完整藏文原文 · 德格版页 当前仅加载第 8 函德格 78a 版页；藏文 NFD、目录标记与异常页序保留在来源切片中，重复版页行以稳定序号区分。
འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་ཀྱིས་གང་གི་སླད་དུ་བདག་ལ་བཀའ་སྩལ་པའི་ཀླུའི་རྒྱལ་པོ་དགའ་བོ་དང་ཉེ་དགའ་དེ་གཉིས་ནི་འདི་ལགས་སོ། །དེ་ནས་བཅོམ་ལྡན་འདས་ཀྱིས་ཀླུའི་རྒྱལ་པོ་དགའ་བོ་དང་ཉེ་དགའ་ལ་འདི་སྐད་ཅེས་བཀའ་སྩལ་ཏོ། །ཀླུའི་
D3.008.0078a01.01དབང་པོ་ཁྱེད་གཉིས་སྔོན་གྱི་ཉེས་པར་སྤྱད་པས་ཀླུའི་སྐྱེ་གནས་ངན་པར་སྐྱེས་ཤིང་ཁྱེད་གཉིས་ད་ལྟར་དྲག་ཤུལ་ཅན། ལག་པ་ཁྲག་གིས་གོས་པ། ཉམས་པ་དང་། རབ་ཏུ་ཉམས་པ་ལ་ཞེན་པ། གཞན་གྱི་སྲོག་འཕྲོགས་པ། གཞན་གྱི་སྲོག་བཅད་པས་འཚོ་བར་བྱེད་དེ། འདི་ནས་
D3.008.0078a02.01ཤི་འཕོས་ན་ཁྱེད་གཉིས་ཀྱི་འགྲོ་བ་ནི་ཅིར་འགྱུར། སྐྱེ་བ་ནི་ཅིར་འགྱུར། ཚེ་ཕྱི་མ་ནི་ཅིར་འགྱུར། དེ་གཉིས་ཀྱིས་གསོལ་པ། བཅོམ་ལྡན་འདས་བདག་ཅག་གཉིས་ཀྱིས་ཅི་ཞིག་བགྱི་བ་བཀའ་སྩལ་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། ཀླུའི་དབང་པོ་གཉིས་ཚུར་ཤོག་ངའི་
D3.008.0078a03.01དྲུང་དུ་སྐྱབས་སུ་འགྲོ་བ་དང་། བསླབ་པའི་གཞི་དག་ལོང་ལ་རི་རབ་ཀྱི་བང་རིམ་ལ་གནས་པའི་{རི་དགས་,རི་དྭགས་}དང་། བྱ་རྣམས་ལ་མི་འཇིགས་པ་བྱིན་ཅིག །དེ་གཉིས་ཀྱིས་གསོལ་པ། བཙུན་པ་བདག་ཅག་གཉིས་བཅོམ་ལྡན་འདས་ཀྱི་སྤྱན་སྔར་སྐྱབས་སུ་མཆི་བ་དང་། བསླབ་པའི་གཞི་དག་ལེན་
D3.008.0078a04.01ཅིང་རི་རབ་ཀྱི་བང་རིམ་ལ་གནས་པའི་{རི་དགས་,རི་དྭགས་}དང་། བྱ་རྣམས་ལ་མི་འཇིགས་པ་སྩོལ་ཏོ། །དེ་གཉིས་ཀྱིས་བཅོམ་ལྡན་འདས་ཀྱི་སྤྱན་སྔར་སྐྱབས་སུ་འགྲོ་བ་དང་། བསླབ་པའི་གཞི་དག་བླངས་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་བཅོམ་ལྡན་འདས་ཀྱི་
D3.008.0078a05.01སྤྱན་སྔ་ནས་དོང་ངོ་། །དགེ་སློང་རྣམས་ཐེ་ཚོམ་སྐྱེས་ནས། ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ཀླུའི་རྒྱལ་པོ་དགའ་བོ་དང་ཉེ་དགའ་གཉིས་ཀྱིས་ལས་ཅི་བགྱིས་ན་ལས་དེའི་རྣམ་པར་སྨིན་པས་ཀླུའི་ནང་དུ་སྐྱེས། ལས་ཅི་བགྱིས་ན་དེས་རིན་
D3.008.0078a06.01པོ་ཆེ་སྣ་བཞི་ལས་བགྱིས་པའི་གནས་མངོན་པར་གྲུབ་ཅིང་ལྷའི་བདུད་རྩིའི་ཟས་དང་སྦྲང་རྩིའི་ཆང་གི་བཏུང་བ་དང་། རེ་རེ་ལ་ཡང་འཁོར་ཉིས་སྟོང་ལྔ་བརྒྱ་དང་ལྡན་པར་གྱུར། ལས་ཅི་བགྱིས་ན་དེས་ན་བསྐལ་པར་གནས་པ་ས་འཛིན་པ། འདབ་ཆགས་ཀྱི་རྒྱལ་པོ་འདབ་{བཟངས་ཀྱིས་,བཟང་གིས་}དབྱུང་བར་
D3.008.0078a07.01