完整藏文原文 · 德格版页 当前仅加载第 8 函德格 135b 版页；藏文 NFD、目录标记与异常页序保留在来源切片中，重复版页行以稳定序号区分。
ཞིག་གསེར་གྱི་རིལ་བ་བྷྲིང་གར་ཐོགས་ཏེ་བྱུང་ནས་དྲང་སྲོང་རྣམས་ཀྱིས་སྙིམ་པ་བཟེད་དེ་ཆུ་བཏུང་བར་བརྩམས་ནས། ཇི་ཙམ་ན་མྱངས་ན་ཆུ་ཡན་ལག་བརྒྱད་དང་ལྡན་པ་ཡིན་ཏེ། བསིལ་བ་དང་། མངར་བ་དང་། ཡང་བ་དང་། འཇམ་པ་དང་། གསལ་བ་དང་། དྲི་ང་བ་མེད་པ་དང་།
D3.008.0135b01.01འཐུང་ན་མགུལ་ལ་མི་གནོད་པ་དང་། འཐུངས་པ་ན་ལྟོ་མི་ན་བ་ཡིན་ཏེ། དེ་དག་ཚིམ་པར་གྱུར་ནས་རིལ་བ་བཀང་སྟེ་ཤིས་པ་བརྗོད་ནས་འཕགས་ཏེ་དོང་བ་དང་། དེ་དག་ལ་བློ་སྐྱེས་པ། ཤེས་ལྡན་དག་བདག་ཅག་གིས་དེ་ལྟ་བུའི་ཡ་མཚན་མཐོང་ནས་དེ་ལ་ཁྱོད་སུ་ཡིན། ལས་གང་
D3.008.0135b02.01གིས་འདིར་སྐྱེས་ཞེས་མ་དྲིས་པ་ནི་བདག་ཅག་ཉམས་པ་ཡིན་གྱིས། ཚུར་ཤེག་ཕྱིར་ལོག་ལ་དྲིའོ་སྙམ་ནས་དེ་དག་ཐམས་ཅད་འདུས་ཏེ་ཕྱིར་ལོག་ནས་ཤིང་ལྗོན་པ་དེའི་དྲུང་དུ་འཁོད་དེ་སྨྲས་པ། ཤིང་ལྗོན་པ་དེ་ལ་ལྷའམ། ཀླུའམ། གནོད་སྦྱིན་ནམ་ནམ་མཁའ་ལྡིང་ངམ། དྲི་ཟ་
D3.008.0135b03.01འམ་མི་འམ་ཅིའམ། ལྟོ་འཕྱེ་ཆེན་པོ་གང་གནས་པ་གང་གིས་བདག་ཅག་དགོན་པའི་ལམ་དུ་སོང་བ། གནོད་པ་དང་ཉམ་ང་བ་མི་བདེ་བར་གྱུར་ཅིང་འཆི་བའི་དབང་དུ་གྱུར་པ་རྣམས་ལ་ཆུ་ཡན་ལག་བརྒྱད་དང་ལྡན་པས་ཚིམ་པར་བྱས་པ་དེས་བདག་གང་ཡིན་པ་དང་། ལས་གང་གིས་འདིར་
D3.008.0135b04.01སྐྱེས་པ་སྨྲོས་ཤིག །ཇི་ཙམ་ན་ཤིང་ལྗོན་པ་དེ་ལས་ཚིག་བྱུང་བ། ཤེས་ལྡན་དག་འཛམ་བུའི་གླིང་པའི་མི་རྣམས་ནི་ཡིད་ཆེས་པར་དཀའ་བ་ཡིན་པས་ཁོ་བོ་སུ་ཡིན་པ་དང་། ལས་གང་གིས་འདིར་སྐྱེས་པ་ཡིད་ཆེས་པར་མི་འགྱུར་བས་ཇི་ལྟར་སྨྲ་བར་བྱ། དྲང་སྲོང་རྣམས་ཀྱིས་སྨྲས་པ། ཀྱེ་
D3.008.0135b05.01བདག་ཅག་གིས་མངོན་སུམ་ཁོ་ནར་མཐོང་ན་ཇི་ལྟར་ཡིད་ཆེས་པར་མི་འགྱུར། ཐེ་ཚོམ་མ་ཟ་བར་སྨྲོས་ཤིག །དེས་སྨྲས་པ། ཤེས་ལྡན་དག་གལ་ཏེ་དེ་ལྟ་ན་ཉོན་ཅིག་དང་། ཁོ་བོ་གང་ཡིན་པ་དང་། ལས་གང་གིས་འདིར་སྐྱེས་པ་སྨྲ་བར་བྱའོ། །ཡུལ་ཀོ་ས་ལ་དག་ན་གྲོང་ཁྱེར་མཉན་
D3.008.0135b06.01ཡོད་ཅེས་བྱ་བ་དེ་ན་ཁྱིམ་བདག་མགོན་མེད་ཟས་སྦྱིན་ཞེས་བྱ་བ་འདུག་པ་དེའི་ཁྱིམ་དྲུང་ན་ཁོ་བོ་བཟང་མཁན་བྱེད་ཅིང་འདུག་འདུག་སྟེ། དེ་མགོན་མེད་པ་རྣམས་ལ་ཟས་སྦྱིན་པར་བྱེད་པས་ཡུལ་ཐ་དད་པ་ན་གནས་པའི་སློང་མོ་བ་དག་ལྷགས་ཤིང་ལྷགས་ཤིང་ཁོ་བོ་ལ་ཁྱིམ་བདག་མགོན་
D3.008.0135b07.01