完整藏文原文 · 德格版页 当前仅加载第 8 函德格 169b 版页；藏文 NFD、目录标记与异常页序保留在来源切片中，重复版页行以稳定序号区分。
ཁོ་མོ་ལ་སྨྲོས་ཤིག །ཁྱོད་ཀྱི་ལས་ནི་དེ་ཡིན་ནོ། །དེས་སྨྲས་པ། མ་ནོངས་ཀྱིས་དེ་ལྟར་བགྱིའོ། །དེ་ནས་སྒུར་མཆོག་གིས་བཅོམ་ལྡན་འདས་ཀྱི་སྤྱན་སྔ་ནས་ཆོས་མཉན་ནས་དེ་ལ་བརྗོད་དོ། །བཅོམ་ལྡན་འདས་ཀྱིས་སྒུར་མཆོག་ལ་རྨས་པ། སྒུར་མཆོག་ཁྱོད་བཙུན་མོའི་
D3.008.0169b01.01འཁོར་ལ་ཆོས་སྟོན་ཏམ། བཅོམ་ལྡན་འདས་སྟོན་ཏེ། ཇི་ལྟར་སྟོན་བཅོམ་ལྡན་འདས་བདག་ནི་འགྲེང་སྟེ་སྟོན་ལ། དེ་དག་ནི་མཆིས་ཏེ་ཉན་ཏོ། །བཀའ་སྩལ་པ། གལ་ཏེ་དེ་དག་སྒུར་མཆོག་ཆོས་སྟོན་ཅིག་ཅེས་ཟེར་ན་མི་བསྟན་ཏོ་ཞེས་བརྗོད་པར་བྱའོ། །ཅིའི་
D3.008.0169b02.01ཕྱིར་ཞེས་ཟེར་ན། འདི་ལྟར་བཅོམ་ལྡན་འདས་ཀྱིས་བསྐལ་པ་གྲངས་མེད་པ་གསུམ་གྱིས་དཀའ་བ་སྤྱོད་པ་འབུམ་ཕྲག་དུ་མ་དག་གིས་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་མཛད་ནས་བླ་ན་མེད་པའི་མཁྱེན་པ་ཐུགས་སུ་ཆུད་པ་ཡིན་ན། བདག་ཁྱེད་ཅག་གུས་པ་མེད་
D3.008.0169b03.01པ། རྗེ་ས་མེད་པ། སྟན་ཆེས་མཐོན་པོ་ལ་འཁོད་པ་རྣམས་ལ་ག་ལ་སྟོན་ཅེས་བརྗོད་པར་བྱའོ། །ཇི་ཙམ་དུས་གཞན་ཞིག་ན་སྒུར་མཆོག་གིས་བཅོམ་ལྡན་འདས་ཀྱི་སྤྱན་སྔ་ནས་ཆོས་མཉན་ནས་བཙུན་མོའི་འཁོར་གྱི་ནང་དུ་སོང་བ་དང་། དེ་དག་གིས་དེ་ལ་སྨྲས་པ།
D3.008.0169b04.01སྒུར་མཆོག་ཆོས་སྟོན་ཅིག །དེས་སྨྲས་པ། མི་སྟོན་ཏོ། །ཅིའི་ཕྱིར་འདི་ལྟར་བཅོམ་ལྡན་འདས་ཀྱིས་བསྐལ་པ་གྲངས་མེད་པ་གསུམ་གྱིས་དཀའ་བ་སྤྱད་པ་འབུམ་ཕྲག་དུ་མ་དག་གིས་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་མཛད་ནས་བླ་ན་མེད་པའི་མཁྱེན་པ་
D3.008.0169b05.01ཐུགས་སུ་ཆུད་ན། བདག་ཁྱེད་ཅག་གུས་པ་མེད་པ་དང་། རྗེ་ས་མེད་པ་སྟན་ཆེས་མཐོན་པོ་ལ་འཁོད་པ་རྣམས་ལ་ག་ལ་སྟོན། སྔོ་བསངས་ཅན་གྱིས་ཐོས་ནས་སེང་གེའི་ཁྲི་བཙུགས་སོ། །གཞན་དག་གིས་ཀྱང་སྟན་ནང་ཚངས་ཅན་བཏིང་ངོ་། །གཞན་དག་གིས་ཀྱང་
D3.008.0169b06.01བཏེག་སྟེ་དེ་ལྟར་བཞག་ནས། སྒུར་མཆོག་སེང་གེའི་ཁྲི་ལ་འདུག་སྟེ། དེ་དག་ལ་གང་ཐོས་ནས་སྔོ་བསངས་ཅན་ལ་སོགས་པ་བུད་མེད་ལྔ་བརྒྱས་ཁྱད་པར་ཆེན་པོ་རྟོགས་ཏེ། ཁ་ཅིག་གིས་ནི་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས། ཁ་ཅིག་གིས་ནི་ལན་
D3.008.0169b07.01