完整藏文原文 · 德格版页 当前仅加载第 8 函德格 164a 版页；藏文 NFD、目录标记与异常页序保留在来源切片中，重复版页行以稳定序号区分。
འགྲན་པ་ཞིག་བྱུང་བར་གྱུར་ཏེ། དེ་དུས་གཞན་ཞིག་ན་ཚོང་པ་ལྔ་བརྒྱ་དང་ལྷན་ཅིག་དགོན་པའི་ལམ་དུ་ཞུགས་པ་དང་། ལམ་དེ་སྲིན་པོ་སྤུ་རལ་ཅན་གྱིས་བསྡིགས་ཤིང་བགགས་པར་གྱུར་ནས། དེད་དཔོན་དཔའ་ཆེན་དོན་མཐུན་གྱི་མདུན་དུ་འགྲོ་བར་
D3.008.0164a01.01བརྩམས་པ་དང་། ཇི་ཙམ་ན་སྲིན་པོ་སྤུ་རལ་ཅན་དེ་བྲམ་ཟེའི་ཆ་ལུགས་སུ་མངོན་པར་སྤྲུལ་ནས་ལམ་གར་འདུག་སྟེ། དེད་དཔོན་དཔའ་ཆེན་ལ་སྨྲས་པ། དེད་དཔོན་ལམ་འདི་སྲིན་པོ་སྤུ་རལ་ཅན་གྱིས་བསྡིགས་ཤིང་བགགས་ནས་ཁོ་བོ་ཡང་ཚེགས་ཆེན་པོས་འོངས་ཀྱིས་ལམ་
D3.008.0164a02.01གཞན་དུ་སོང་ཤིག །དེས་སྨྲས་པ། བྲམ་ཟེ་སྙིང་ལས་ཆུང་ངུར་གྱིས་ཤིག །དེས་ཁོ་བོ་ལ་བྱར་ཅི་ཡོད་འགྲོའོ། །དེ་སྐད་ཅེས་སྨྲས་པ་དང་། སྲིན་པོ་སྤུ་རལ་ཅན་དེ་འཁྲུགས་ནས་བཞིན་བསྒྱུར་ཏེ། ལག་པ་གཉིས་བརྐྱང་ནས་རལ་པ་ས་ལ་བླགས་ཏེ། མིག་དམར་
D3.008.0164a03.01པོ་བྱས་ནས་མིག་གཉིས་བགྲད་དེ་སྨྲས་པ། དེད་དཔོན་ཇེ་ཁོ་བོ་ལ་རྒོལ་ལ་ཕྱིས་སོང་ཤིག །དེ་ནས་དེད་དཔོན་དཔའ་ཆེན་གྱིས་ཤིན་ཏུ་འཇིགས་སུ་རུང་བ་དེ་མཐོང་ནས་གཞུ་རྣ་དྲུང་དུ་ཐུག་པར་བཀང་སྟེ་མདའ་དག་འཕང་བར་བརྩམས་པ་དང་། དེ་དག་ཐམས་ཅད་རལ་པ་དག་
D3.008.0164a04.01ལ་ཐོགས་སོ། །གཞུ་འཕངས་པ་དང་། དེ་ཡང་ཐོགས་སོ། །དེ་བཞིན་དུ་ཤིང་དང་བོང་བ་ལ་སོགས་པ་དག་འཕངས་ན་དེ་དག་ཀྱང་རལ་པ་དག་ལ་ཐོགས་སོ། །དེ་ནས་ཚམ་ཚོམ་མེད་པར་མཐུས་བརྒལ་བ་དང་། ལུས་ཐམས་ཅད་རལ་པ་དག་ལ་ཐོགས་ནས་སྲིན་པོས་ཚིགས་
D3.008.0164a05.01སུ་བཅད་པ་སྨྲས་པ། ཁྱོད་ཀྱིས་ལག་གཉིས་རྐང་གཉིས་དང་། །ལྔ་པ་མགོ་ཡང་ཐོགས་གྱུར་ཅིང་། །ལུས་ཀྱང་ང་ཡི་ལུས་ལ་ཐོགས། །ཕྱི་ན་མ་ཐོགས་ཅི་ཞིག་ཡོད། །དེད་དཔོན་གྱིས་ཀྱང་ཚིགས་སུ་བཅད་པ་དག་སྨྲས་པ། ང་ཡི་ལག་གཉིས་རྐང་གཉིས་དང་། །
D3.008.0164a06.01ལྔ་པ་མགོ་ཡང་ཐོགས་གྱུར་ཅིང་། །ལུས་ཀྱང་ཁྱོད་ཀྱི་ལུས་ལ་ཐོགས། །ཕྱི་ན་མ་ཐོགས་སེམས་ཡོད་དོ། །གསང་བ་ཇི་སྲིད་ཁོ་བོ་ཡི། །སེམས་དང་བརྩོན་འགྲུས་མ་ཉམས་པ། །དེ་སྲིད་ཁྱོད་དང་འགྱེད་བྱ་སྟེ། །བརྟན་བྱོས་ང་ལ་མི་གནོད་དོ། །སྲིན་པོས་ཀྱང་ཚིགས་
D3.008.0164a07.01