完整藏文原文 · 德格版页 当前仅加载第 8 函德格 97a 版页；藏文 NFD、目录标记与异常页序保留在来源切片中，重复版页行以稳定序号区分。
དད་པ་དེ་འཁྲུགས་པར་གྱུར་ཏོ། །བཅོམ་ལྡན་འདས་བདག་གིས་དེ་ལ་ཇི་ལྟར་བསྒྲུབ་པར་བགྱི། རྒྱལ་པོ་ཆེན་པོ་ཁྱོད་ཀྱིས་དེ་ལ་བཟོད་པ་གསོལ་བར་བྱའོ། །བཅོམ་ལྡན་འདས་ཅི་ལགས་བདག་གིས་དེའི་རྐང་པ་གཉིས་ལ་གཏུགས་པར་བགྱིའམ། རྒྱལ་པོ་
D3.008.0097a01.01ཆེན་པོ་རྐང་པ་གཉིས་ལ་གཏུག་པར་མི་བྱ་སྟེ། འདི་ལྟར་མི་མ་རབས་དག་གི་རྐང་པ་ལ་ཕྱག་འཚལ་བ་གང་ཡིན་པ་དེ་ནི་མི་གཙོ་བོ་དག་གིས་ལག་པ་ནས་བཟུང་བ་ཡིན་གྱིས། ཁྱོད་ཀྱིས་ལག་པ་གཡས་པ་རྐྱོང་ལ་ཁྱིམ་བདག་བཟོད་པར་གྱིས་ཤིག་ཅེས་བཟོད་པ་གསོལ་ཅིག་
D3.008.0097a02.01དང་དེས་བཟོད་པར་འགྱུར་རོ། །དེ་ནས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱིས་བཅོམ་ལྡན་འདས་ཀྱིས་བཀའ་སྩལ་པ་ལ་མངོན་པར་བསྟོད་པ་དང་རྗེས་སུ་ཡི་རང་བ་བྱས་ཏེ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ནས་བཅོམ་ལྡན་འདས་ཀྱི་
D3.008.0097a03.01སྤྱན་སྔ་ནས་སོང་ངོ་། །མཉན་ཡོད་ན་ཁྱིམ་བདག་སྡུམས་བྱེད་དང་། ཚུལ་ཁྲིམས་ཚོང་དཔོན་ཞེས་བྱ་བ་གཉིས་ཤིག་ཡོད་དོ། །དེ་ན་གཏམས་པ་སྲུང་བ་རྣམས་ལ་ནི་སྡུམས་བྱེད་དྲང་པོ་ཡིན། གཅིག་པུས་ཆེ་བཞི་འབྱེད་པ་རྣམས་ལ་ནི་ཚུལ་ཁྲིམས་ཚོང་དཔོན་དྲང་པོ་ཡིན་ལ། དེ་
D3.008.0097a04.01ཡང་ངོ་ཚ་དང་ལྡན་པས་བཤང་བའི་སར་ཐག་རིང་དུ་འགྲོ་བ་ཡིན་ནོ། །མཉན་ཡོད་ན་སྟོན་ཟླ་ཐ་{ཆུངས་ཀྱི་,ཆུང་གི་}གཡོན་ཅན་ཞེས་བྱ་བ་ཆོམ་རྐུན་པ་དག་འཁོད་པ་དེ་དག་གི་ཀུན་ཏུ་སྤྱོད་པ་ནི་དགག་དབྱེ་བྱས་མ་ཐག་ཏུ་འདུས་ནས་ཤེས་ལྡན་དག་བདག་ཅག་གིས་ལས་ཅི་ཞིག་བྱས་ན་དེས་བཙལ་
D3.008.0097a05.01མི་དགོས་པར་ལོ་སྐོར་དུ་ལོངས་སྤྱོད་ཅིང་བདེ་བར་འཁོད་པར་འགྱུར་ཞེས་ཕན་ཚུན་གྲོས་བྱེད་དོ། །དེ་དག་ལས་གཅིག་གིས་སྨྲས་པ། ཤེས་ལྡན་དག་ཁྱིམ་བདག་སྡུམས་བྱེད་འདི་གཏམས་པ་འཛིན་པ་ཡིན་པས་འདི་ལ་བརྒལ་ཞིང་བརྟག་པར་བྱའོ། །གཞན་དག་གིས་སྨྲས་པ།
D3.008.0097a06.01མ་ཉེས་ཀྱིས་དེ་བཞིན་བྱ་སྟེ། འདི་ལྟར་ཁྱིམ་བདག་ཚུལ་ཁྲིམས་ཚོང་དཔོན་འདི་གཅིག་པུས་ཆེ་བཞི་འབྱེད་པ་རྣམས་ལ་དྲང་བ་ཡིན་ལ། དེ་ཡང་ངོ་ཚ་དང་ལྡན་པས་བཤང་བའི་སར་ཐག་རིང་དུ་འགྲོ་བས་དེ་བཟུང་སྟེ་བསྡིགས་ན་དེས་ཆེ་བཞི་འབྱེད་པར་འགྱུར་རོ་ཞེས་དེ་དག་གིས་དེའི་
D3.008.0097a07.01