完整藏文原文 · 德格版页 当前仅加载第 8 函德格 158b 版页；藏文 NFD、目录标记与异常页序保留在来源切片中，重复版页行以稳定序号区分。
པར་བཞག་ནས་ཙན་དན་གྱི་ཆུས་ཆག་ཆག་བཏབ་སྟེ། བདུག་སྤོས་དྲི་ཞིམ་པོའི་སྣོད་ཉེ་བར་བཞག་ནས་དར་གྱི་ཆུན་པོ་དཔྱངས་ཏེ། རྒྱལ་མཚན་དང་། བ་དན་བསྒྲེངས་ནས་མེ་ཏོག་སྣ་ཚོགས་བཀྲམ་སྟེ། ལྷའི་སྐྱེད་མོས་ཚལ་ལྟར་དགའ་བར་འགྱུར་བར་བྱས་ནས་དྲིལ་བསྒྲག་
D3.008.0158b01.01པ་བྱེད་དུ་བཅུག་སྟེ། འདི་སྐད་ཅེས་ཀཽ་ཤཱམྦཱི་ན་གནས་པ་དང་། ཕོ་བྲང་འཁོར་གྱི་མི་དང་། ཡུལ་ཐ་དད་པ་དག་ནས་ལྷགས་པའི་སྐྱེ་བོའི་ཚོགས་ཤེས་ལྡན་དག་ཉོན་ཅིག །དེང་ནས་ཉི་མ་བདུན་ན་སྔོ་བསངས་ཅན་རང་གིས་གནས་ཚོལ་བར་འགྱུར་གྱིས། དེའི་ཕྱིར་ཁྱེད་ཅག་
D3.008.0158b02.01གིས་འབྱོར་པ་ཇི་ལྟ་བ་བཞིན་དུ་འདུ་བར་བྱའོ་ཞེས་བསྒོའོ། །དེ་ནས་སྲོག་ཆགས་འབུམ་ཕྲག་དུ་མ་དག་འདུས་པར་གྱུར་པ་ན་ཉི་མ་བདུན་པ་ལ་སྔོ་བསངས་ཅན་རྒྱན་ཐམས་ཅད་ཀྱིས་བཀླུབས་ཏེ། ཤིང་རྟ་ལ་ཞོན་ནས་མེ་ཏོག་ཕྲེང་གི་ཆུན་པོ་ཐོགས་ཏེ་ཕྱིར་བྱུང་ནས་སྐྱེ་བོ་
D3.008.0158b03.01ཕལ་པོ་ཆེའི་ཚོགས་ལ་བརྟག་པར་བརྩམས་པ་དང་། བད་སའི་རྒྱལ་པོ་ཤར་པ་འདི་སྙམ་དུ། འདིས་གོར་མ་ཆག་པར་བདག་གི་སྟེང་དུ་མེ་ཏོག་ཕྲེང་གི་ཆུན་པོ་འཕེན་པར་འགྱུར་རོ་སྙམ་ནས། སེམས་བསྡུས་ཏེ་བག་ཡོད་པར་རྟོག་ཅིང་འདུག་གོ། །སྔོ་བསངས་ཅན་
D3.008.0158b04.01གྱིས་ཀུན་དུ་སྐྱེ་བོའི་ཚོགས་ལ་རྣམ་པར་བལྟས་ནས་དྲིས་པ། ཤེས་ལྡན་དག་གླང་པོ་ཆེའི་རྒྱབ་ཏུ་ཞོན་པ་འདི་དག་གང་གང་ཡིན། དེ་དག་གིས་སྨྲས་པ། འདི་ནི་རྒྱལ་པོ་གཟུགས་ཅན་སྙིང་པོའོ། །འདི་ནི་རྒྱལ་པོ་གསལ་རྒྱལ་ལོ། །འདི་ནི་རྒྱལ་པོ་ཚངས་བྱིན་ནོ། །འདི་
D3.008.0158b05.01ནི་བད་སའི་རྒྱལ་པོ་ཤར་པའོ། །དེ་བཞིན་དུ་ནོར་ཅན་དག་དང་། ཚོང་དཔོན་དག་དང་། དེད་དཔོན་དག་དང་། ཀཽ་དྱ་དག་དང་། ཤཱཀྱ་དག་དང་། ལིཙྪ་བཱི་དག་དང་། གཞན་ཡང་མང་པོ་ཐམས་ཅད་སོ་སོར་དྲིས་ནས། དེའི་འོག་ཏུ་སྨྲས་པ། ཤེས་ལྡན་དག་ལག་བརྒྱུད་
D3.008.0158b06.01འབྲོག་གནས་ཞེས་བྱ་བ་གང་ཡིན་པ་བཅོམ་ལྡན་འདས་ཀྱིས་གནོད་སྦྱིན་ལས་ཐར་བར་བྱས་པ་དེ་འདིར་ཤོག་ཤིག །སྐྱེ་བོའི་ཚོགས་ཀྱིས་སྨྲས་པ། དེ་མ་འོངས་སོ། །དེ་ཕྱོགས་གང་ན་འདུག །ག་གེ་མོ་ཞིག་ནའོ། །དེས་དེའི་ཕྱོགས་སུ་ཁ་བལྟས་ཏེ། དེ་བདག་གི་
D3.008.0158b07.01