完整藏文原文 · 德格版页 当前仅加载第 8 函德格 87b 版页；藏文 NFD、目录标记与异常页序保留在来源切片中，重复版页行以稳定序号区分。
ནས་མ་ཡིན། དུས་སུ་མ་ཡིན། གནོད་པ་མེད་པ་མ་ཡིན། གང་གི་ཚེ་དེའི་རྣམ་པར་སྨིན་པ་སོ་སོར་མྱོང་བར་འགྱུར་བ་དེའི་ཚེ་ན་དེའི་སེམས་ཁྱིམ་གྱི་ལོངས་སྤྱོད་རྒྱ་ཆེན་པོ་དག་ལ་འཇུག་པར་མི་འགྱུར། ཟས་ཀྱི་ལོངས་སྤྱོད་རྒྱ་ཆེན་པོ་དག་ལ་འཇུག་པར་མི་འགྱུར། གོས་ཀྱི་ལོངས་སྤྱོད་རྒྱ་
D3.008.0087b01.01ཆེན་པོ་དག་ལ་འཇུག་པར་མི་འགྱུར། གནས་མལ་གྱི་ལོངས་སྤྱོད་རྒྱ་ཆེན་པོ་དག་ལ་འཇུག་པར་མི་འགྱུར། བཞོན་པའི་ལོངས་སྤྱོད་རྒྱ་ཆེན་པོ་དག་ལ་འཇུག་པར་མི་འགྱུར། གཟུགས་དང་སྒྲ་དང་དྲི་དང་རོ་དང་རེག་བྱ་རྒྱ་ཆེན་པོ་དག་ལ་འཇུག་པར་མི་འགྱུར་ཏེ། ཁྱིམ་བདག་སྦྱིན་
D3.008.0087b02.01པ་དེ་ལྟ་བུ་བྱིན་པའི་འབྲས་བུ་རྣམ་པར་སྨིན་པ་ནི་དེ་ལྟ་བུར་འདོད་པར་བྱའོ། །ཁྱིམ་བདག་སྦྱིན་པ་ངན་པའམ། བཟང་པོ་སྦྱིན་ཡང་རུང་སྟེ། དེ་ཡང་དད་པས་ཡིན། གུས་པས་ཡིན། རང་གི་ལག་ནས་ཡིན། དུས་སུ་ཡིན། གནོད་པ་མེད་པ་ཡིན་ན། གང་གི་ཚེ་དེའི་
D3.008.0087b03.01རྣམ་པར་སྨིན་པ་སོ་སོར་མྱོང་བར་འགྱུར་བ་དེའི་ཚེ་ན་དེའི་སེམས་ཁྱིམ་གྱི་ལོངས་སྤྱོད་རྒྱ་ཆེན་པོ་དག་ལ་འཇུག་པར་འགྱུར། ཟས་ཀྱི་ལོངས་སྤྱོད་རྒྱ་ཆེན་པོ་དག་ལ་འཇུག་པར་འགྱུར། གོས་ཀྱི་ལོངས་སྤྱོད་རྒྱ་ཆེན་པོ་དག་ལ་འཇུག་པར་འགྱུར། གནས་མལ་གྱི་ལོངས་སྤྱོད་རྒྱ་ཆེན་
D3.008.0087b04.01པོ་དག་ལ་འཇུག་པར་འགྱུར། བཞོན་པའི་ལོངས་སྤྱོད་རྒྱ་ཆེན་པོ་དག་ལ་འཇུག་པར་འགྱུར། གཟུགས་དང་སྒྲ་དང་དྲི་དང་རོ་དང་རེག་བྱ་རྒྱ་ཆེན་པོ་དག་ལ་འཇུག་པར་འགྱུར་ཏེ། ཁྱིམ་བདག་སྦྱིན་པ་དེ་ལྟ་བུ་བྱིན་པའི་འབྲས་བུ་རྣམ་པར་སྨིན་པ་ནི་དེ་ལྟ་བུར་འདོད་པར་བྱའོ།། །།
D3.008.0087b05.01འདུལ་བ་རྣམ་པར་འབྱེད་པ། བམ་པོ་དྲུག་བཅུ་རྩ་དགུ་པ། ཁྱིམ་བདག་སྔོན་བྱུང་བ་བྲམ་ཟེ་དུས་དཔོག་ཅེས་བྱ་བ་ཤིང་སཱ་ལ་ཆེན་པོ་ལྟ་བུ་ཞིག་བྱུང་བར་གྱུར་ཏེ། དེས་བྲམ་ཟེ་རྣམས་ལ་སྦྱིན་པ་འདི་ལྟ་བུ་འདི་བྱིན་ཏེ་གླང་པོ་ཆེ་གསེར་གྱིས་བརྒྱན་པ། གསེར་གྱིས་མཛེས་
D3.008.0087b06.01པར་བྱས་པ། གསེར་གྱི་རྒྱལ་མཚན་ཅན། གསེར་གྱི་དྲ་བས་གཡོགས་པ་བརྒྱད་ཁྲི་བཞི་སྟོང་བྲམ་ཟེ་རྣམས་ལ་སྦྱིན་པར་བྱིན་ནོ། །རྟ་གསེར་གྱིས་བརྒྱན་པ། གསེར་གྱིས་མཛེས་པར་བྱས་པ། གསེར་གྱི་རྒྱལ་མཚན་ཅན། གསེར་གྱི་དྲ་བས་གཡོགས་པ་བརྒྱད་
D3.008.0087b07.01