完整藏文原文 · 德格版页 当前仅加载第 8 函德格 220a 版页；藏文 NFD、目录标记与异常页序保留在来源切片中，重复版页行以稳定序号区分。
དེས་སྨྲས་པ། བུ་མོ་སོང་ལ་འདི་སྐད་ཅེས་རིགས་ཀྱི་བུ་དེ་དེར་དུས་ལ་བབ་སྟེ། ད་དུང་མྱ་ངན་མ་སངས་པས་མཐོང་བར་ག་ལ་འགྱུར་ཞེས་བྱོས་ཤིག །ཨུཏྤ་ལའི་མདོག་གིས་ཇི་ལྟ་ཇི་ལྟར་བསྐྱངས་པ་དེ་ལྟ་དེ་ལྟར་སྤོས་འཚོང་གི་ཁྱེའུ་དེ་ཆགས་པ་དང་བཅས་པས་མཐོང་
D3.008.0220a01.01འདོད་པར་གྱུར་ནས། ཨུཏྤ་ལའི་མདོག་གིས་དེ་ལ་སྡུམ་པར་མ་བྱོན་པར་སྐྱེད་མོས་ཚལ་ག་གེ་མོ་ཞིག་ཏུ་སྤྱོན་ཅིག་ཅེས་ཕྲིན་སྤྲིང་བ་དང་། སྤོས་འཚོང་གི་ཁྱེའུ་དེ་བཟའ་བ་དང་། བཏུང་བ་དང་གོས་དང་། ཕྲེང་བ་རྒྱུ་མང་པོ་ཐོགས་ཏེ་སྐྱེད་མོས་ཚལ་དེར་འོངས་ནས། དེས་ཨུཏྤ་ལའི་
D3.008.0220a02.01མདོག་དང་ལྷན་ཅིག་རེ་ཞིག་ཟོས་ཤིང་འཐུངས་པ་དང་། ཇི་ཙམ་ན་དེ་ར་རོ་ཞིང་ཆང་གི་དབང་གིས་བདག་ཉིད་མི་དྲན་པར་གྱུར་ནས་ཨུཏྤ་ལའི་མདོག་གིས་བསམས་པ། ད་ནི་འདི་སྐྱེ་བོ་མང་པོས་ཚོར་བར་བྱའོ་སྙམ་ནས། དེས་དེའི་མགོ་ལ་ཕྲེང་བ་བཏགས་ཏེ་གཉའ་བ་བསྒྲིལ་ནས་
D3.008.0220a03.01ཁྱིམ་དུ་ཁྲིད་པ་དང་། ཚོགས་ཅན་མ་དེ་དག་གིས་དེ་མཐོང་ནས་དེ་དག་མཆོག་ཏུ་ངོ་མཚར་སྐྱེས་ཏེ་སྨྲས་པ། ས་འཛིན་མ་འདིས་སྤོས་འཚོང་གི་ཁྱེའུ་མི་སྡུག་པ་ཐོབ་པ་རྗེས་སུ་འཇུག་པར་བྱས་པ་ལེགས་སོ་ཞེས་དེ་དག་གིས་དེ་ཐུ་མོའི་གནས་སུ་བཞག་གོ། །དེ་དེ་དང་ལྷན་ཅིག་རྩེ་
D3.008.0220a04.01བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ལས་ཇི་ཙམ་དུས་གཞན་ཞིག་ན་དེ་ལ་སེམས་ཅན་ཞུགས་པར་གྱུར་ཏོ། །ཡངས་པ་ཅན་ན་སྒོ་བ་གཉིས་ཡོད་དེ། ཤར་གྱི་དང་། ནུབ་ཀྱིའོ། །དེ་གཉིས་ཕན་ཚུན་བཤེས་པར་གྱུར་ནས་དེ་ན་གཅིག་གིས་
D3.008.0220a05.01སྨྲས་པ། ཤེད་མཐུན་གང་གིས་བདག་ཅག་གཉིས་ཤི་ཞིང་དུས་ལ་བབ་ཀྱང་བཤེས་པའི་རྒྱུན་མི་ཆད་པར་འགྱུར་བ་དེ་ལྟ་བུའི་ཐབས་ཅི་ཡོད། ཅིག་ཤོས་ཀྱིས་སྨྲས་པ། ཤེད་མཐུན་བདག་ཅག་གཉིས་ཀྱི་བུ་མོ་ཕན་ཚུན་ཤ་གླག་བྱ་སྟེ། གལ་ཏེ་ཁོ་བོ་ལ་
D3.008.0220a06.01བུ་ཡོད་ལ་ཁྱོད་ལ་བུ་མོ་ཡོད་ན་ཁྱོད་ཀྱི་བུ་མོ་ཁོ་བོའི་བུ་ལ་སྦྱིན་པར་བྱའོ། །གལ་ཏེ་ཁྱོད་ལ་བུ་ཡོད་ལ། ཁོ་བོ་ལ་བུ་མོ་ཡོད་ན་ཁོ་བོས་བུ་མོ་ཁྱོད་ཀྱི་བུ་ལ་སྦྱིན་པར་བྱ་སྟེ། དེས་ན་བདག་ཅག་གཉིས་ཤི་ཞིང་དུས་ལ་བབ་ན་ཡང་བཤེས་པའི་རྒྱུན་མི་འཆད་པར་འགྱུར་རོ། །མ་
D3.008.0220a07.01