完整藏文原文 · 德格版页 当前仅加载第 8 函德格 25b 版页；藏文 NFD、目录标记与异常页序保留在来源切片中，重复版页行以稳定序号区分。
ཁྱོད་ལ་ཀཱཪྵཱ་པ་ཎ་དག་ཡོད་དམ། བཅོམ་ལྡན་འདས་མ་མཆིས་སོ། །བཅོམ་ལྡན་འདས་ཀྱིས་བཀའ་སྩལ་པ། བུ་གོས་ཀྱི་གྲར་ལྟོས་ཤིག །དེས་བལྟས་པ་དང་། ཇི་ཙམ་ན་ཀཱཪྵཱ་པ་ཎ་གཉིས་ཡོད་པ་མཐོང་ནས་དེས་གསོལ་པ། བཅོམ་ལྡན་འདས་མཆིས་སོ། །བཅོམ་ལྡན་འདས་
D3.008.0025b01.01ཀྱིས་བཀའ་སྩལ་པ། བུ་སོང་ལ་ཀུན་དགའ་ར་བ་པ་རྒྱལ་བུ་དུམ་པའི་གན་ནས་ཨུཏྤ་ལ་སྔོན་པོ་དག་ཁྱེར་ཏེ་ཤོག་ཤིག །དེས་བཅོམ་ལྡན་འདས་བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས་ཀུན་དགའ་ར་བ་པ་རྒྱལ་བུ་དུམ་པ་ག་ལ་བ་དེར་སོང་བ་དང་། རྒྱལ་བུ་དུམ་
D3.008.0025b02.01པས་དེ་ཐག་རིང་པོ་ཁོ་ན་ནས་འོང་བ་མཐོང་ནས་དེས་བསམས་པ། ཉེས་འོངས་འདི་ག་ཤེད་ནས་འདིར་འོངས་པས་བདག་ལ་གནོད་པ་འབྱུང་བར་འགྱུར་བ་གང་ཡིན་པ་དེ་ལྟ་བུའི་གནས་ཡོད་པར་འགྱུར་རོ་སྙམ་ནས། དེས་སྨྲས་པ། ཉེས་འོངས་ཀུན་དགའི་ར་བར་མ་འཇུག་ཤིག །
D3.008.0025b03.01ལེགས་འོངས་ཀྱིས་ཚིགས་སུ་བཅད་པ་སྨྲས་པ། བདག་ནི་ཨུཏྤལ་མི་སྒྲུབ་སྟེ། །པད་མ་བདག་ལ་དགོས་པ་མེད། །ཁོ་བོ་ཀུན་མཁྱེན་གྲགས་ལྡན་པ། །ཐུབ་པའི་དབང་པོའི་ཕོ་ཉ་ཡིན། །དུམ་པས་ཚིགས་སུ་བཅད་པ་སྨྲས་པ། གལ་ཏེ་ཐུབ་པ་ཞི་བདག་ཉིད། །ལྷ་མི་རྣམས་
D3.008.0025b04.01ཀྱི་མཆོད་གནས་ཀྱི། །མཆོད་པའི་གནས་ཀྱིས་ཆེས་མཆོད་པའི། །ཕོ་ཉ་ལགས་ན་ཚུར་གཤེགས་སྤྱོན། །དུམ་པས་སྨྲས་པ། ཁྱོད་སངས་རྒྱས་ཀྱི་ཕོ་ཉ་ཡིན་ནམ། ལེགས་འོངས་ཀྱིས་སྨྲས་པ། ཁོ་བོ་སངས་རྒྱས་ཀྱི་ཕོ་ཉ་ཡིན་ནོ། །དོན་ཅིའི་ཕྱིར་འོངས། ཨུཏྤལ་དག་གི་
D3.008.0025b05.01ཕྱིར་འོངས་སོ། །སོང་ལ་ཇི་སྙེད་འདོད་པ་དེ་སྙེད་ཁྱེར་ཏེ་སོང་ཤིག །ལེགས་འོངས་ཀྱིས་ཨུཏྤལ་སྔོན་པོ་དག་གི་ཁུར་ཁྱེར་ཏེ་བཅོམ་ལྡན་འདས་ཀྱི་སྤྱན་སྔར་སོང་བ་དང་། བཅོམ་ལྡན་འདས་ཀྱིས་བཀའ་སྩལ་པ། ལེགས་འོངས་དགེ་སློང་རྣམས་ལ་བྲིམས་ཤིག །ལེགས་
D3.008.0025b06.01འོངས་ཀྱིས་དགེ་སློང་རྣམས་ལ་ཨུཏྤལ་སྔོན་པོ་དག་བྲིམ་པར་བརྩམ་པ་དང་། དགེ་སློང་དག་མི་ལེན་ནས་བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དྲི་ཞིམ་པོ་ཐམས་ཅད་ནི་མིག་ལ་ཕན་ཞིང་འདིའི་ལས་སྦྱང་བར་ཡང་བྱས་ལོང་ཤིག །དགེ་སློང་རྣམས་ཀྱིས་
D3.008.0025b07.01