完整藏文原文 · 德格版页 当前仅加载第 8 函德格 103b 版页；藏文 NFD、目录标记与异常页序保留在来源切片中，重复版页行以稳定序号区分。
ཚོང་པ་དེ་དག་གི་ལག་ཏུ་སྐྱེས་སུ་བསྐུར་ཞིང་ཕྲིན་ཡིག་ཀྱང་། ཤེད་མཐུན་དགྱེས་པ་ཁྱོད་བདག་གིས་མ་མཐོང་བའི་གྲོགས་ལགས་ཀྱིས། གལ་ཏེ་གྲོང་ཁྱེར་སྒྲ་སྒྲོགས་སུ་ཁྱོད་ལ་བགྱི་བ་ཅུང་ཟད་མཆིས་ན་བདག་ལ་ཕྲིན་ཡིག་སྐུར་ཅིག་དང་ཐམས་ཅད་བསྒྲུབ་བོ་ཞེས་བྲིས་ཏེ་བསྐུར་རོ། །དེ་ནས་
D3.008.0103b01.01ཚོང་པ་དེ་དག་གིས་སྐྱེས་དང་། ཕྲིན་ཡིག་དང་ཟོང་རིན་ཁྱེར་ཏེ་རྒྱལ་པོའི་ཁབ་ཏུ་འཕགས་ནས་མཐར་གྱིས་རྒྱལ་པོའི་ཁབ་ཏུ་ཕྱིན་ཏོ། །དེ་ནས་ལམ་གྱིས་དུབ་པའི་ངལ་བསོས་ནས་རིན་པོ་ཆེའི་སྒྲོམ་དང་། ཕྲིན་ཡིག་དེ་དག་ཁྱེར་ཏེ། རྒྱལ་པོ་གཟུགས་ཅན་སྙིང་པོའི་གན་དུ་དོང་ནས་རྐང་པ་
D3.008.0103b02.01གཉིས་ལ་གཏུགས་ཏེ། སྒྲོམ་དང་ཕྲིན་ཡིག་དག་ཕུལ་ནས་སྨྲས་པ། ལྷ་གྲོང་ཁྱེར་སྒྲ་སྒྲོགས་ནས་རྒྱལ་པོ་ཨུ་ཏྲ་ཡ་ན་ཞེས་བགྱི་བ་དེས་ལྷ་ལ་སྐྱེས་དང་ཕྲིན་ཡིག་འདི་དག་བསྐུར་རོ། །རྒྱལ་པོ་གཟུགས་ཅན་སྙིང་པོས་ཕྲིན་ཡིག་བཀླགས་ཏེ་སྨྲས་པ། ཤེས་ལྡན་དག་རྒྱལ་པོ་དེའི་ཡུལ་ན་
D3.008.0103b03.01ཅི་ཞིག་དཀོན། བློན་པོ་རྣམས་ཀྱིས་སྨྲས་པ། ལྷ་ནི་གོས་ཀྱི་མངའ་བདག་ལགས་ལ། རྒྱལ་པོ་དེ་ནི་རིན་པོ་ཆེའི་བདག་པོ་ལགས་པས་དེ་ལ་གོས་དག་དཀོན་ནོ། །དེ་ནས་རྒྱལ་པོ་གཟུགས་ཅན་སྙིང་པོས་གོས་རིན་པོ་ཆེ་དག་གིས་སྒྲོམ་བཀང་སྟེ་སྐྱེས་སུ་བསྐུར་ཞིང་། ཕྲིན་ཡིག་ཀྱང་ཤེད་
D3.008.0103b04.01མཐུན་དགྱེས་པ་ཁྱོད་ཀྱིས་ཕྲིན་ཡིག་སྤྲིང་པ་དེས་མཇལ་ཏེ་ཁྱོད་ཀྱང་བདག་གིས་མ་མཐོང་བའི་གྲོགས་ལགས་ཀྱིས་རྒྱལ་པོའི་ཁབ་ཏུ་ཁྱོད་ལ་ཡང་བགྱི་བ་ཅུང་ཟད་མཆིས་ན་བདག་ལ་ཕྲིན་ཡིག་སྤྲིང་ཤིག་དང་། ཐམས་ཅད་བསྒྲུབ་བོ་ཞེས་བྲིས་ཏེ་བློན་པོ་རྣམས་ལ་བསྒོ་བ། སྐྱེས་དང་ཕྲིན་ཡིག་
D3.008.0103b05.01འདི་དག་ཁྱེར་ལ་ཕོ་ཉ་དག་ལས་སྐུར་ཅིག །བློན་པོ་རྣམས་ཀྱིས་ཕོ་ཉ་དག་ལས་བསྐུར་བ་དང་དེ་དག་གིས་སྐྱེས་དང་ཕྲིན་ཡིག་དེ་དག་ཁྱེར་ཏེ། སྒྲ་སྒྲོགས་སུ་འཕགས་ནས་མཐར་གྱིས་སྒྲ་སྒྲོགས་སུ་ཕྱིན་ཏོ། །དེ་ནས་ལམ་གྱིས་དུབ་པའི་ངལ་བསོས་ཏེ་གོས་ཀྱི་སྒྲོམ་དང་ཕྲིན་ཡིག་དེ་དག་ཁྱེར་
D3.008.0103b06.01ནས་རྒྱལ་པོ་ཨུ་ཏྲ་ཡ་ནའི་གན་དུ་སོང་སྟེ་རྐང་པ་གཉིས་ལ་གཏུགས་ནས་སྒྲོམ་དང་ཕྲིན་ཡིག་དག་ཕུལ་ཏེ་སྨྲས་པ། ལྷ་རྒྱལ་པོ་གཟུགས་ཅན་སྙིང་པོས་ལྷ་ལ་སྐྱེས་འདི་དང་ཕྲིན་འདི་བསྐུར་རོ། །རྒྱལ་པོ་ཨུ་ཏྲ་ཡ་ནས་ཕྲིན་ཡིག་བཀླགས་ཏེ་སྨྲས་པ། ཤེས་ལྡན་དག་རྒྱལ་པོ་དེའི་ཆུ་ཞེང་
D3.008.0103b07.01