完整藏文原文 · 德格版页 当前仅加载第 8 函德格 59b 版页；藏文 NFD、目录标记与异常页序保留在来源切片中，重复版页行以稳定序号区分。
སྨྲས་པ། བུ་ཁྱོད་སོང་ལ་ཁྱོད་ཀྱི་མ་ཁྲི་མོན་གང་དུ་བཅུག་ཅིང་འདུག་པ་ལྟོས་ཤིག་དང་དབྱུང་བར་བྱའོ། །བུ་དེ་ཁྱིམ་དུ་སོང་བ་དང་གཏུམ་མོས་ཐག་རིང་མོ་ཁོ་ན་ནས་བུ་མཐོང་ནས། དེས་སྨྲས་པ། བུ་འོངས་པ་ལེགས་སོ་འོངས་པ་ལེགས་སོ། །ཚུར་ཤོག་ངལ་སོས་ཤིག །ཁྱོད་
D3.008.0059b01.01ཀྱི་ཕ་དེ་འོངས་སམ། བུས་སྨྲས་པ། མཆིས་ཏེ། སྐྱེད་མོས་ཚལ་ན་སྡོད་ཅིང་མཆིས་སོ། །བུ་དེ་ཟན་ཟོས་ནས་ཕའི་གན་དུ་སོང་བ་དང་། ཕས་དྲིས་པ། བུ་ཁྱིམ་བདེའམ། བུས་སྨྲས་པ། ཡབ་ཡུམ་གྱི་སྤྱོད་ལམ་དེ་ལྟ་བུ་ནི་སྔོན་ལན་འགའ་ཡང་མ་མཐོང་སྟེ། འདི་ལྟར་སྤྱོད་
D3.008.0059b02.01ལམ་ཞི་བས་མཆིས་སོ། །བྲམ་ཟེ་དེ་ཁྱིམ་དུ་ཞུགས་པ་དང་གཏུམ་མོས་ཐག་རིང་པོ་ཁོ་ན་ནས་མཐོང་ནས། དེས་སྨྲས་པ། རྗེའི་སྲས་བྱོན་པ་ལེགས་སོ་བྱོན་པ་ལེགས་སོ། །བཞུགས་སུ་གསོལ། དེ་འདུག་ནས་བསམས་པ། བྱེ་བྲག་འདི་ལྟ་བུ་ནི་སྔོན་མ་བྱུང་ཅི་ལས་གྱུར་
D3.008.0059b03.01སྙམ་ནས། དེས་ཚིགས་སུ་བཅད་པ་སྨྲས་པ། འདི་ལྟར་སྔོན་དང་མི་འདྲ་བར། །ལོག་པ་ཉིད་དུ་ཁྱོད་སྣང་ན། །ཁྱོད་ནི་སྨྱོ་བྱེད་ལྡན་གྱུར་ཏམ། །འོན་ཏེ་མྱོས་པར་གྱུར་ཏམ་ཅི། །གཏུམ་མོས་ཚིགས་སུ་བཅད་པ་སྨྲས་པ། ཇོ་བོ་བདག་ནི་སྨྱོས་པ་མིན། །མྱོས་པར་གྱུར་
D3.008.0059b04.01པའང་མ་ལགས་ཏེ། །བདག་གིས་སངས་རྒྱས་བསྟན་པ་ལ། །འཕགས་པའི་བདེན་པ་མཐོང་བར་བགྱིས། །རྗེའི་སྲས་བདག་ལ་འཕགས་པ་འཆར་ཀས་འདི་ལྟར་བདག་སླན་ཆད་འཁོར་བ་ན་འཁོར་བའི་ཚེ་ཉོན་མོངས་པ་དེ་ལྟ་བུ་དག་ཀུན་དུ་སྤྱོད་པར་མི་འགྱུར་བ་དེ་ལྟར་ཆོས་བསྟན་པ་
D3.008.0059b05.01མཛད་དོ། །བྲམ་ཟེ་དེ་ངོ་མཚར་སྐྱེས་ཏེ་བསམས་པ། བདག་གིས་བརྡེག་པ་དང་། བཅིང་བ་དང་། སྨད་པས་དུལ་བར་མ་ནུས་པ་གང་ཡིན་པ་དེ། བཙུན་པ་འཆར་ཀས་ཆོས་བསྟན་པས་བཏུལ་བས། གང་གི་ཕྱིར་ཆོས་བསྟན་པས་འདི་བཏུལ་བ་ནི་འཕགས་པ་འཆར་
D3.008.0059b06.01ཀས་བདག་ལ་ཕན་པ་མང་དུ་མཛད་དོ། །འཕགས་པ་འཆར་ཀས་བདག་ལ་ལེགས་པ་མང་དུ་མཛད་ཀྱིས། བདག་སོང་ལ་འཕགས་པ་འཆར་ཀ་སང་ཁྱིམ་གཞན་དུ་གདུགས་ཚོད་ལ་སྤྱན་དྲང་ངོ་སྙམ་ནས། དེ་ཚེ་དང་ལྡན་པ་འཆར་ཀ་ག་ལ་བ་དེར་སོང་སྟེ་ཕྱིན་ནས། ཚེ་དང་ལྡན་
D3.008.0059b07.01