完整藏文原文 · 德格版页 当前仅加载第 8 函德格 119b 版页；藏文 NFD、目录标记与异常页序保留在来源切片中，重复版页行以稳定序号区分。
པས་དེས་བརྩོན་འགྲུས་བརྩམས་པས་འཁོར་བའི་འཁོར་ལོ་ཆ་ལྔ་པ་གཡོ་བ་དང་མི་གཡོ་བ་འདི་ཉིད་རིག་སྟེ། འདུ་བྱེད་ཀྱི་རྣམ་པ་ཐམས་ཅད་ཉམས་པ་དང་། ལྟུང་བ་དང་རྣམ་པར་འཐོར་བ་དང་། རྣམ་པར་འཇིག་པའི་ཆོས་ཉིད་ཀྱིས་ཟིལ་གྱིས་མནན་ནས་ཉོན་མོངས་པ་
D3.008.0119b01.01ཐམས་ཅད་སྤངས་པས་རིགས་ཀྱི་བུ་དག་གང་གི་ཕྱིར་སྐྲ་དང་ཁ་སྤུ་དག་བྲེགས་ཏེ་གོས་ངུར་སྨྲིག་དག་བགོས་ནས་ཡང་དག་པ་ཁོ་ནར་དད་པས་ཁྱིམ་ནས་ཁྱིམ་མེད་པར་རབ་ཏུ་འབྱུང་བར་བྱེད་པ་ཚངས་པར་སྤྱོད་པའི་མཐའ་བླ་ན་མེད་པ་དེ་ཚེ་འདི་ཉིད་ལ་རང་གི་མངོན་པར་ཤེས་པས་
D3.008.0119b02.01མངོན་སུམ་དུ་བྱས་ཏེ་བསྒྲུབས་ནས་བདག་གི་སྐྱེ་བ་ཟད་དོ། །ཚངས་པར་སྤྱོད་པ་སྤྱད་དོ། །བྱ་བ་བྱས་སོ། །སྲིད་པ་འདི་ལས་གཞན་མི་ཤེས་སོ་ཞེས་གོ་བར་བྱེད་ཅིང་། དགྲ་བཅོམ་པ་ཁམས་གསུམ་པ་ལས་འདོད་ཆགས་དང་བྲལ་བ། བོང་བ་དང་གསེར་དུ་མཉམ་པ། ནམ་
D3.008.0119b03.01མཁའ་དང་ལག་མཐིལ་དུ་མཚུངས་པའི་སེམས་དང་ལྡན་པ། ཙན་དན་བཞག་པ་ལྟ་བུ། རིག་པས་སྒོ་ངའི་སྦུབས་དྲལ་བར་གྱུར་ཅིང་། རིག་པ་དང་། མངོན་པར་ཤེས་པ་དང་། སོ་སོ་ཡང་དག་པར་རིག་པ་ཐོབ་པ། སྲིད་པ་དང་འདོད་པའི་རྙེད་པ་དང་། བཀུར་སྟི་ལ་རྒྱབ་
D3.008.0119b04.01ཀྱིས་ཕྱོགས་པ། དབང་པོ་དང་ཉེ་དབང་དང་བཅས་པའི་ལྷ་རྣམས་ཀྱིས་མཆོད་པར་བྱ་བ་དང་། རྗེད་པར་བྱ་བ་དང་། མངོན་དུ་སྨྲ་བར་བྱ་བར་གྱུར་ཏོ། །དེ་ནས་ཚེ་དང་ལྡན་པ་ཨུ་ཏྲ་ཡ་ནས་དགྲ་བཅོམ་པ་ཉིད་ཐོབ་ནས་རྣམ་པར་གྲོལ་བའི་དགའ་བ་དང་བདེ་བ་སོ་སོ་ཡང་དག་པར་རིག་
D3.008.0119b05.01པ་ན་དེའི་ཚེ་ཚིགས་སུ་བཅད་པ་སྨྲས་པ། དགེ་སློང་ཨུ་ཏྲ་ཡ་ན་ནི། །མདུད་པ་སྦྱོར་བ་ཟུག་རྔུ་དང་། །དེ་བཞིན་སྒྲིབ་ལས་ཐར་གྱུར་ཀྱང་། །རྒྱལ་པོའི་ཆོས་ལས་དེང་མ་ཐར། །ཅེས་སྨྲས་ནས་མི་གཤེད་མ་དེ་དག་ལ་སྨྲས་པ། བཞིན་{བཟངས་,བཟང་}དག་ངས་ཐོབ་པར་བྱ་བ་གང་ཡིན་པ་
D3.008.0119b06.01དེ་ཐོབ་ཟིན་གྱིས་ད་ནི་ཁྱེད་ཅག་དོན་གང་གི་ཕྱིར་འོངས་པའི་དོན་དེ་ཐོབ་པར་བྱའོ། །དེ་དག་གིས་སྨྲས་པ། ལྷ་གལ་ཏེ་རྒྱལ་པོ་གཙུག་ཕུད་ཅན་བདག་ཅག་ལ་རྒྱལ་པོ་རྒན་པོས་འཆི་བའི་དུས་ཀྱི་ཚེ་ཅི་ཞིག་སྨྲས་ཞེས་རྨེད་ན། བདག་ཅག་གིས་དེ་ལ་ཇི་སྐད་བརྗོད་པར་བགྱི།
D3.008.0119b07.01