完整藏文原文 · 德格版页 当前仅加载第 8 函德格 113a 版页；藏文 NFD、目录标记与异常页序保留在来源切片中，重复版页行以稳定序号区分。
ཚོགས་རྣམས་རྒྱལ་པོ་ལ་རྗེས་སུ་ཆགས་པ་ཡིན་པས་དེ་དག་གིས་ཐོས་ནས་ཐམས་ཅད་མཆི་མས་བརྣངས་ཏེ་འཁོད་དོ། །དེ་ནས་རྒྱལ་པོ་ཨུ་ཏྲ་ཡ་ནས་གཞོན་ནུ་གཙུག་པུད་ཅན་རྒྱལ་སྲིད་ལ་བཞག་ནས་རྩ་ལག་གི་སྐྱེ་བོ་རྣམས་ལ་བཟོད་པ་གསོལ་ཏེ། དགེ་
D3.008.0113a01.01སྦྱོང་དང་། བྲམ་ཟེ་དང་། བཀྲེན་པ་དང་། སྡུག་ཕོངས་པ་རྣམས་ལ་སྦྱིན་པ་དག་བྱིན། བསོད་ནམས་དག་བྱས་ཏེ་མི་བསྙེན་བཀུར་བ་ཅིག་དང་། རྒྱལ་པོའི་ཁབ་ལོགས་སུ་ཕྱོགས་ཏེ་འཕགས་སོ། །དེ་ནས་རྒྱལ་པོ་གཙུག་པུད་ཅན་བཙུན་མོའི་འཁོར་དང་། གཞོན་ནུ་དང་། བློན་
D3.008.0113a02.01པོ་དང་། ཕོ་བྲང་འཁོར་གྱི་མི་དང་བཅས་པ་དང་། གཞན་ཡང་ཡུལ་ཐ་དད་པ་ནས་ལྷགས་པའི་སྐྱེ་བོའི་ཚོགས་རྣམས་ཕྱི་བཞིན་ཕྱི་བཞིན་དུ་འབྲང་སྟེ། སྲོག་ཆགས་འབུམ་ཕྲག་དུ་མ་དག་གིས་བསྐྱལ་བཞིན་དུ་གྲོང་ཁྱེར་སྒྲ་སྒྲོགས་ནས་ཕྱིར་བྱུང་སྟེ། སྐྱེད་མོས་ཚལ་ཤིང་
D3.008.0113a03.01ལྗོན་པའི་ཚལ་སྣ་ཚོགས་ཀྱིས་བརྒྱན་པ། མེ་ཏོག་དང་འབྲས་བུ་དང་། ཆུ་རྒྱུན་སྣ་ཚོགས་དང་ལྡན་པ། ངང་པ་དང་། ཁྲུང་ཁྲུང་དང་། རྨ་བྱ་དང་། ནེ་ཙོ་དང་། རི་སྐེགས་དང་། ཁུ་བྱུག་དང་། ཤང་ཤང་ཏེའུ་སྒྲ་འབྱིན་པ་ཞིག་ཏུ་ཡུད་ཙམ་ཞིག་བསྡད་ནས་གྲོང་ཁྱེར་སྒྲ་
D3.008.0113a04.01སྒྲོགས་ལོགས་སུ་རྣམ་པར་བལྟས་ཏེ་རྒྱལ་པོ་གཙུག་པུད་ཅན་ལ་སྨྲས་པ། བུ་ངས་ཆོས་ཀྱི་རྒྱལ་སྲིད་བྱེད་དུ་བཅུག་པས་དེའི་ཕྱིར་སྲོག་ཆགས་འབུམ་ཕྲག་འདི་སྙེད་ངའི་ཕྱི་བཞིན་དུ་འབྲང་བར་གྱུར་གྱིས། ཁྱོད་ཀྱིས་ཀྱང་ཆོས་ཀྱིས་རྒྱལ་སྲིད་བྱེད་དུ་གཞུག་པར་བྱའོ། །སྐྱེ་བོའི་
D3.008.0113a05.01ཚོགས་དེ་ལ་ཡང་བག་ཕབ་སྟེ་སྨྲས་པ། ཤེས་ལྡན་དག་ངས་ཁྱེད་ཀྱི་རྒྱལ་པོར་འདི་བསྐོས་ཀྱིས་ཕྱིར་དེང་ལ་བདེ་བར་སྒྲུབས་ཤིག་ཅེས་སྨྲས་ཏེ་སོང་ངོ་། །རྒྱལ་པོ་གཙུག་པུད་ཅན་བཙུན་མོའི་འཁོར་དང་། གཞོན་ནུ་དང་། བློན་པོ་དང་ཕོ་བྲང་འཁོར་གྱི་མི་དང་བཅས་པ་དང་
D3.008.0113a06.01ཡུལ་ཐ་དད་པ་ནས་ལྷགས་པའི་སྐྱེ་བོའི་ཚོགས་རྣམས་མཆི་མས་དཀྲུགས་པའི་མིག་གིས་ཡུད་ཙམ་ཡུད་ཙམ་ཕྱི་བཞིན་རྟོག་ཅིང་རྟོག་ཅིང་གྲོང་ཁྱེར་སྒྲ་སྒྲོགས་སུ་ཕྱིར་ལོག་གོ། །དེ་ནས་རྒྱལ་པོ་ཨུ་ཏྲ་ཡ་ན་མཐར་གྱིས་གྲོང་ཁྱེར་རྒྱལ་པོའི་ཁབ་ཏུ་ཕྱིན་ནས་དེས་སྐྱེད་མོས་ཚལ་དུ་བསྡད་
D3.008.0113a07.01