完整藏文原文 · 德格版页 当前仅加载第 8 函德格 196a 版页；藏文 NFD、目录标记与异常页序保留在来源切片中，重复版页行以稳定序号区分。
གཟུངས་བྱེད་ལ་བུ་མོས་སྨྲས་པ། ཡབ་དེང་རབ་ཏུ་བྱུང་བ་གཅིག་མ་མཆིས་སོ། །དེས་སྨྲས་པ། བུ་མོ་ཇི་ལྟ་བུ་ཞིག །དེས་རྒྱབ་བཏུད་དེ་སྨྲས་པ། ཡབ་འདི་ལྟ་བུ་ཞིག་གོ། །དགེ་སློང་དག་དེའི་ཚེ་དེའི་དུས་ན་ཁྱིམ་བདག་གཟུངས་བྱེད་ཀྱི་བུ་མོ་གང་
D3.008.0196a01.01ཡིན་པ་དེ་ནི་སྒུར་མཆོག་འདི་ཡིན་ཏེ། འདིས་རང་སངས་རྒྱས་ལ་ཐོ་བཙམས་པ་གང་ཡིན་པའི་ལས་དེའི་རྣམ་པར་སྨིན་པས་སྒུར་པོར་གྱུར་ཏོ། །ཡང་དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་སྒུར་
D3.008.0196a02.01མཆོག་གིས་ལས་ཅི་བགྱིས་ན་དེས་ན་ཐོས་པ་འཛིན་པར་གྱུར། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་སྒུར་མཆོག་ཉིད་ཀྱིས་ལས་ཚོགས་རྙེད་པ། རྐྱེན་ཡོངས་སུ་བསྒྱུར་བ། འོད་པ་བཞིན་དུ་ཉེ་བར་གནས་པ། གདོན་མི་ཟ་བར་འབྱུང་བར་འགྱུར་བ་
D3.008.0196a03.01དག་བྱས་ཤིང་བསགས་པས་དེ་ཉིད་ཀྱིས་ལས་བྱས་ཤིང་བསགས་པ་དག་གཞན་སུ་ཞིག་གིས་སོ་སོར་མྱོང་བར་འགྱུར། དགེ་སློང་དག་ལས་བྱས་ཤིང་བསགས་པ་དག་ནི་ཕྱི་རོལ་གྱི་སའི་ཁམས་ལ་རྣམ་པར་སྨིན་པར་མི་འགྱུར། ཆུའི་ཁམས་ལ་མི་འགྱུར། མེའི་ཁམས་ལ་
D3.008.0196a04.01མི་འགྱུར། རླུང་གི་ཁམས་ལ་མི་འགྱུར་གྱི། འདི་ལྟར་ལས་དགེ་བ་དང་མི་དགེ་བ་བྱས་ཤིང་བསགས་པ་དག་ནི་ཟིན་པའི་ཕུང་པོ་དང་། ཁམས་དང་། སྐྱེ་མཆེད་དག་ལ་རྣམ་པར་སྨིན་པར་འགྱུར་ཏེ། ལས་རྣམས་བསྐལ་པ་བརྒྱར་ཡང་ནི། །ཆུད་མི་ཟ་བའང་
D3.008.0196a05.01ཚོགས་དང་དུས། །རྙེད་ན་ལུས་ཅན་རྣམས་ལ་ནི། །འབྲས་བུ་དག་ཏུ་འགྱུར་བ་ཉིད། །དགེ་སློང་དག་ཁྱིམ་བདག་གཟུངས་བྱེད་ཀྱི་སྦྱིན་གནས་རང་སངས་རྒྱས་སྟོང་པོ་དེ་དག་ཉིད་ཀྱི་དགེ་འདུན་གྱི་གནས་བརྟན་གང་ཡིན་པ་དེ་རླུང་ནད་ཅན་ཡིན་པས་དེ་ལག་པ་འདར་བས་ཟན་ཟ་བ་ན་
D3.008.0196a06.01ལྷུང་བཟེད་འགུལ་ནས་གཟུངས་བྱེད་ཀྱི་བུ་མོ་དེས་རང་གི་ལག་པ་ལས་གདུ་བུ་རྒྱན་ཅན་ཕུད་དེ་རང་སངས་རྒྱས་དེ་ལ་ཕུལ་ཏེ་སྨྲས་པ། འཕགས་པ་འདིའི་སྟེང་དུ་ལྷུང་བཟེད་བཞག་ཏུ་གསོལ། དེས་དེའི་སྟེང་དུ་ལྷུང་བཟེད་བཞག་པ་དང་། མི་གཡོ་བ་ཉིད་དུ་འདུག་ནས། དེས་དེའི་
D3.008.0196a07.01