完整藏文原文 · 德格版页 当前仅加载第 8 函德格 22a 版页；藏文 NFD、目录标记与异常页序保留在来源切片中，重复版页行以稳定序号区分。
ལྗོན་པའི་ཡལ་ག་དག་ལ་ལོ་མ་དག་གིས་གཡོགས་ཏེ་འཇོག་པར་བྱེད་དོ། །དེའི་ཟན་གང་དག་ས་གཞི་ལ་སས་གཡོགས་ཏེ་བཞག་པ་དེ་དག་ནི་ཝ་དག་གིས་ཟོས། གང་དག་ཤིང་ལྗོན་པའི་ཡལ་ག་དག་ལ་ལོ་མ་དག་གིས་གཡོགས་ཏེ་བཞག་པ་དེ་དག་ནི་བྱ་དག་དང་
D3.008.0022a01.01སྤྲེའུ་དག་གིས་ཟོས་ནས་ལེགས་འོངས་ཀྱིས་ཅུང་ཟད་ནི་ཐོབ། ཕལ་ཆེར་མི་ཐོབ་ནས་དེ་ཤིན་ཏུ་ཉམ་ང་བས་འཚོ་ཞིང་འགྲོའོ། །སྲིད་པ་ཐ་མ་པའི་སེམས་ཅན་ཟག་པ་ཟད་པ་མ་ཐོབ་པར་བར་མ་དོར་རྒྱུན་ཆད་ཅིང་དུས་བྱེད་པར་འགྱུར་བ་ནི་གནས་མ་ཡིན་སྐབས་མ་ཡིན་ཏེ། དེ་ནི་གནས་
D3.008.0022a02.01མེད་པས་ལེགས་འོངས་མཐར་གྱིས་མཉན་ཡོད་དུ་ཕྱིན་ནས། མཉན་ཡོད་ཀྱི་ཕྱི་རོལ་ཁྲོན་པའི་ཁ་ན་ངལ་སོ་ཞིང་འདུག་གོ། །ལེགས་འོངས་ཀྱི་སྲིང་མོ་ཁྱིམ་བདག་མགོན་མེད་ཟས་སྦྱིན་གྱི་མནའ་མ་བྱེད་པ་དེའི་བུ་མོ་མངག་གཞུག་མ་ཆུ་བུམ་ཐོགས་ཏེ་ཁྲོན་པ་དེའི་དྲུང་དུ་ཆུ་ཆུར་སོང་བ་དང་།
D3.008.0022a03.01དེས་ལེགས་འོངས་བཞིན་གཟུགས་ལས་ངོ་ཤེས་ནས་དེས་དེ་ལ་སྨྲས་པ། ཇོ་ཅོ་ཁྱོད་ཆུ་སྲིན་བྱིས་པ་གསོད་ཀྱི་རི་པ་ཁྱིམ་བདག་རྟོགས་ལྡན་གྱི་བུ་ལེགས་འོངས་མ་ལགས་སམ། སྲིང་མོ་ཡིན་ནོ། །ཇོ་ཅོ་ཁྱོད་ཀྱི་ཡབ་ཡུམ་གཉིས་གར་བཞུད། དུས་ལ་བབ་བོ། །དེའི་ཁྱིམ་དང་། བང་མཛོད་
D3.008.0022a04.01ཀྱི་རྣམ་པ་དང་། ཞིང་གི་རྣམ་པ་དང་། ནོར་གྱི་རྣམ་པ་དང་། འབྲུའི་རྣམ་པ་དག་གར་མཆིས། ཐམས་ཅད་མེས་ཚིག་གོ། །གྲོང་པའི་མི་གང་དག་ཟོང་ཐོགས་ཏེ་ཡུལ་གཞན་དུ་མཆིས་པ་དག་གར་མཆིས། ཁ་ཅིག་ནི་རྒྱ་མཚོ་ཆེན་པོར་གྲུ་བོ་ཆེ་ཞིག་པར་གྱུར། ཁ་ཅིག་ནི་ཟོང་ཟོང་མ་
D3.008.0022a05.01ཡིན་པར་གྱུར། ཁ་ཅིག་ནི་དེ་ཉིད་དུ་ཚུལ་མ་ཡིན་པས་སྡུག་བསྔལ་བར་གྱུར། ཁ་ཅིག་ནི་དེ་ཉིད་དུ་འཁོད་དེ་ཚིག་ཀྱང་མི་སྟེར་རོ། །ཉེ་དུ་དག་གར་མཆིས། ཁ་ཅིག་ནི་དུས་ལ་བབ། ཁ་ཅིག་ནི་བྲོས། ཁ་ཅིག་ནི་དེ་ཉིད་ན་འཁོད་དེ་ཚིག་ཀྱང་མི་སྟེར་རོ། །བྲན་དང་། བྲན་མོ་དང་། ལས་
D3.008.0022a06.01བྱེད་པ་དང་། ཞོ་ཤས་འཚོ་བ་དག་གར་མཆིས། ཁ་ཅིག་ནི་དུས་ལ་བབ། ཁ་ཅིག་ནི་བྲོས། ཁ་ཅིག་ནི་དེ་ཉིད་ན་འཁོད་དེ་ཚིག་ཀྱང་མི་སྟེར་རོ། །བུ་མོ་དེས་དེ་ཐོས་ནས་དེ་མཆི་མས་བརྣངས་ཏེ་འདུག་ནས་དེས་ལེགས་འོངས་ལ་སྨྲས་པ། ཇོ་བོ་བདག་གིས་ཁྱོད་ཀྱི་ལྕམ་མོ་ལ་སྦྲན་གྱི་བར་
D3.008.0022a07.01