完整藏文原文 · 德格版页 当前仅加载第 8 函德格 151b 版页；藏文 NFD、目录标记与异常页序保留在来源切片中，重复版页行以稳定序号区分。
གཉེར་བར་འགྱུར་བ་ཡིན་པས་འབྲོག་གནས་ཀྱིས་དང་དུ་བླངས་སོ། །དེས་ཀྱང་བག་མ་བླངས་ནས་དང་པོ་ཁོ་ནར་འབྲོག་གནས་ལ་ཕུལ་ནས་དེས་ཀྱང་དགའ་མགུར་སྤྱད་དོ། །འབྲོག་གནས་འདོད་པ་ལ་འདོད་ཆགས་ཀྱིས་ལྷག་པར་ཆགས་པས་མི་དེ་ལ་བྱམས་པར་བྱ་བར་
D3.008.0151b01.01བརྩམས་སོ། །གཞན་ཞིག་གིས་དེ་ལ་སྨྲས་པ། ཀྱེ་ནང་རྗེ་ཁྱོད་ལ་འབྲོག་གནས་ཏེ་པོར་བྱམས་པར་གྱུར་པ་འདི་ལ་རྒྱུ་ཅི་ཡོད། དེས་ཇི་ལྟར་གྱུར་པ་སྨྲས་པ་དང་། དེས་ཀྱང་དེ་བཞིན་བྱ་བར་བརྩམས་སོ། །གཞན་ཞིག་གིས་དེ་ལ་དྲིས་པ་དང་། དེས་ཀྱང་དེ་ལ་ཇི་
D3.008.0151b02.01ལྟར་གྱུར་པ་བརྗོད་པ་དང་། དེས་ཀྱང་དེ་བཞིན་བྱ་བར་བརྩམས་སོ། །གཞན་ཞིག་གིས་ཀྱང་དེ་ལ་དྲིས་པ་དང་། དེས་ཀྱང་དེ་ལ་ཇི་ལྟར་གྱུར་པ་བརྗོད་པ་ནས་དེས་ཀྱང་དེ་བཞིན་བྱ་བར་བརྩམས་ཏེ། དེ་ལྟ་བུའི་ཚུལ་གྱིས་དེ་ན་དམ་པ་མ་ཡིན་པའི་ཆོས་འཕེལ་བར་གྱུར་
D3.008.0151b03.01ཏོ། །འབྲོག་གནས་ཀྱིས་ཚོང་འདུས་དེར་ལྷ་ཁང་རྩིག་ཏུ་བཅུག་ནས་དེ་ན་གང་ཡང་རུང་བས་བག་མ་བླངས་པ་དེས་བུ་མོ་དེ་ལྷ་ཁང་དེ་བསྐོར་དུ་བཅུག་ནས་འབྲོག་གནས་ཀྱི་གན་དུ་གཏོང་ཞིང་འབྲོག་གནས་ཀྱིས་དེ་དང་པོར་དགའ་མགུར་སྤྱོད་པར་བྱེད་དོ། །ཇི་ཙམ་དུས་
D3.008.0151b04.01གཞན་ཞིག་ན་གཞོན་ནུ་མ་ཆེན་མོ་ཞིག་བག་མར་འགྲོར་ཉེ་ནས་དེས་བསམས་པ། བདག་ལ་ཡང་དང་པོར་འབྲོག་གནས་དགའ་མགུར་སྤྱོད་པར་འགྱུར་ཞིང་ཕྱིས་ཁྱིམ་ཐབ་སྤྱོད་པར་འགྱུར་ན་མི་རུང་གིས་ཅི་ནས་ཀྱང་འབྲོག་གནས་འདི་གསད་པར་འགྱུར་བ་དེ་ལྟ་བུའི་ཐབས་ཀྱི་རྣམ་པ་
D3.008.0151b05.01ཞིག་བྱའོ་སྙམ་ནས་དེས་ཇི་ཙམ་ནས་ཕྱོགས་ཤིག་ཏུ་སྐྱེ་བོ་ཕལ་པོ་ཆེའི་ཚོགས་འདུག་ཅིང་མཐུན་པར་གྱུར་པ་དེ་ལོགས་སུ་ཁ་བལྟས་ཏེ་སྒྲེན་མོར་བྱུང་ནས་གཅིན་རྒྱང་བྱས་པ་དང་། སྐྱེ་བོ་ཕལ་པོ་ཆེའི་ཚོགས་ཀྱིས་དེ་མཐོང་ནས་དེ་དག་མི་དགའ་བར་སེམས་པར་གྱུར་ཏེ་སྨྲས་པ།
D3.008.0151b06.01བུ་མོ་ངོ་ཚ་དང་ཁྲེལ་མེད་པ་སྐྱེ་བོ་ཕལ་པོ་ཆེའི་ཚོགས་ལ་མདུན་གྱིས་ཕྱོགས་ཏེ་སྒྲེན་མོར་བྱུང་ནས་གཅིན་རྒྱང་བྱེད་པ་འདི་སུའི་ཡིན། བུ་མོ་དེས་དེ་ཐོས་ནས་སྨྲས་པ། ཁྱེད་ཅག་ཀྱང་ཕོ་ཡིན་ནམ། འོ་ན་ངེད་ཅི་ཡིན། ཁྱེད་ཅག་ཕོ་མ་ཡིན་གྱི་འབྲོག་གནས་འབའ་ཞིག་
D3.008.0151b07.01