟེ། །དགེ་བ་ཕུན་སུམ་ཚོགས་པར་བྱ། །རང་གི་སེམས་ནི་ཡོངས་སུ་གདུལ། །འདི་ནི་སངས་རྒྱས་བསྟན་པ་ཡིན། །ཞེས་ཟེར་རོ། །དེས་
D3.008.0249b02.01སྨྲས་པ། ཁྱོད་བྲམ་ཟེ་ཡང་རུང་། དགེ་སྦྱོང་ཡང་རུང་སྟེ། ཁོ་མོས་ནི་བཅོམ་ལྡན་འདས་དཀའ་བ་སྤྱོད་པ་ན། གལ་ཏེ་བཅོམ་ལྡན་འདས་སེར་སྐྱའི་གནས་སུ་གཤེགས་ན་དེའི་ཕྱིར་བདག་གིས་བྲམ་ཟེ་ལ་འདི་དང་འདི་སྦྱིན་པར་བྱའོ་ཞེས་གསོལ་བ་བྱས་སོ། །དེས་སྨྲས་པ། བཅོམ་ལྡན་
D3.008.0249b03.01འདས་ཀྱིས་སྲོག་ཆགས་འབུམ་ཕྲག་དུ་མ་དག་ལྟ་བའི་རྣམ་པ་དང་བྲལ་བར་མཛད་ན་ཁྱོད་ནི་ལྟ་བའི་རྣམ་པ་དང་བྲལ་བར་མ་མཛད་དོ། །དེས་སྨྲས་པ། འཕགས་པ་བུད་མེད་ཀྱི་ཡུལ་ནི་དབྲལ་དཀའ་བ་ལགས་པས་ཇི་ལྟར་བགྱི། དེས་སྨྲས་པ། དེ་ནི་མཇལ་གྱིས། ཇེ་སློང་མོ་པ་དག་
D3.008.0249b04.01ལ་ཇི་ཞིག་སྦྱིན་པ་དེ་བལྟའོ། །འཕགས་པ་ཞོའི་ཁམ་ཕོར་འདི་དང་ཕྱེའི་ཁམ་ཕོར་འདི་འགྲེང་སྟེ་ལོང་ལ་ཁྲིའུ་འདི་ལ་བཞུགས་ཤིག །ཅི་ཁྲིའུ་འདི་ཡང་ཁོ་བོ་ལ་སྦྱིན་ནམ། འཕགས་པ་ཁྲིའུ་ནི་མི་གསོལ་ལོ། །དེས་བསམས་པ། གལ་ཏེ་ཁྲིའུ་མི་སྟེར་ན་ཁྲིའུ་འདི་བཅག་པར་བྱའོ་
D3.008.0249b05.01སྙམ་དུ་རིག་ནས། དེ་ཁྲིའུ་དེ་ཉིད་ལ་ལུས་ཐམས་ཅད་ཀྱི་ལྗིད་ཀྱིས་ཕབ་སྟེ་འདུག་པ་དང་། སྒྱེལ་ནས་ཞོའི་ཁམ་ཕོར་དང་ཕྱེའི་ཁམ་ཕོར་དེ་དེའི་མགོར་བོ་བ་དང་། དེ་དག་གིས་རྟ་གད་ཀྱིས་བཏབ་སྟེ། ལག་པ་དང་རྐང་པ་དག་ནས་བཟུང་ནས་བྱང་ཆུབ་སེམས་དཔའ་རོལ་པའི་རྫིང་དུ་
D3.008.0249b06.01འཕངས་སོ། །དེ་ལངས་ཏེ་གོས་དག་འཚིར་བ་དགེ་སློང་རྣམས་ཀྱིས་མཐོང་ནས་སྨྲས་པ། ཚེ་དང་ལྡན་པ་འཆར་ཀ་འདི་ཅི་ཉེས། དེས་སྨྲས་པ། ཁོ་བོས་ཀུ་རེ་ཅུང་ཞིག་བྱས་ན་ཉེས་དམིགས་འདི་ལྟ་བུ་འདི་བྱུང་ངོ་། །དེ་དག་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་
D3.008.0249b07.01