完整藏文原文 · 德格版页 当前仅加载第 8 函德格 137a 版页；藏文 NFD、目录标记与异常页序保留在来源切片中，重复版页行以稳定序号区分。
མགོན་མེད་ཟས་སྦྱིན་ཡང་སངས་རྒྱས་ལ་སོགས་པ་དགེ་སློང་གི་དགེ་འདུན་བཤོས་གསོལ་བར་འདོད་ནས་རྒྱལ་བྱེད་ཀྱི་ཚལ་དུ་འཕགས་པ་ན། དེས་དེ་མཐོང་ནས་སྨྲས་པ། ཁྱིམ་བདག་བདག་ལ་ཟས་ཀྱི་མགྲོན་གྱིས་ཤིག །དེས་དེ་ལ་སྨྲས་པ། བྲམ་ཟེ་ཚུར་
D3.008.0137a01.01ཤོག །རྒྱལ་བྱེད་ཀྱི་ཚལ་དུ་འདོང་ལ་དེར་ཟོ་ཤིག །དེ་དེ་དང་ལྷན་ཅིག་འཕགས་པ་དང་། ཇི་ཙམ་ན་ཁྱིམ་བདག་མགོན་མེད་ཟས་སྦྱིན་གྱིས་ལམ་ཀར་ཞོའི་བུམ་པ་ཞིག་རྙེད་ནས་དེས་དེ་བྲམ་ཟེ་དེ་ལ་བྱིན་ནས་སྨྲས་པ། བྲམ་ཟེའི་ཞོའི་བུམ་པ་འདི་དགེ་འདུན་ལ་བྲིམས་ཤིག །
D3.008.0137a02.01ཁྱིམ་བདག་མགོན་མེད་ཟས་སྦྱིན་གྱིས་སངས་རྒྱས་ལ་སོགས་པ་དགེ་སློང་གི་དགེ་འདུན་ཞལ་ཟས་བསོད་པས་ཚིམ་པར་བྱས་པ་དང་། བྲམ་ཟེ་དེས་ཀྱང་ཞོའི་བུམ་པ་དེ་དགེ་འདུན་ལ་བྲིམས་སོ། །ཁྱིམ་བདག་མགོན་མེད་ཟས་སྦྱིན་གྱིས་སངས་རྒྱས་ལ་སོགས་པ་དགེ་སློང་གི་
D3.008.0137a03.01དགེ་འདུན་གདུགས་ཚོད་གསོལ་ནས་ཁྱིམ་པ་དག་ཟན་སྦྱིན་པར་བརྩམས་ཏེ། དེས་ཁྱིམ་པ་གཞན་དག་ལ་ནི་ཟས་བསོད་པ་བྱིན། བྲམ་ཟེ་དེ་ལ་ནི་ངན་པ་བྱིན་པ་དང་། དེས་དེ་ལ་སྨྲས་པ། ཁྱིམ་བདག་རབ་ཏུ་བྱུང་བ་རྣམས་ནི་བསླབ་པ་ཡང་དག་པར་བླངས་པ་ཡིན་པས་རེ་ཞིག་འདི་
D3.008.0137a04.01དག་ལ་ནི་བསོད་པ་སྦྱིན་པར་རིགས་ན། བདག་ཅག་ཁྱིམ་པ་བསླབ་པ་ཡང་དག་པར་མ་བླངས་པར་འདྲ་ན་ཅིའི་ཕྱིར་ཁྱིམ་པ་གཞན་དག་ལ་ནི་ཟས་བསོད་པ་སྦྱིན་ལ་བདག་ལ་ནི་ཟས་ངན་པ་སྦྱིན། དེས་དེ་ལ་སྨྲས་པ། བྲམ་ཟེ་ཁྱིམ་པ་འདི་དག་ཀྱང་བསླབ་པ་ཡང་དག་པར་བླངས་པ་ཡིན་
D3.008.0137a05.01ཏེ། འདི་དག་གིས་ཀྱང་ཡན་ལག་བརྒྱད་དང་ལྡན་པའི་གསོ་སྦྱོང་བླངས་སོ། །དེས་དེ་ལ་སྨྲས་པ། ཁྱིམ་བདག་གལ་ཏེ་བདག་གིས་ཀྱང་ཡན་ལག་བརྒྱད་དང་ལྡན་པའི་གསོ་སྦྱོང་ལེན་ན་བདག་ལ་ཡང་ཟས་བསོད་པ་སྦྱིན་ནམ། དེས་དེ་ལ་སྨྲས་པ་སྦྱིན་ནོ། །དེས་ཡན་ལག་བརྒྱད་དང་
D3.008.0137a06.01ལྡན་པའི་གསོ་སྦྱོང་བླངས་པ་དང་། དེ་ནས་ཁྱིམ་བདག་མགོན་མེད་ཟས་སྦྱིན་གྱིས་དེ་ཟས་བསོད་པས་ཚིམ་པར་བྱས་ནས་དེས་ཟོས་ཏེ་འཕགས་པ་དང་། ཁྱིམ་བདག་མགོན་མེད་ཟས་སྦྱིན་གྱིས་སྨྲས་པ། བྲམ་ཟེ་ཡུད་ཙམ་ཞིག་སྡོད་ཅིག་དང་སྐོམ་འོང་བར་འགྱུར་རོ། །དེས་སྐོམ་
D3.008.0137a07.01