完整藏文原文 · 德格版页 当前仅加载第 8 函德格 155a 版页；藏文 NFD、目录标记与异常页序保留在来源切片中，重复版页行以稳定序号区分。
ཚོལ་མི་སྐྱོ་སྟེ། །སྲིད་དང་ངན་འགྲོས་ཉམས་ལ་བྱམས་པ་ནི། །རབ་ཉམས་བེའུ་ལ་བྱམས་པའི་བ་བཞིན་ནོ། །བཅོམ་ལྡན་འདས་ཀྱིས་དགོངས་པ། ཁྱེའུ་དེ་ནི་སྔོན་གྱི་སངས་རྒྱས་རྣམས་ལ་བྱ་བ་ལྷག་པར་བྱས་པ་ཡིན་པས་དེ་ལ་ཕན་གདགས་པར་བྱ་
D3.008.0155a01.01ཞིང་། གནོད་སྦྱིན་འབྲོག་གནས་ཀྱང་གདུལ་བར་བྱའོ་སྙམ་དུ་རིག་ནས་མ་ག་དྷཱ་དག་ཏུ་ལྗོངས་རྒྱུ་ཞིང་གཤེགས་ནས་འབྲོག་གནས་སུ་བྱོན་ཏེ་གནོད་སྦྱིན་འབྲོག་གནས་ཀྱི་གནས་སུ་མཚན་མོ་གནས་པར་ཞལ་གྱིས་བཞེས་སོ། །དེའི་ཚེ་ན་གནོད་སྦྱིན་འབྲོག་གནས་གནོད་
D3.008.0155a02.01སྦྱིན་རྣམས་ཀྱི་གནོད་སྦྱིན་འདུ་བར་སོང་བར་གྱུར་ཏོ། །གནོད་སྦྱིན་བོང་བུ་བས་བཅོམ་ལྡན་འདས་གནོད་སྦྱིན་འབྲོག་གནས་ཀྱི་གནས་སུ་མཚན་མོ་གནས་པར་ཞལ་གྱིས་བཞེས་པ་མཐོང་ངོ་། །མཐོང་ནས་ཀྱང་གནོད་སྦྱིན་འབྲོག་གནས་ག་ལ་བ་དེར་སོང་སྟེ་ཕྱིན་
D3.008.0155a03.01ནས་གནོད་སྦྱིན་འབྲོག་གནས་ལ་འདི་སྐད་ཅེས་སྨྲས་སོ། །གྲོང་དཔོན་ཁྱོད་ཀྱི་གནས་སུ་བཅོམ་ལྡན་འདས་མཚན་མོ་གནས་པར་ཞལ་གྱིས་བཞེས་པ་གང་ཡིན་པ་དེ་ནི་ཁྱོད་ཀྱིས་རྙེད་པ་ལེགས་པར་རྙེད་དོ། །གྲོང་དཔོན་མིར་གྱུར་པ་ཡང་བདག་གི་གནས་སུ་མཚན་མོ་
D3.008.0155a04.01གནས་པར་ཁས་ལེན་ཏམ། གྲོང་དཔོན་དེ་དེ་བཞིན་ནོ། །དེ་དེ་བཞིན་ཏེ། འདི་ལྟ་སྟེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སོ། །གྲོང་དཔོན་དེ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་
D3.008.0155a05.01རྒྱས་ཡིན་ནམ། འོན་ཏེ་མ་ཡིན་པ་ད་ཤེས་པར་བྱའོ། །དེ་ནས་གནོད་སྦྱིན་འབྲོག་གནས་ཀྱིས་གནོད་སྦྱིན་རྣམས་ཀྱི་གནོད་སྦྱིན་འདུ་བ་ཟིལ་གྱིས་མནན་ནས་རང་གི་གནས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །དགེ་སྦྱོང་ཕྱིར་
D3.008.0155a06.01བྱུང་ཤིག །བཅོམ་ལྡན་འདས་ཀྱིས་འདི་ནི་གཞན་གྱིས་ཡོངས་སུ་བཟུང་བའོ་སྙམ་དུ་དགོངས་ནས་སླར་བྱུང་ངོ་། །དགེ་སྦྱོང་ཞུགས་ཤིག །བཅོམ་ལྡན་འདས་རྒྱགས་པ་དང་། ང་རྒྱལ་ངེས་པར་བཅོམ་པའི་ཕྱིར་ཞུགས་སོ། །གནོད་སྦྱིན་འབྲོག་གནས་ཀྱིས་ལན་
D3.008.0155a07.01