完整藏文原文 · 德格版页 当前仅加载第 8 函德格 45a 版页；藏文 NFD、目录标记与异常页序保留在来源切片中，重复版页行以稳定序号区分。
བསྙེན་བཀུར་བྱེད་པ་ཞིག་འདུག་ནས། ཚེ་དང་ལྡན་པ་འཆར་ཀས་བསམས་པ། བྲམ་ཟེ་དེ་གདུལ་བའི་དུས་ཡིན་ནོ་སྙམ་ནས་དེ་དེའི་གན་དུ་སོང་བ་དང་། བྲམ་ཟེ་དེས་ཀྱང་ཞི་བ་ལ་བསྙེན་བཀུར་བྱས་ནས། ཀྱེ་བྲམ་ཟེ་བྲམ་ཟེ་ཞེས་བྲམ་ཟེ་ཚོལ་བར་བྱེད་དོ། །ཚེ་
D3.008.0045a01.01དང་ལྡན་པ་འཆར་ཀས་སྨྲས་པ། ཁོ་བོ་བྲམ་ཟེ་ཡིན་ནོ། །དེས་སྨྲས་པ། མགོ་རེག་འདི་ལྟ་བུ་བྲམ་ཟེ་ག་ལ་ཡིན། ཚེ་དང་ལྡན་པ་འཆར་ཀས་སྨྲས་པ། བྲམ་ཟེ་ཇི་ལྟ་བུ་ཡིན། དེས་སྨྲས་པ། བྲམ་ཟེ་ནི་རལ་པ་ཅན་ཡིན་ནོ། །ཚེ་དང་ལྡན་པ་འཆར་ཀས་རལ་པ་ཅན་དུ་སྤྲུལ་པ་
D3.008.0045a02.01དང་། ཇི་ཙམ་ན་བྲམ་ཟེ་དེ་ངོ་མཚར་སྐྱེས་ནས། དེས་སྨྲས་པ། བཙུན་པ་འཆར་ཀ་ཅིའི་སླད་དུ་བྱོན། ཁྱོད་ཉིད་གདུལ་བའི་དོན་དུའོ། །བཙུན་པ་འཆར་ཀ་དེའི་སླད་དུ་འདི་ཉིད་དུ་བཞུགས་ཏེ་ཞལ་ཟས་ཀྱི་བྱ་བ་མཛོད་ཅིག །ཚེ་དང་ལྡན་པ་འཆར་ཀ་དེར་འདུག་སྟེ་ཟས་ཀྱི་བྱ་བ་བྱས་
D3.008.0045a03.01པ་དང་། བྲམ་ཟེ་དེ་ཆུང་མ་དང་བཅས་པ་ཚེ་དང་ལྡན་པ་འཆར་ཀའི་མདུན་དུ་ཆོས་མཉན་པའི་ཕྱིར་འདུག་ནས། ཚེ་དང་ལྡན་པ་འཆར་ཀས་དེའི་བསམ་པ་དང་། བག་ལ་ཉལ་དང་། ཁམས་དང་། རང་བཞིན་ཁོང་དུ་ཆུད་ནས་འདི་ལྟར། བྲམ་ཟེ་དེ་ཆུང་མ་དང་བཅས་པས་སྟན་
D3.008.0045a04.01དེ་ཉིད་ལ་འདུག་བཞིན་དུ་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ་ཡེ་ཤེས་ཀྱི་རྡོ་རྗེས་བཅོམ་སྟེ། རྒྱུན་དུ་ཞུགས་པའི་འབྲས་བུ་མངོན་དུ་བྱས་པ་དེ་ལྟར་ཆོས་བསྟན་ཏོ། །དེས་བདེན་པ་མཐོང་ནས་སྨྲས་པ། བཙུན་པ་བདག་གིས་དགེ་བའི་བཤེས་གཉེན་བཙུན་པ་འཆར་
D3.008.0045a05.01ཀ་ལ་བརྟེན་ནས། བཙུན་པ་འཆར་ཀས་བདག་ལ་གང་མཛད་པ་འདི་ལྟ་བུ་ནི་བདག་ལ་ཕས་ཀྱང་མ་བགྱིས། མས་ཀྱང་མ་བགྱིས། རྒྱལ་པོས་ཀྱང་མ་བགྱིས། ལྷ་རྣམས་ཀྱིས་ཀྱང་མ་བགྱིས། སྔོན་གྱི་ཕ་མེས་དག་གིས་ཀྱང་མ་བགྱིས། དགེ་སྦྱོང་དང་བྲམ་ཟེ་དག་
D3.008.0045a06.01གིས་ཀྱང་མ་བགྱིས། བྱམས་པ་དང་མཛའ་བཤེས་དང་། རྩ་ལག་གི་ཚོགས་ཀྱིས་ཀྱང་མ་བགྱིས་ཏེ། ཁྲག་དང་མཆི་མའི་རྒྱ་མཚོ་ནི་བསྐམས། རུས་པའི་རི་དག་ལས་ནི་བསྒྲལ། ངན་སོང་གི་སྒོ་དག་ནི་བཀུམ། མཐོ་རིས་དང་ཐར་པའི་སྒོ་དག་ནི་ཕྱེ། སེམས་ཅན་
D3.008.0045a07.01