完整藏文原文 · 德格版页 当前仅加载第 8 函德格 249a 版页；藏文 NFD、目录标记与异常页序保留在来源切片中，重复版页行以稳定序号区分。
བར་འགྱུར་བས་འདི་ལ་ཁོ་བོས་མདུད་པར་བྱ་བ་ཡིན་ནོ། །འཁོར་བ་ན་སེམས་ཅན་རྣམས་ཉེ་དུ་ལ་བྱམས་པ་ནི་ཐོག་མ་མེད་པའི་དུས་ནས་གོམས་པ་ཡིན་པས་དེ་དག་དེ་བཞིན་དུ་ངུ་ཞིང་མི་སྡོད་པ་ཐོས་ནས་དགེ་སློང་རྣམས་ཀྱིས་སྐབས་དེ་བཅོམ་ལྡན་འདས་ལ་གསོལ་པ་དང་། བཅོམ་
D3.008.0249a01.01ལྡན་འདས་ཀྱིས་བཀའ་སྩལ་པ། དེ་ལྟ་བས་ན་ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། སྟན་ལ་མ་བརྟགས་པར་ཁྱིམ་གཞན་དུ་སྟན་ལ་འདུག་པར་མི་བྱ་བར་བསླབ་པར་བྱའོ། །གང་གི་ཚེ་བཅོམ་ལྡན་འདས་མངོན་པར་བྱུང་ནས་ལོ་བཅུ་གཉིས་
D3.008.0249a02.01ལོན་ཞིང་། རྫོགས་པར་སངས་རྒྱས་ནས་ལོ་དྲུག་ལོན་ནས་སེར་སྐྱའི་གནས་སུ་བྱོན་པ་དེའི་ཚེ་ན་ཉི་མ་གཅིག་ནི་ཡབ་ཀྱི་གན་དུ་གདུགས་ཚོད་གསོལ། ཉི་མ་གཉིས་པ་ལ་ནི་རང་གི་བཙུན་མོའི་འཁོར་དུ་གདུགས་ཚོད་གསོལ་བ་ན་ཚེ་དང་ལྡན་པ་འཆར་ཀས་བཙུན་མོ་གྲགས་འཛིན་བཤོས་
D3.008.0249a03.01འབྲིམ་པ་ལ་རྐང་པས་རྐང་པ་ལ་ཕུལ་བ་དང་། དེ་སྟོབས་དང་ལྡན་པས་མ་འགྱེལ་ནས། དེས་བཙུན་མོ་ས་འཚོ་མ་ལ་སྨྲས་པ་ས་འཚོ་མ། འཕགས་པ་འཆར་ཀས་བདག་སངས་རྒྱས་ལ་སོགས་པ་དགེ་སློང་གི་དགེ་འདུན་གྱི་སྤྱན་སྔར་ཐོ་བཙམས་སོ། །ཅི་བྱས་དེས་ཇི་ལྟར་གྱུར་པ་བརྗོད་
D3.008.0249a04.01པ་དང་། དེས་སྨྲས་པ། དེ་ཅི་ནས་ཀྱང་ཕྱིན་ཅད་དེ་ལྟར་བྱེད་པར་མི་འགྱུར་བ་དེ་ལྟར་མི་དགའ་བར་བྱའོ། །ཇི་ཙམ་ཉི་མ་གཞན་ཞིག་ལ་བཙུན་མོ་གྲགས་འཛིན་གྱིས་ཁྲིའུ་མ་བརྒྱུས་པ་ཞིག་རས་ཀྱིས་གཡོགས་ནས་བུ་མོ་མངག་གཞུག་མ་ལ་སྨྲས་པ། བུ་མོ་སོང་ལ་རེ་ཞིག་རྒྱལ་པོའི་
D3.008.0249a05.01ཕོ་བྲང་གི་སྒོར་སྡོད་ལ། གང་གི་ཚེ་འཕགས་པ་འཆར་ཀ་འོང་བ་དེའི་ཚེ་ན་ཁྱོད་ཀྱིས་འདི་སྐད་ཅེས་བྲམ་ཟེ་བྲམ་ཟེ་ཞེས་བརྗོད་པར་བྱའོ། །གལ་ཏེ་བྲམ་ཟེས་ཅི་བྱ་ཞེས་ཟེར་ན་དེ་ལ་བཙུན་མོའི་འཁོར་དུ་འབོད་དོ་ཞེས་བརྗོད་པར་བྱའོ། །བུ་མོ་དེ་བྱུང་བ་དང་། ཚེ་དང་ལྡན་པ་འཆར་ཀ་
D3.008.0249a06.01ཡང་འོངས་ནས། དེར་བྲམ་ཟེ་བྲམ་ཟེ་ཞེས་བོད་པར་བརྩམས་པ་དང་། དེས་སྨྲས་པ། བུ་མོ་བྲམ་ཟེས་ཅི་བྱ། འཕགས་པ་བཙུན་མོའི་འཁོར་དུ་འབོད་དོ། །དེས་བསམས་པ། དེར་གོར་མ་ཆག་པར་སྦྱིན་པར་བྱེད་ཀྱིས་འགྲོའོ་སྙམ་ནས་དེ་མྱུར་བར་མྱུར་བར་སོང་བ་དང་།
D3.008.0249a07.01