完整藏文原文 · 德格版页 当前仅加载第 8 函德格 42b 版页；藏文 NFD、目录标记与异常页序保留在来源切片中，重复版页行以稳定序号区分。
ནམ། ཀུན་དུ་མི་ནམ་མམ། དེ་ནས་བུད་མེད་རྒན་མོ་རྣམས་ཀྱིས་བུ་མོ་དེ་བརྟགས་ན་ཇི་ཙམ་ན་ཕྱུགས་ཆུང་མ་ཉམས་པར་གྱུར་ནས། དེ་དག་གིས་རྒྱལ་པོ་ལ་སྨྲས་པ། ལྷ་བུ་མོ་འདི་ཕྱུགས་ཆུང་མ་ཉམས་སོ། །རྒྱལ་པོས་བློན་པོ་རྣམས་ལ་སྨྲས་པ། ཤེས་ལྡན་དག་འདི་ལ་གང་
D3.008.0042b01.01ཡུས། བློན་པོ་རྣམས་ཀྱིས་སྨྲས་པ། ལྷ་བཙུན་པ་འཆར་ཀ་ཡུས་སོ། །རྒྱལ་པོས་སྨྲས་པ། ཤེས་ལྡན་དག་དེང་ལ་བྲམ་ཟེ་འདི་རྒྱ་སྐྱེགས་ཀྱི་ཁང་པར་ཆུག་ལ་མེས་སྲེགས་ཤིག །བུ་མོ་དེ་ཡང་རྟེའུ་དམུ་རྒོད་ཀྱི་རྐང་པ་གཉིས་ལ་ཐོགས་ཤིག །བྲམ་ཟེའི་ཁྱེའུ་ལྔ་བརྒྱ་པོ་དེ་
D3.008.0042b02.01དག་ཀྱང་ལག་པ་དང་རྐང་པ་དག་ཆོད་ཅིག །ཚེ་དང་ལྡན་པ་འཆར་ཀས་སྨྲས་པ། ལྷ་དེ་གལ་ཏེ་བདག་ལས་བརྟེན་ཏེ་སེམས་ཅན་དེ་སྙེད་ཅིག་ཆབ་སྩལ་བར་གྱུར་ན། དོན་གྱིས་ལྷས་བདག་བཅོམ་ལྡན་འདས་ཀྱི་བསྟན་པ་ལས་ཕྱུང་ལགས་སོ། །རྒྱལ་པོས་སྨྲས་པ། ཤེས་ལྡན་
D3.008.0042b03.01དག་འོ་ན་དེང་ལ་བྲམ་ཟེའི་ཁྱེའུ་ལྔ་བརྒྱ་པོ་དེ་དག་ཐོང་ལ། བྲམ་ཟེ་འདི་ནི་རྒྱ་སྐྱེགས་ཀྱི་ཁང་པར་ཆུག་ལ་མེས་སྲེགས་ཤིག །བུ་མོ་དེ་ཡང་རྟེའུ་དམུ་རྒོད་ཀྱི་རྐང་པ་གཉིས་ལ་ཐོགས་ཤིག །ཚེ་དང་ལྡན་པ་འཆར་ཀས་སྨྲས་པ། ལྷ་གལ་ཏེ་བདག་ལས་བརྟེན་ཏེ་ཐ་ན་གྲོག་མ་
D3.008.0042b04.01ཕྲ་མོ་འགའ་ཞིག་ལ་གནོད་པར་གྱུར་ན་ཡང་། དོན་གྱིས་ལྷས་བདག་བཅོམ་ལྡན་འདས་ཀྱི་བསྟན་པ་ལས་ཕྱུང་བ་ཁོ་ན་ལགས་སོ། །རྒྱལ་པོས་བློན་པོ་རྣམས་ལ་སྨྲས་པ། ཤེས་ལྡན་དག་བཅོམ་ལྡན་འདས་ཀྱི་ཉན་ཐོས་འདོད་ཆགས་དང་མ་བྲལ་ན་ཡང་སོ་སོར་རྟོག་པའི་སྟོབས་
D3.008.0042b05.01ལ་ལྟོས། གལ་ཏེ་བྲམ་ཟེ་དག་གིས་བཙུན་པ་འཆར་ཀ་ཐུབ་པར་གྱུར་ན་ནི་རྡོ་གཅིག་གིས་ཀྱང་བསད་པར་འགྱུར་རོ། །ཤེས་ལྡན་དག་དེང་ལ་ཐམས་ཅད་ཁྱེ་ཤིག །དེ་དག་བཀྱེ་ནས་གྱེས། རྔ་བརྡུངས་ཤིང་ཡོལ་བས་བཅད་པ་དང་། སྐྱེ་བོ་ཕལ་པོ་ཆེའི་ཚོགས་དག་སོ་སོར་
D3.008.0042b06.01གྱེས་སོ། །རྒྱལ་པོ་དང་། བཙུན་མོ་ཕྲེང་ལྡན་མ་དང་། ཚེ་དང་ལྡན་པ་འཆར་ཀ་གསུམ་འདུག་པ་ན། རྒྱལ་པོས་བཙུན་མོ་ཕྲེང་ལྡན་མ་ལ་སྨྲས་པ། ཕྲེང་ལྡན་མ། བཙུན་པ་འཆར་ཀས་ཇི་ལྟ་བུའི་ཕུན་ཕུན་བྱས་པས་རྒྱལ་པོ་དང་བཅས་པའི་འཁོར་ཀུན་དུ་དཀྲུགས་པ་ལ་ལྟོས། བཙུན་
D3.008.0042b07.01