完整藏文原文 · 德格版页 当前仅加载第 8 函德格 122a 版页；藏文 NFD、目录标记与异常页序保留在来源切片中，重复版页行以稳定序号区分。
བཀུམ་མོ། །ངའི་དགྲ་གང་ཡིན། ལྷ་རྒྱལ་པོ་རྒན་པོའོ། །དེ་བསད་པ་ཇི་ལྟར་ཤེས། དེ་གཉིས་ཀྱིས་མི་གཤེད་མ་པ་དག་བསྟན་ཏེ་སྨྲས་པ། ལྷ་མི་འདི་དག་ནི་གཤེད་མ་པ་ལགས་ཏེ་འདི་དག་གིས་དེ་བཀུམ་མོ། །རྒྱལ་པོ་གཙུག་པུད་ཅན་གྱིས་དེ་དག་
D3.008.0122a01.01མཐོང་ནས་སྨྲས་པ། ཤེས་ལྡན་དག་རྒྱལ་པོ་རྒན་པོ་ལ་དབང་ཇི་ཙམ་ཡོད། ལྷ་དེ་ལ་དབང་ག་ལ་མཆིས་ཏེ་ལྷུང་བཟེད་དང་། ཆོས་གོས་དང་ཁར་གསིལ་འདི་ལགས་སོ། །རྒྱལ་པོ་གཙུག་པུད་ཅན་གྱིས་དེ་མཐོང་ནས་བརྒྱལ་ཏེ་ས་ལ་སྒྱེལ་ནས་ཆུས་བཏབ་སྟེ་དབུགས་ཕྱིར་བྱུང་
D3.008.0122a02.01ནས་སྨྲས་པ། ཤེས་ལྡན་དག་རྒྱལ་པོ་རྒན་པོས་འཆི་བའི་ཚེ་ཅི་སྨྲས། ལྷ་རྒྱལ་པོ་རྒན་པོ་སྲོག་དང་བྲལ་ཀར་འདི་སྐད་ཅེས། རྒྱལ་སྲིད་ཕྱིར་ནི་ཕ་བསད་པས། །བསོད་ནམས་མ་ཡིན་མང་པོ་བསྐྱེད། །ང་ནི་ཡོངས་སུ་མྱ་ངན་འདའ། །ཁྱོད་ནི་མནར་མེད་འགྲོ་བར་འགྱུར། །
D3.008.0122a03.01ཞེས་མཆིའོ། །གཞན་ཡང་འདི་སྐད་ཅེས། ཁྱོད་ཀྱིས་མཚམས་མེད་པའི་ལས་གཉིས་བྱས་ཏེ། ཕ་སྲོག་དང་ཕྲལ་བ་གང་ཡིན་པ་དང་། དགེ་སློང་དགྲ་བཅོམ་པ་ཟག་པ་ཟད་པ་སྲོག་དང་ཕྲལ་བ་གང་ཡིན་པ་དེས་ཁྱོད་ཡུན་རིང་པོར་སེམས་ཅན་དམྱལ་བ་ཆེན་པོ་མནར་མེད་པར་
D3.008.0122a04.01གནས་པར་བྱ་དགོས་ཀྱིས་སྡིག་པ་སྡིག་པ་ལས་ཤོགས་ཤིག་དང་། དེ་ལྟ་ན་ལས་བསྲབས་པ་ཉིད་དང་། ཡོངས་སུ་ཟད་པ་དང་། ཡོངས་སུ་གཏུགས་པར་འགྱུར་རོ། །ཞེས་མཆིའོ། །དེ་མྱ་ངན་གྱི་ཟུག་རྔུས་གཟིར་བས་འདམ་བུ་སྔོན་པོར་བརྔས་པ་བཞིན་དུ་རྙིས་པར་གྱུར་ནས།
D3.008.0122a05.01དེས་བློན་པོའི་མཆོག་ཧེ་རུ་ཀ་དང་བྷི་རུ་ཀ་གཉིས་བོས་ཏེ་སྨྲས་པ། ཤེས་ལྡན་གཉིས་ཁྱེད་གཉིས་ཀྱིས་ང་ལས་དེ་ལྟ་བུ་བྱེད་པ་ལས་མ་བཟློག་གོ། །དེ་གཉིས་ཀྱིས་སྨྲས་པ། ལྷས་བདག་ཅག་གཉིས་སྤྱན་ལམ་དུ་མ་བཞག་ན་ཇི་ལྟར་བཟློག་པར་བགྱི། དེས་བློན་པོ་སྐྱོན་ཆགས་པ་དེ་
D3.008.0122a06.01གཉིས་མིག་ལམ་དུ་མི་སྣང་བར་བཞག་ནས་ཧེ་རུ་ཀ་དང་། བྷི་རུ་ཀ་གཉིས་ཕྱིར་བློན་པོའི་མཆོག་ཏུ་བསྐོས་པ་དང་། བློན་པོ་སྐྱོན་ཆགས་པ་དེ་གཉིས་ཀྱིས་གསང་སྟེ། ཚེ་དང་ལྡན་པ་རྒྱལ་དང་། སྐར་རྒྱལ་གྱི་མཆོད་རྟེན་གཉིས་ལ་ཁུང་བུ་གཉིས་བརྐོས་ནས་དེར་བྱི་ལའི་ཕྲུ་གུ་
D3.008.0122a07.01