完整藏文原文 · 德格版页 当前仅加载第 8 函德格 179a 版页；藏文 NFD、目录标记与异常页序保留在来源切片中，重复版页行以稳定序号区分。
{བཟངས་,བཟང་}དག་ཚུར་སྤྱོན། བདག་ཅག་ཁྱིམ་ཐབ་མ་མཆིས་པ་རྣམས་ཀྱི་ཁྱིམ་ཐབ་མཛོད་ཅིག །བདག་པོ་མ་མཆིས་པ་རྣམས་ཀྱི་བདག་པོ་མཛོད་ཅིག །གནས་མ་མཆིས་པ་རྣམས་ཀྱི་གནས་མཛོད་ཅིག །གླིང་མ་མཆིས་པ་རྣམས་ཀྱི་གླིང་མཛོད་ཅིག །སྐྱོབ་པ་མ་
D3.008.0179a01.01མཆིས་པ་རྣམས་ཀྱི་སྐྱོབ་པ་མཛོད་ཅིག །སྐྱབས་མ་མཆིས་པ་རྣམས་ཀྱི་སྐྱབས་མཛོད་ཅིག །དཔུང་གཉེན་མ་མཆིས་པ་རྣམས་ཀྱི་དཔུང་གཉེན་མཛོད་ཅིག །འདི་དག་ནི་ཁྱེད་ཀྱི་ཟས་ཀྱི་གནས་དག་དང་། སྐོམ་གྱི་གནས་དག་དང་། གོས་ཀྱི་གནས་དག་དང་། གནས་མལ་གྱི་
D3.008.0179a02.01གནས་དག་དང་། ཀུན་དགའ་ར་བ་དགའ་བར་འགྱུར་བ་དག་དང་། ནགས་ཚལ་དགའ་བར་འགྱུར་བ་དག་དང་། རྫིང་བུ་དགའ་བར་འགྱུར་བ་དག་དང་། འཛམ་བུའི་གླིང་པའི་རིན་པོ་ཆེ་མང་པོ་འདི་ལྟ་སྟེ། ནོར་བུ་དག་དང་། མུ་ཏིག་དག་དང་། བཻ་ཌཱུརྱ་དག་དང་། མན་ཤེལ་
D3.008.0179a03.01དཀར་པོ་དག་དང་། བྱི་རུ་དག་དང་། དངུལ་དག་དང་། གསེར་དག་དང་། རྡོའི་སྙིང་པོ་དག་དང་། སྤུག་དག་དང་། དམར་པོ་དག་དང་། གཡས་སུ་འཁྱིལ་པ་དག་ལགས་ཀྱིས་ཁྱེད་ཅག་ཚུར་སྤྱོན་བདག་ཅག་དང་ལྷན་ཅིག་རྩེ་བ་དང་། དགའ་བ་དང་། དགའ་མགུར་
D3.008.0179a04.01སྤྱོད་པ་མཛོད་ཅིག །ཁྱེད་ཅག་ལས་འགའ་ཡང་ཤིན་ཏུ་མྱོས་པར་གྱུར་ཀྱང་ལྷོ་ལམ་དུ་འགྲོ་བར་མི་བྱའོ་ཞེས་ཟེར་རོ། །བདག་ཅག་སྲིན་མོ་དེ་དག་གིས་བརྔོད་པ་ན་རྒྱ་མཚོ་ཆེན་པོ་ལས་རྒལ་ཏེ། དེ་དག་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་
D3.008.0179a05.01བྱེད་དོ། །བདག་ཅག་དེ་དག་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་དག་ལ་བསྟེན་པའི་རྒྱུ་ལས་བུ་དང་བུ་མོ་དག་ཀྱང་བྱུང་ངོ་། །བུད་མེད་དེ་དག་བདག་ཅག་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་
D3.008.0179a06.01ན་ཇི་སྲིད་དུ་འཛམ་བུའི་གླིང་པའི་ཚོང་པ་མང་པོ་གཞན་དག་ཆུ་སྲིན་ཉའི་རིགས་ཀྱིས་རྒྱ་མཚོའི་གྲུ་བཅག་སྟེ་འོང་བར་མ་ཐོས་ཀྱི་བར་དུ་དེ་དག་བདག་ཅག་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །གང་གི་ཚེ་དེ་དག་གིས་འཛམ་བུའི་གླིང་
D3.008.0179a07.01