完整藏文原文 · 德格版页 当前仅加载第 8 函德格 43a 版页；藏文 NFD、目录标记与异常页序保留在来源切片中，重复版页行以稳定序号区分。
མོ་ཕྲེང་ལྡན་མས་ཚེ་དང་ལྡན་པ་འཆར་ཀ་ལ་སྨྲས་པ། བཙུན་པ་འཆར་ཀ་ཁྱོད་པས་སླད་ཀྱིས་རབ་ཏུ་བྱུང་བ་དགེ་སློང་མ་ཨུཏྤ་ལའི་མདོག་དང་། དགེ་ཚུལ་མ་སྐུལ་བྱེད་དང་། དགེ་ཚུལ་མ་ཙི་རི་ཀ་དང་། གཞན་ཡང་མང་པོ་གང་ལགས་པ་དེ་དག་ཐམས་ཅད་ཀྱིས་
D3.008.0043a01.01ཉོན་མོངས་པ་ཐམས་ཅད་སྤངས་པས། དགྲ་བཅོམ་པ་ཉིད་མངོན་དུ་བགྱིས་ན། ཁྱོད་ཀྱིས་ནི་རྒྱལ་པོ་དང་བཅས་པའི་འཁོར་གྱི་ནང་དུ་མི་མཛེས་པ་འདི་ལྟ་བུ་བགྱིས་པར་གྱུར་ཀྱང་། ད་དུང་སྐྱོ་བ་མི་མངའ་འམ། ཚེ་དང་ལྡན་པ་འཆར་ཀས་སྨྲས་པ། ཕྲེང་ལྡན་མ། ད་ཕྱིན་ཆད་འཁོར་བར་
D3.008.0043a02.01འཁོར་བ་ན་ཉོན་མོངས་པ་དེ་ལྟ་བུ་དག་ཀུན་དུ་སྤྱོད་པར་མི་འགྱུར་བ་དེ་ལྟར་བྱའོ་ཞེས་སྨྲས་ནས་དེ་སྟན་ལས་ལངས་ཏེ་སོང་ངོ་། །དེ་ངོ་ཚ་བས་བཅོམ་ལྡན་འདས་དང་ཕྲད་པར་མ་ནུས་ནས། ཚེ་དང་ལྡན་པ་ཤཱ་རིའི་བུ་ག་ལ་བ་དེར་སོང་སྟེ་ཕྱིན་ནས། ཚེ་དང་ལྡན་པ་ཤཱ་རིའི་བུ་ལ་འདི་སྐད་ཅེས་
D3.008.0043a03.01སྨྲས་སོ། །མཁན་པོ་ཇི་ལྟར་བདག་འཁོར་བར་འཁོར་བ་ན། ཉོན་མོངས་པ་དེ་ལྟ་བུ་དག་ཀུན་དུ་སྤྱོད་པར་མི་འགྱུར་བ་དེ་ལྟར་བདག་ལ་ཆོས་བསྟན་དུ་གསོལ། ཚེ་དང་ལྡན་པ་ཤཱ་རིའི་བུས་བསམས་པ། ལྟུང་བ་ལྷག་མ་མེད་པ་བྱུང་བར་མ་གྱུར་ཏམ་སྙམ་ན། ཇི་ཙམ་ན་དེས་ལྷག་
D3.008.0043a04.01མ་ཡོད་པར་མཐོང་ནས། དེས་དེ་བཤགས་པར་བྱ་བའི་ལྟུང་བ་གང་དག་ཡིན་པ་དེ་དག་ཀྱང་འཆགས་སུ་བཅུག །བསྡམ་པར་བྱ་བའི་ལྟུང་བ་གང་དག་ཡིན་པ་དེ་དག་ཀྱང་སྡོམ་དུ་བཅུག་ནས། དེས་དེ་ལ་འདི་དང་འདི་ལྟར་ཡིད་ལ་གྱིས་ལ་བག་ཡོད་པས་སྒྲུབས་ཤིག་ཅེས་གདམས་
D3.008.0043a05.01ངག་བྱིན་ནོ། །དེ་ནས་ཚེ་དང་ལྡན་པ་འཆར་ཀ་གཅིག་པུ་དབེན་པ་བག་ཡོད་པ། རྟུན་པ་དང་ལྡན་པ། བདག་ཉིད་བཏང་བར་གནས་པ་ན་རིགས་ཀྱི་བུ་དག་གང་གི་ཕྱིར་སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་དག་བགོས་ནས་ཡང་དག་པ་ཁོ་ནར་དད་པས་ཁྱིམ་ནས་ཁྱིམ་མེད་པར་རབ་ཏུ་འབྱུང་
D3.008.0043a06.01བར་བྱེད་པ། ཚངས་པར་སྤྱོད་པའི་མཐའ་བླ་ན་མེད་པ་དེ་ཚེ་དེ་ཉིད་ལ་རང་གི་མངོན་པར་ཤེས་པས་མངོན་སུམ་དུ་བྱས་ཏེ་བསྒྲུབས་ནས་བདག་གི་སྐྱེ་བ་ཟད་དོ། །ཚངས་པར་སྤྱོད་པ་སྤྱད་དོ། །བྱ་བ་བྱས་སོ། །སྲིད་པ་འདི་ལས་གཞན་མི་ཤེས་སོ་ཞེས་གོ་བར་བྱེད་ཅིང་། དགྲ་བཅོམ་
D3.008.0043a07.01