完整藏文原文 · 德格版页 当前仅加载第 8 函德格 176a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་སྟེང་གི་ཁང་{བཟངས་ཀྱི་,བཟང་གི་}གཞིར་གཏོགས་པ་ན་སྐྱེས་པ་མེད་པར་སིལ་སྙན་གྱིས་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་དུས་གཞན་ཞིག་ན་ཕ་ལ་སྨྲས་པ། ཡབ་བདག་རྒྱ་མཚོ་ཆེན་པོར་འཇུག་པར་ཅི་གནང་། དེས་སྨྲས་པ།
D3.008.0176a01.01བུ་རེ་ཞིག་ཁོ་བོ་ལ་ནོར་གྱི་རྣམ་པ་མང་དུ་ཡོད་དེ། གལ་ཏེ་ཁྱོད་ཏིལ་དང་། འབྲས་དང་རྒྱ་ཤུག་དང་། རྒྱ་སྲན་ལ་སོགས་པ་ལ་སྤྱོད་པ་བཞིན་དུ་རིན་པོ་ཆེ་དག་ལ་སྤྱོད་པར་བྱེད་ཀྱང་དེ་ལྟ་ན་ཡང་ཁོ་བོའི་ལོངས་སྤྱོད་སྲབས་པ་ཉིད་དང་། ཡོངས་སུ་ཟད་པ་དང་། ཡོངས་
D3.008.0176a02.01སུ་གཏུགས་པར་མི་འགྱུར་གྱིས། དེའི་ཕྱིར་ཇི་སྲིད་དུ་ཁོ་བོ་གསོན་པ་དེ་སྲིད་དུ་ཁྱོད་རྩེ་བར་གྱིས། དགའ་བར་གྱིས། དགའ་མགུར་སྤྱོད་པར་གྱིས་ལ་ཁོ་བོ་འདས་པ་དང་ནོར་བསྒྲུབ་པར་གྱིས་ཤིག །དེས་ཡང་དང་ཡང་དུ་སྨྲས་པ། ཡབ་བདག་རྒྱ་མཚོ་ཆེན་པོར་འཇུག་
D3.008.0176a03.01པར་ཅི་གནང་། དེས་གདོན་མི་ཟ་བར་དུས་ཀྱིས་འཆུ་བར་ཤེས་ནས་སྨྲས་པ། བུ་དེ་ལྟར་གྱིས་ཤིག །འདི་ལྟར་ཁྱོད་ཀྱིས་འཇིགས་པ་དང་། འཇིགས་སུ་རུང་བ་དག་བཟོད་པར་བྱའོ། །དེས་རྒྱལ་པོའི་ཕོ་བྲང་སེང་གེ་ལྟ་བུར་དྲིལ་བསྒྲགས་པ་བྱེད་དུ་བཅུག་སྟེ། རྒྱལ་པོའི་
D3.008.0176a04.01ཕོ་བྲང་སེང་གེ་ལྟ་བུ་ན་གནས་པ་དང་། ཡུལ་ཐ་དད་པ་ནས་ལྷགས་པའི་ཚོང་པ་ཤེས་ལྡན་དག་ཉོན་ཅིག །དེད་དཔོན་སིང་ག་ལ་རྒྱ་མཚོ་ཆེན་པོར་འཇུག་པར་འགྱུར་གྱིས། ཁྱེད་ཅག་ལས་གང་དེད་དཔོན་སིང་ག་ལ་དང་ལྷན་ཅིག་ཤོ་གམ་མེད་པ་དང་། ལ་གཅན་མེད་པ་
D3.008.0176a05.01དང་། གྲུ་བཙས་མེད་པར་རྒྱ་མཚོ་ཆེན་པོར་འཇུག་པར་འདོད་པ་དེས་རྒྱ་མཚོ་ཆེན་པོར་འགྲོ་བའི་ཟོང་སྟ་གོན་གྱིས་ཤིག་ཅེས་བསྒོའོ། །ཚོང་པ་ལྔ་བརྒྱས་རྒྱ་མཚོ་ཆེན་པོར་འགྲོ་བའི་ཟོང་སྟ་གོན་བྱས་སོ། །དེ་ནས་དེད་དཔོན་སིང་ག་ལས་ཕ་མ་དང་། གཞན་ཡང་སྙིང་དུ་
D3.008.0176a06.01སྡུག་ཅིང་འབྲེལ་བའི་རྩ་ལག་དག་ལ་བལྟས་ནས་ཉི་མ་དང་། ཚེས་གྲངས་དང་། ཡུད་ཙམ་དང་། སྦྱོར་བས་དགེ་མཚན་དང་། བཀྲ་ཤིས་དང་། བདེ་ལེགས་སུ་འགྱུར་བ་བྱས་ནས། ཤིང་རྟ་དག་དང་། ཁུར་དག་དང་། གླེ་བ་དག་དང་། སྤྱད་དག་དང་། རྔ་
D3.008.0176a07.01