完整藏文原文 · 德格版页 当前仅加载第 8 函德格 169a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱིས་ཀྱང་མ་བགྱིས། སྔོན་གྱི་ཕ་མེས་དག་གིས་ཀྱང་མ་བགྱིས། དགེ་སྦྱོང་དང་། བྲམ་ཟེ་དག་གིས་ཀྱང་མ་བགྱིས། བྱམས་པ་དང་མཛའ་བཤེས་དང་། རྩ་ལག་གི་ཚོགས་ཀྱིས་ཀྱང་མ་བགྱིས་ཏེ། ཁྲག་དང་མཆི་མའི་རྒྱ་མཚོ་ནི་བསྐམས། རུས་པའི་
D3.008.0169a01.01རི་དག་ལས་ནི་བསྒྲལ། ངན་སོང་གི་སྒོ་དག་ནི་བཀུམ། མཐོ་རིས་དང་ཐར་པའི་སྒོ་དག་ནི་ཕྱེ། སེམས་ཅན་དམྱལ་བ་དང་། དུད་འགྲོ་དང་{ཡི་དགས་,ཡི་དྭགས་}དག་ནས་ནི་རྐང་པ་ཕྱུང་། ལྷ་དང་མི་རྣམས་ཀྱི་ནང་དུ་ནི་བཞག །འཁོར་བ་ནི་མཐར་བགྱིས། ཐོག་མ་མ་མཆིས་པའི་
D3.008.0169a02.01དུས་ནས་བསགས་པའི་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ་ཡེ་ཤེས་ཀྱི་རྡོ་རྗེས་བཅོམ་སྟེ་རྒྱུན་དུ་ཞུགས་པའི་འབྲས་བུ་ནི་ཐོབ་སྟེ། བཙུན་པ་བདག་ནི་མངོན་པར་ཞུགས་པ་ལགས་སོ། །བཙུན་པ་བདག་ནི་མངོན་པར་ཞུགས་པ་ལགས་ཏེ། བཙུན་པ་བདག་
D3.008.0169a03.01བཅོམ་ལྡན་འདས་དང་། ཆོས་དང་དགེ་སློང་གི་དགེ་འདུན་ལ་སྐྱབས་སུ་མཆི་ཡིས། བདག་དགེ་བསྙེན་མར་གཟུང་དུ་གསོལ། དེང་སླན་ཆད་ནས་ཇི་སྲིད་འཚོའི་བར་དུ་གློ་བ་ཐག་པ་ནས་རབ་ཏུ་དང་བས་སྐྱབས་སུ་མཆིའོ། །དེ་ནས་བཅོམ་ལྡན་འདས་ཀྱིས་དེ་གཉིས་ལ་ཆོས་
D3.008.0169a04.01བསྟན་པ་མཛད་ནས་གཤེགས་སོ། །སྒུར་མཆོག་གིས་སྤོས་འཚོང་གི་ཁྱེའུ་དེ་ལ་སྨྲས་པ། རྗེའི་སྲས་ད་ནི་བདག་གིས་གཞན་གྱི་ཏིལ་གྱི་ཕུབ་མ་ཡང་མ་བྱིན་པར་ལེན་པའི་རྔོ་མི་ཐོག་གིས་ཀཱརྵཱ་པ་ཎ་སྟོང་གི་ཡོ་བྱད་དག་སྩོལ་ཅིག །དེས་སྨྲས་པ། མ་ཉེས་ཀྱིས་ཤེས་དེས་དེ་
D3.008.0169a05.01ལ་ཀཱརྵཱ་པ་ཎ་སྟོང་གི་ཡོ་བྱད་དག་བྱིན་ནོ། །དེས་དེ་ཁྱེར་ཏེ་སྔོ་བསངས་ཅན་གྱི་གན་དུ་སོང་བ་དང་། དེས་སྨྲས་པ། སྒུར་མཆོག་ཁྱོད་ཀྱིས་དེང་འདི་མགོ་ཕྱིར་བསྟན་ཏེ་ཉལ་བ་གང་ལས་ཐོབ། དེས་སྨྲས་པ། ཇོ་མོ་སྔོན་ནི་བདག་གིས་བརྐུས་ཀྱིས། ད་ནི་བདག་གི་སླན་ཅད་ཉོན་
D3.008.0169a06.01མོངས་པ་དེ་ལྟ་བུ་དག་ཀུན་དུ་སྤྱོད་པར་མི་འགྱུར་བའི་ཡོན་ཏན་གྱི་རྣམ་པ་དེ་ལྟ་བུ་རྟོགས་སོ། །ཁྱོད་ཀྱིས་དེང་ཅི་བྱས། དེ་ཐོས་པ་འཛིན་པ་ཡིན་པས་སྐབས་དེ་རྒྱས་པར་སྨྲས་པ་དང་། དེས་སྨྲས་པ། སྒུར་མཆོག་ཁྱོད་ཀྱིས་བཅོམ་ལྡན་འདས་ཀྱི་སྤྱན་སྔ་ནས་ཆོས་མཉན་ནས་
D3.008.0169a07.01