完整藏文原文 · 德格版页 当前仅加载第 8 函德格 160b 版页；藏文 NFD、目录标记与异常页序保留在来源切片中，重复版页行以稳定序号区分。
ཅན་གྱི་ཤིང་རྟ་མཐའ་གཅིག་ཏུ་བཟུར་ཏོ། །ལག་བརྒྱུད་འབྲོག་གནས་ཀྱང་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ལ་ཁྱིམ་བདག་གི་སོ་སོར་ཀུན་དགའ་བར་བྱ་བས། བཅོམ་ལྡན་འདས་ཇི་ལྟ་བདེ་བར་གཟིམས་སམ་ཞེས་སོ་སོར་ཀུན་དགའ་
D3.008.0160b01.01བར་བྱས་སོ། །དེ་ནས་བཅོམ་ལྡན་འདས་ཀྱིས་ལག་བརྒྱུད་འབྲོག་གནས་ལ་འདི་སྐད་ཅེས་བཀའ་སྩལ་ཏོ། །ལག་བརྒྱུད་འཇིག་རྟེན་ན་གང་དག་བདེ་བར་ཉལ་བར་བྱེད་པ་དེ་དག་གི་ནང་ན་ང་ཡང་འགའ་ཞིག་ཡིན་ནོ། །བཙུན་པ་དོག་ས་སྲ་ཞིང་བ་ལང་གི་རྩིད་པའི་གཞི་ཅན་
D3.008.0160b02.01དུ་རས་སྲབ་མོའི་གདན་བཤམས་ཤིང་དགུན་སྨད་ཀྱི་དུས་ཀྱི་ཚེ་ཚེས་བརྒྱད་ཀྱི་བར་ལ་འོད་མ་འགས་པའི་བསེར་མ་དག་ལྡང་ལ། ཁྱོད་ཀྱི་ན་བཟའ་ངུར་སྨྲིག་འདི་དག་ནི་སྲབ་པས་སྐུ་ཡོངས་སུ་གདུང་བར་བགྱིད་ཀྱང་། བཅོམ་ལྡན་འདས་དེ་སྐད་ཅེས་འཇིག་རྟེན་ན་གང་དག་བདེ་བར་ཉལ་
D3.008.0160b03.01བར་བྱེད་པ་དེ་དག་གི་ནང་ན་ང་ཡང་འགའ་ཞིག་ཡིན་ནོ་ཞེས་གསུང་ངམ། ལག་བརྒྱུད་དེའི་ཕྱིར་ཁྱོད་ཉིད་ལ་དྲིས། ཁྱོད་ཀྱིས་ཇི་ལྟར་བཟོད་པ་དེ་ལྟར་ལན་ཐོབ་ཤིག །ལག་བརྒྱུད་འདི་ལྟ་སྟེ་དཔེར་ན་འདི་ན་ཁྱིམ་བདག་གམ། ཁྱིམ་བདག་གི་བུ་ཕྱུག་པ། ནོར་མང་བ། ལོངས་
D3.008.0160b04.01སྤྱོད་ཆེ་བ་འགའ་ཞིག་ཡོད་པར་གྱུར་ལ། དེའི་དོན་དུ་ཁང་{བཟངས་,བཟང་}རྩིག་ཏུ་བཅུག་ཅིང་ཁང་{བཟངས་,བཟང་}དེར་ཁང་པ་བརྩེགས་པ་རྩིག་ཏུ་བཅུག་ལ། ཁང་པ་བརྩེགས་པ་དེར་ཁྲི་ཤུར་བུས་བླས་པ་སྟན་སྦྱར་མ་བཏིང་བ། སྟན་ནང་ཚངས་ཅན་བཏིང་བ། སྟན་ཁྲ་བོ་བཏིང་བ།
D3.008.0160b05.01སྟན་ཆེན་པོ་བཏིང་བ། སྟན་བཟང་པོ་བཏིང་བ། སུམ་ཚན་གྱི་གོས་ཀྱི་སྟེང་གཡོགས་བཏིང་བ། སྟེང་ནས་བགོ་བའི་གོས་དང་བཅས་པ་གཉིས་སུ་རྒྱབ་རྟེན་དམར་པོ་བཞག་པ་བཤམས་ཤིང་ཏིལ་མར་གྱི་མར་མེ་མཚན་ཐུབ་བཙུགས་ནས་ཆུང་མ་ཡིད་དུ་འོང་བ་ཞིག་
D3.008.0160b06.01འདི་ལྟ་སྟེ། དགའ་མགུར་སྤྱད་པར་བྱ་བའི་ཕྱིར་ཉེ་བར་བཞག་ན་ལག་བརྒྱུད་འདི་ཇི་སྙམ་དུ་སེམས། མི་དེའི་མལ་བཅས་པ་བདེ་བའམ། སྡུག་བསྔལ་བ་ཡིན་སྙམ། བཙུན་པ་བདག་འདི་སྙམ་བགྱིད་དེ། འཇིག་རྟེན་ན་གང་དག་བདེ་བར་མཆིས་ཉལ་བ་དེ་དག་
D3.008.0160b07.01