完整藏文原文 · 德格版页 当前仅加载第 8 函德格 30a 版页；藏文 NFD、目录标记与异常页序保留在来源切片中，重复版页行以稳定序号区分。
འབྲུག་སྒྲ་ཆེན་པོ་ཕྱུང་སྟེ། ཚེ་དང་ལྡན་པ་ལེགས་འོངས་ཀྱི་སྟེང་དུ་རྡོ་རྗེ་རྩེ་གཅིག་པ་དང་། འཁོར་ལོ་དང་། མདའ་བོ་ཆེ་དང་། མཚོན་རྩེ་གཅིག་པ་ལ་སོགས་པ་མཚོན་ཆ་སྣ་ཚོགས་དབབ་པར་བརྩམས་པ་དང་། ཚེ་དང་ལྡན་པ་ལེགས་འོངས་བྱམས་
D3.008.0030a01.01པའི་ཏིང་ངེ་འཛིན་ལ་ཞུགས་པས་མཚོན་ཆ་དེ་དག་ལྷའི་མེ་ཏོག་ཨུཏྤ་ལ་དང་། པད་མ་དང་། ཀུ་མུ་ད་དང་། པད་མ་དཀར་པོ་དག་ཏུ་གྱུར་ཏེ། ཚེ་དང་ལྡན་པ་ལེགས་འོངས་ཀྱི་ལུས་ལ་འབབ་བོ། །ཀླུ་ཨ་མྲའི་ཆུ་ངོགས་པས་མེ་མདག་གི་ཆར་དབབ་པར་བརྩམས་པ་དང་། ཚེ་དང་ལྡན་
D3.008.0030a02.01པ་ལེགས་འོངས་བྱམས་པའི་ཏིང་ངེ་འཛིན་ལ་ཞུགས་པས་མེ་མདག་དེ་དག་ལྷའི་མེ་ཏོག་མན་ད་ར་ཀ་ནི་དག་ཏུ་གྱུར་ཏེ། ཚེ་དང་ལྡན་པ་ལེགས་འོངས་ཀྱི་ལུས་ལ་འབབ་བོ། །ཀླུ་ཨ་མྲའི་ཆུ་ངོགས་པས་ཕྱག་དར་གྱི་ཆར་དབབ་པར་བརྩམས་པ་དང་། ཚེ་དང་ལྡན་པ་ལེགས་འོངས་
D3.008.0030a03.01བྱམས་པའི་ཏིང་ངེ་འཛིན་ལ་ཞུགས་པས་ཕྱག་དར་དེ་དག་ལྷའི་ཨ་ག་རུའི་ཕྱེ་མ་དག་དང་། ཙན་དན་གྱི་ཕྱེ་མ་དག་དང་། རྒྱ་སྤོས་ཀྱི་ཕྱེ་མ་དག་དང་། ཏ་མ་ལའི་ལོ་མའི་ཕྱེ་མ་དག་ཏུ་གྱུར་ཏེ། ཚེ་དང་ལྡན་པ་ལེགས་འོངས་ཀྱི་ལུས་ལ་འབབ་བོ། །ཀླུ་ཨ་མྲའི་ཆུ་ངོགས་པས་ཁྲོ་
D3.008.0030a04.01བའི་མཐུས་དུ་བ་གཏུལ་བ་དང་། ཚེ་དང་ལྡན་པ་ལེགས་འོངས་ཀྱིས་ཀྱང་རྫུ་འཕྲུལ་གྱི་མཐུས་དུ་བ་གཏུལ་ཏོ། །ཀླུ་ཨ་མྲའི་ཆུ་ངོགས་པས་ཁྲོ་བའི་མཐུས་མེ་སྦར་བ་དང་། ཚེ་དང་ལྡན་པ་ལེགས་འོངས་མེའི་ཁམས་ལ་སྙོམས་པར་ཞུགས་སོ། །དེ་ན་ཀླུ་ཨ་མྲའི་ཆུ་ངོགས་པའི་ཁྲོ་
D3.008.0030a05.01བའི་མཐུ་དང་། ཚེ་དང་ལྡན་པ་ལེགས་འོངས་ཀྱི་རྫུ་འཕྲུལ་གྱི་མཐུས་སྣང་བ་ཆེན་པོ་བྱུང་བར་གྱུར་ནས། ཆུ་སྲིན་བྱིས་པ་གསོད་ཀྱི་རི་པའི་བྲམ་ཟེ་དང་ཁྱིམ་བདག་རྣམས་ཀྱིས་སྨྲས་པ། ཤེས་ལྡན་དག་འདི་ནི་བཅོམ་ལྡན་འདས་ཀླུ་ཨ་མྲའི་ཆུ་ངོགས་པ་འདུལ་བར་མཛད་པ་ཡིན་ནོ། །
D3.008.0030a06.01དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་ངའི་ཉན་ཐོས་ཀྱི་དགེ་སློང་ཡང་དང་ཡང་དུ་མེའི་ཁམས་ལ་སྙོམས་པར་འཇུག་པ་རྣམས་ཀྱི་ནང་ན་འདི་ལྟ་སྟེ། དགེ་སློང་ལེགས་འོངས་འདི་མཆོག་ཡིན་ནོ། །གང་གི་ཚེ་ཀླུ་ཨ་མྲའི་ཆུ་ངོགས་པ་མཚོན་
D3.008.0030a07.01