完整藏文原文 · 德格版页 当前仅加载第 8 函德格 71a 版页；藏文 NFD、目录标记与异常页序保留在来源切片中，重复版页行以稳定序号区分。
འདི་དུས་ལ་བབ་པའི་ལུས་ཕྱག་དར་གྱི་ཕུང་པོར་སྦས་པ་དང་། འདིས་སྟོན་པ་མཉེས་པར་བགྱིས་ཤིང་། ཐུགས་བྱུང་བར་མ་བགྱིས་པ་དང་། འདི་དུས་ལ་བབ་པའི་ལུས་ལ་སྟོན་པ་ཉན་ཐོས་ཀྱི་དགེ་འདུན་དང་བཅས་པ་དང་། རྒྱལ་པོའི་བཙུན་མོ་འཁོར་
D3.008.0071a01.01དང་བཅས་པས། ལུས་ཀྱི་མཆོད་པ་བགྱིས་པ་དེ་ལྟ་བུའི་ཡོན་ཏན་གྱི་ཚོགས་ཐོབ་པར་གྱུར། དགེ་སློང་དག་འཆར་ཀ་ཉིད་ཀྱིས་ལས་ཚོགས་རྙེད་པ། རྐྱེན་ཡོངས་སུ་བསྒྱུར་བ། འོད་པ་བཞིན་དུ་ཉེ་བར་གནས་པ། གདོན་མི་ཟ་བར་འབྱུང་བར་འགྱུར་བ་དག་བྱས་
D3.008.0071a02.01ཤིང་བསགས་པས། འཆར་ཀ་ཉིད་ཀྱིས་ལས་བྱས་ཤིང་བསགས་པ་དག་གཞན་སུ་ཞིག་གིས་སོ་སོར་མྱོང་བར་འགྱུར། དགེ་སློང་དག་ལས་བྱས་ཤིང་བསགས་པ་དག་ནི། ཕྱི་རོལ་གྱི་སའི་ཁམས་ལ་རྣམ་པར་སྨིན་པར་མི་འགྱུར། ཆུའི་ཁམས་ལ་མི་འགྱུར། མེའི་
D3.008.0071a03.01ཁམས་ལ་མི་འགྱུར། རླུང་གི་ཁམས་ལ་མི་འགྱུར་གྱི། འདི་ལྟར་ལས་དགེ་བ་དང་། མི་དགེ་བ་བྱས་ཤིང་བསགས་པ་དག་ནི་ཟིན་པའི་ཕུང་པོ་དང་། ཁམས་དང་། སྐྱེ་མཆེད་དག་ལ་རྣམ་པར་སྨིན་པར་འགྱུར་ཏེ། ལས་རྣམས་བསྐལ་པ་བརྒྱར་ཡང་ནི། །ཆུད་མི་
D3.008.0071a04.01ཟ་བའང་ཚོགས་དང་དུས། །རྙེད་ན་ལུས་ཅན་རྣམས་ལ་ནི། །འབྲས་བུ་དག་ཏུ་འགྱུར་བ་ཉིད། །དགེ་སློང་དག་སྔོན་བྱུང་བ་འདས་པའི་དུས་ན་སངས་རྒྱས་རྣམས་འབྱུང་བ་མེད་པའི་ཚེ། རང་སངས་རྒྱས་དམན་པ་དང་། བཀྲེན་པ་ལ་རྗེས་སུ་སྙིང་བརྩེ་བ། བས་མཐའི་
D3.008.0071a05.01གནས་མལ་ལ་དགའ་བ། བསེ་རུ་ལྟ་བུ་གཅིག་པུ་འཇིག་རྟེན་གྱི་ཡོན་གནས་སུ་གྱུར་པ་དག་འཇིག་རྟེན་དུ་བྱུང་ངོ་། །གངས་ཀྱི་སུལ་ཞིག་ན་རང་སངས་རྒྱས་ལྔ་བརྒྱ་གནས་ཏེ། དེ་ན་རང་སངས་རྒྱས་གཅིག་ཅིག་ན་བར་གྱུར་ནས་གཞན་དག་གིས་དེ་ལ་སྨྲས་པ། ཁྱོད་བཞུད་ལ་
D3.008.0071a06.01སྨན་པ་ལ་རྨོས་ཏེ་ཆོ་ག་མཛོད་ཅིག །དེ་རི་བྲགས་གཞན་ཞིག་ཏུ་སོང་ནས་མཚན་མོ་རྫ་མཁན་གྱི་ར་བ་ཞིག་ཏུ་གནས་པར་ཁས་བླངས་པ་དང་། དེ་མཚན་མོ་ན་བར་གྱུར་ནས་དུས་ལ་བབ་བོ། །རྫ་མཁན་དེས་དེ་མཐོང་ནས་དེས་བསམས་པ། རབ་ཏུ་བྱུང་བ་འདི་རྫ་སོ་བཏང་བ་དང་། མ་
D3.008.0071a07.01