完整藏文原文 · 德格版页 当前仅加载第 8 函德格 170b 版页；藏文 NFD、目录标记与异常页序保留在来源切片中，重复版页行以稳定序号区分。
དེའི་ཉེ་དུ་དག་འདུས་ཤིང་ལྷགས་ནས་ཞག་བདུན་གསུམ་ཉི་ཤུ་གཅིག་ཏུ་བཙས་པའི་བཙས་སྟོན་རྒྱ་ཆེར་བྱས་ནས་བུ་མོའི་མིང་ཅིར་གདགས་ཞེས་དེའི་མིང་འདོགས་པར་བྱེད་དོ། །ཉེ་དུ་རྣམས་ཀྱིས་སྨྲས་པ། བུ་མོ་འདི་གཟུགས་བཟང་བ། བལྟ་ན་སྡུག་པ། མཛེས་
D3.008.0170b01.01པ། ཡན་ལག་དང་ཉིང་ལག་ཐམས་ཅད་དང་ལྡན་ཞིང་། འདིའི་རུས་པ་དག་ཕྲ་ཞིང་ཤིན་ཏུ་ཕྲ་ལ་དཔེ་བྱ་བར་མི་ནུས་པས་བུ་མོ་འདི་ལ་དཔེ་མེད་པས་འདིའི་མིང་དཔེ་མེད་མ་ཞེས་བྱ་བར་གདགས་སོ་ཞེས་དེའི་མིང་དཔེ་མེད་མ་ཞེས་བྱ་བར་བཏགས་སོ། །དེ་བསྲིངས་ཤིང་བསྐྱེད་
D3.008.0170b02.01ནས་ཆེན་མོར་གྱུར་ཏོ། །མ་དུས་བསམས་པ། བདག་གི་བུ་མོ་འདི་སུ་ལ་ཡང་རིགས་ཀྱི་ཕྱིར་ཡང་མི་སྦྱིན། ནོར་གྱི་ཕྱིར་ཡང་མི་སྦྱིན། ཐོས་པའི་ཕྱིར་ཡང་མི་སྦྱིན་གྱི། བདག་གིས་གང་འདི་དང་གཟུགས་མཉམ་པའམ། ལྷག་པ་དེ་ལ་སྦྱིན་ནོ་སྙམ་མོ། །དེའི་སྐབས་
D3.008.0170b03.01སུ་བཅོམ་ལྡན་འདས་སྒྲ་མི་སྙན་དག་ཏུ་ལྗོངས་རྒྱུ་ཞིང་གཤེགས་པ་ན་སྣ་ཚོགས་གདུལ་དུ་བྱོན་ནས་སྣ་ཚོགས་གདུལ་ན་སྒྲ་མི་སྙན་གྱི་གྲོང་རྡལ་ན་བཞུགས་སོ། །དེ་ནས་བཅོམ་ལྡན་འདས་སྔ་དྲོ་ཤམ་ཐབས་གསོལ། ལྷུང་བཟེད་དང་ཆོས་གོས་བསྣམས་ཏེ་སྣ་ཚོགས་གདུལ་
D3.008.0170b04.01དུ་བསོད་སྙོམས་ལ་ཞུགས་སོ། །སྣ་ཚོགས་གདུལ་དུ་བསོད་སྙོམས་བརྒྱུས་ནས་ཟས་ཀྱི་བྱ་བ་མཛད་དེ། ཕྱི་མའི་ཟས་ཀྱི་བསོད་སྙོམས་ལས་སླར་ལོག་པས་ཇི་ལྟར་ལོངས་སྤྱད་པའི་གནས་མལ་མཁོས་སུ་ཕབ་སྟེ། ཤིང་ལྗོན་པ་ཞིག་གི་དྲུང་དུ་བརྟེན་ནས་བྲང་འགྲོའི་རྒྱལ་
D3.008.0170b05.01པོ་ཉལ་བའི་ལུས་བསྐྱིལ་བ་ལྟར་སྐྱིལ་མོ་ཀྲུང་བཅས་ཏེ་བཞུགས་སོ། །དེའི་ཚེ་ན་ཀུན་ཏུ་རྒྱུ་མ་དུ་མེ་ཏོག་དང་། ཡམ་སྲེག་ཤིང་གི་ཕྱིར་ཕྱི་རོལ་དུ་བྱུང་བ་དང་། ཀུན་དུ་རྒྱུ་མ་དུས་ཐག་རིང་པོ་ཁོ་ན་ནས་བཅོམ་ལྡན་འདས་ཤིང་ལྗོན་པ་ཞིག་གི་དྲུང་དུ་རྟེན་ཅིང་བྲང་འགྲོའི་
D3.008.0170b06.01རྒྱལ་པོ་ཉལ་བའི་ལུས་བསྐྱིལ་བ་ལྟར་སྐྱིལ་མོ་ཀྲུང་བཅས་ཏེ་བཞུགས་པ་མཛེས་པ། དད་པར་འགྱུར་བ། དབང་པོ་ཞི་བ། ཐུགས་ཞི་བ། མཆོག་ཏུ་སེམས་དུལ་བ། ཉེ་བར་ཞི་བ་དང་ལྡན་པ། གསེར་གྱི་མཆོད་སྡོང་ལྟར་འབར་བ་མཐོང་ངོ་། །མཐོང་
D3.008.0170b07.01