完整藏文原文 · 德格版页 当前仅加载第 8 函德格 104b 版页；藏文 NFD、目录标记与异常页序保留在来源切片中，重复版页行以稳定序号区分。
པོ་ཆེ་འདིའི་རིན་ཐང་ཆོད་ཅིག །རིན་པོ་ཆེ་རྟོག་པ་དག་གིས་ནོར་བུའི་ཁྲབ་དང་ལྡན་པའི་རིན་པོ་ཆེ་རེ་རེ་ནས་བརྟག་པར་བརྩམས་ན་རིན་པོ་ཆེ་རེ་རེ་ཡང་རིན་ཐང་མེད་པར་མཐོང་ནས། དེ་དག་གིས་རྒྱལ་པོ་ལ་སྨྲས་པ། ལྷ་འདི་ལ་ནོར་བུ་རིན་པོ་ཆེ་རེ་རེ་ཡང་རིན་ཐང་མ་མཆིས་པ་ལགས་སོ། །
D3.008.0104b01.01ཆོས་ཉིད་ཀྱིས་ན་རིན་པོ་ཆེ་གང་གིས་རིན་ཐང་གདབ་པར་མི་ནུས་པ་དེའི་རིན་ཐང་བྱེ་བར་འདེབས་སོ། །རྒྱལ་པོ་གཟུགས་ཅན་སྙིང་པོས་རིན་པོ་ཆེ་དག་བགྲངས་ནས། བདག་གིས་དེ་ལ་སྐྱེས་ལན་ཅི་ཞིག་བསྐུར་བར་བྱ་སྙམ་དུ་ཉམ་ང་བར་གྱུར་ནས་ལག་པ་ལ་འགྲམ་པ་གཏད་དེ་སེམས་ཁོང་དུ་
D3.008.0104b02.01ཆུད་ཅིང་འདུག་ནས་བློན་པོ་རྣམས་ལ་སྨྲས་པ། ཤེས་ལྡན་དག་རྒྱལ་པོ་ཨུ་ཏྲ་ཡ་ནས་ང་ལ་སྐྱེས་འདི་ལྟ་བུ་བསྐུར་ན་ངས་དེ་ལ་སྐྱེས་ལན་ཅི་ཞིག་བསྐུར་བར་བྱ། མ་ག་དྷཱའི་སྣ་ཆེན་པོ་ལ་གཏོགས་པ་བྲམ་ཟེ་དབྱར་ཚུལ་གྱིས་སྨྲས་པ། ལྷ་ཁྱོད་ཀྱི་ཡུལ་དུ་ཡང་འཇིག་རྟེན་གསུམ་ལས་ཆེས་ཁྱད་
D3.008.0104b03.01པར་དུ་འཕགས་པའི་རིན་པོ་ཆེ་བྱུང་བ་འདི་ལྟ་སྟེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལགས་ཀྱིས། ཁྱོད་ཀྱིས་ཀྱང་རས་ལ་སངས་རྒྱས་ཀྱི་སྐུ་གཟུགས་འདྲིར་སྩོལ་ལ་སྐྱེས་ལན་དུ་བསྐུར་བར་གསོལ། རྒྱལ་པོས་སྨྲས་པ། གལ་ཏེ་དེ་ལྟ་ན་བཅོམ་ལྡན་
D3.008.0104b04.01འདས་ལ་ཞུའོ་ཞེས་དེ་ནས་རྒྱལ་པོ་གཟུགས་ཅན་སྙིང་པོ་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། མཐའ་གཅིག་ཏུ་འདུག་གོ། །མཐའ་གཅིག་ཏུ་འདུག་ནས་བཅོམ་ལྡན་འདས་ལ་རྒྱལ་པོ་གཟུགས་ཅན་སྙིང་པོས་འདི་
D3.008.0104b05.01སྐད་ཅེས་གསོལ་ཏོ། །བཙུན་པ་གྲོང་ཁྱེར་སྒྲ་སྒྲོགས་ན་རྒྱལ་པོ་ཨུ་ཏྲ་ཡ་ན་ཞེས་བགྱི་བ་བདག་གིས་མ་མཐོང་བའི་གྲོགས་ཤིག་མཆིས་པ་དེས་བདག་ལ་ནོར་བུའི་ཁྲབ་ཡན་ལག་ལྔ་དང་ལྡན་པ་ཞིག་སྐྱེས་སུ་བསྐུར་ཏེ། དེའི་སླད་དུ་གལ་ཏེ་བཅོམ་ལྡན་འདས་ཀྱིས་གནང་ན་བདག་གིས་ཀྱང་རས་
D3.008.0104b06.01ལ་བཅོམ་ལྡན་འདས་ཀྱི་སྐུ་གཟུགས་འདྲིར་སྩལ་ཏེ་དེ་ལ་སྐྱེས་ལན་དུ་བསྐུར་བར་བགྱིའོ། །བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ་ཆེན་པོ་གནང་གིས་སྐུར་ཅིག །ཁྱོད་ཀྱི་སེམས་སྐྱེས་པ་བཟང་སྟེ། རྒྱལ་པོ་ཨུ་ཏྲ་ཡ་ནས་མཐོང་མ་ཐག་ཁོ་ནར་དད་པ་སྐྱེ་བར་འགྱུར་ཞིང་
D3.008.0104b07.01