完整藏文原文 · 德格版页 当前仅加载第 8 函德格 58a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། བུ་མོ་མངག་གཞུག་མས་སྨྲས་པ། ཇོ་མོ་ཁྱོད་ཀྱིས་གདུང་བར་བགྱིད་པ་མང་པོ་དག་བསྒྲུབས་པ་དེ་དག་གི་ནང་ན་འདི་ནི་ཆེས་གདུང་བར་བགྱིད་པ་ལགས་ཏེ། དགེ་སྦྱོང་འདི་ནི་ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱི་ཆུང་པོ་གྲོགས། བཙུན་མོ་ཕྲེང་ལྡན་མའི་
D3.008.0058a01.01སློབ་དཔོན་ལགས་པས། བདག་ནི་ཤིན་ཏུ་ཐག་རིང་པོར་མཆིས་ཀྱང་བྲན་མོ་ཉིད་དུ་བས་ཀྱི། ཇོ་མོས་ནི་གསེར་གྱི་ཆུ་བུམ་གྱིས་རྒྱལ་པོའི་ཕོ་བྲང་དུ་ཆབ་བཅུ་འཚལ་བར་འགྱུར་རོ། །གཏུམ་མོ་སྐྲག་སྟེ་བསམས་པ། དེ་ལྟར་འགྱུར་རོ་སྙམ་ནས་དེས་སྨྲས་པ། བུ་མོ་དོང་རྐོས་ཤིག་དང་
D3.008.0058a02.01སྦའོ་ཞེས། དེས་དོང་རྐོས་ཏེ་སྦ་བར་བརྩམས་པ་དང་། ཚེ་དང་ལྡན་པ་འཆར་ཀ་འགོག་པ་ལ་སྙོམས་པར་ཞུགས་ནས་དེས་བསྒུལ་བར་ཡང་མ་ནུས་སོ། །དེ་ནས་གཏུམ་མོས་ཚེ་དང་ལྡན་པ་འཆར་ཀའི་རྐང་པ་གཉིས་ལ་གཏུགས་ཏེ་སྨྲས་པ། འཕགས་པ་ཁྱོད་ཀྱིས་མི་མཁྱེན་པ་དང་
D3.008.0058a03.01མ་གཟིགས་པ་དང་། མ་རིག་པ་དང་། རྣམ་པར་མི་མཁྱེན་པ་ཅི་ཡང་མ་མཆིས་ཀྱིས། བདག་ལ་བཟོད་པ་མཛོད་ཅིག་དང་ཁྱོད་ལ་ཁུར་བ་གསོལ་ལོ། །ཚེ་དང་ལྡན་པ་འཆར་ཀ་ལངས་ཏེ་ཆ་ལུགས་ཐ་མལ་པ་བསྟན་པ་དང་། གཏུམ་མོས་བསམས་པ། འདི་ལ་ཁུར་
D3.008.0058a04.01བ་སྦྱིན་ནོ་ཞེས་ཁས་བླངས་ན། ཁུར་བ་འདི་དག་ནི་ཧ་ཅང་ཆེ་ཆེས་པས་ཕངས་ཀྱིས། འདིའི་ཕྱིར་ཁུར་བ་ཆུང་ངུ་གཞན་ཞིག་བྱའོ་སྙམ་ནས། དེས་ཁུར་བ་ཆུང་ངུ་ཞིག་སྲེག་པར་བརྩམས་པ་དང་། ཁུར་བ་དེས་ཁུར་བསླང་ཐམས་ཅད་ཡོག་པར་གྱུར་ནས། གཏུམ་མོས་
D3.008.0058a05.01བསམས་པ། བདག་གིས་ཁུར་བ་འདི་མི་སྦྱིན་པར་ཁུར་བ་སྔ་མ་ལས་གཅིག་སྦྱིན་ནོ་སྙམ་ནས། དེས་ཁུར་བ་གཅིག་དྲང་བར་བརྩམས་པ་དང་། ཇི་ཙམ་ན་ཁུར་བ་ཐམས་ཅད་འོངས་ནས། གཏུམ་མོས་སྨྲས་པ། ཅི་འཕགས་པ་ཁུར་བ་ཐམས་ཅད་བཞེད་དམ། ཚེ་དང་
D3.008.0058a06.01ལྡན་པ་འཆར་ཀས་སྨྲས་པ། འདོད་དོ། །གཏུམ་མོས་སྨྲས་པ། བཞེས་སུ་གསོལ། ཚེ་དང་ལྡན་པ་འཆར་ཀས་སྨྲས་པ། སྲིང་མོ་གལ་ཏེ་ཡོངས་སུ་བཏང་ན། ཁྱིམ་བདག་མགོན་མེད་ཟས་སྦྱིན་གྱིས། དེང་སངས་རྒྱས་ལ་སོགས་པ་དགེ་སློང་གི་དགེ་འདུན་ཁྱིམ་
D3.008.0058a07.01