完整藏文原文 · 德格版页 当前仅加载第 8 函德格 92b 版页；藏文 NFD、目录标记与异常页序保留在来源切片中，重复版页行以稳定序号区分。
ཁྱིམ་བདག་ཁྱོད་ཕྱག་སྦལ་ན་འདུག་པ་ཚུལ་དང་མཐུན་པ་མ་ཡིན་ན་ཅིའི་ཕྱིར་ཁྱོད་ཕྱག་སྦལ་ན་འདུག །དེས་སྨྲས་པ། ཉེ་དབང་དག་ཁོ་བོ་རང་དབང་གིས་ཕྱག་སྦལ་ན་འདུག་པ་མ་ཡིན་ཏེ། འདི་ལྟར་རྒྱལ་པོའི་ཞོ་ཤས་འཚོ་བ་དག་གིས་ཕྱག་སྦལ་དུ་བཅུག་གོ། །ཅིའི་ཕྱིར་ཀཱརྵཱ་པ་ཎ་དྲུག་
D3.008.0092b01.01བཅུའི་ཕྱིར་ཏེ་ཁོ་བོ་ལ་དེ་དག་གི་འབྱོར་པ་མེད་པས་དེའི་ཕྱིར་ཕྱག་སྦལ་ན་འདུག་གོ། །ཁྱིམ་བདག་དེའི་ཕྱིར་ཁྱོད་སེམས་བསྐྱེད་ལ་ཚིག་བརྗོད་ཅིག །ཁྱོད་ཀྱི་ཁྱིམ་མམ། ཆུའི་གནས་གང་དག་དབྱིག་དང་། གསེར་གྱིས་དགང་བར་བྱ། ཉེ་དབང་དག་ཁྱེད་སྙིང་ལས་ཆུང་ངུར་གྱིས་ཤིག་
D3.008.0092b02.01དང་། བདག་ལ་རྒྱལ་པོ་དད་པས་དད་པའི་དབང་དུ་བྱ་བ་བྱེད་པར་འགྱུར་རོ། །གལ་ཏེ་འདོད་ན་འདུག་ཤིག་དང་ཁྱོད་ལ་ཆོས་བསྟན་པར་བྱའོ། །དེ་དག་ཆོས་མཉན་པའི་ཕྱིར་དེའི་མདུན་དུ་འདུག་པ་ན་དེ་དག་གི་ལུས་འདི་འདྲ་སྟེ། འདི་ལྟ་སྟེ་དཔེར་ན་མེའི་ཕུང་པོ་ཆེན་པོ་བཞི་འབར་
D3.008.0092b03.01བ། རབ་ཏུ་འབར་བ། ཀུན་དུ་རབ་ཏུ་འབར་བ། མེ་ལྕེ་གཅིག་ཏུ་གྱུར་ཅིང་སྲེག་པ་དག་འདྲའོ། །ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱིས་མཚན་མོའི་ཐུན་དང་པོ་ལ་ཕྱག་སྦལ་ན་མེའི་ཕུང་པོ་ཆེན་པོ་བཞི་འབར་བ། རབ་ཏུ་འབར་བ། ཀུན་དུ་རབ་ཏུ་འབར་བ། མེ་ལྕེ་གཅིག་
D3.008.0092b04.01ཏུ་གྱུར་ཅིང་སྲེག་པ་དག་མཐོང་ངོ་། །དེ་ནས་ལྷའི་དབང་པོ་བརྒྱ་བྱིན་མཚན་མོའི་གུང་ཐུན་ལ་ཁྱིམ་བདག་ངན་པ་བཟང་བྱིན་ག་ལ་བ་དེར་སོང་སྟེ་ཕྱིན་ནས་ཁྱིམ་བདག་ངན་པ་བཟང་བྱིན་ལ་འདི་སྐད་ཅེས་སྨྲས་སོ། །ཁྱིམ་བདག་ཁྱོད་ཕྱག་སྦལ་ན་འདུག་པ་ཚུལ་དང་མཐུན་པ་མ་ཡིན་
D3.008.0092b05.01ན་ཅིའི་ཕྱིར་ཁྱོད་ཕྱག་སྦལ་ན་འདུག །དེས་སྨྲས་པ། ཀཽ་ཤི་ཀ་ཁོ་བོ་རང་དབང་གིས་ཕྱག་སྦལ་ན་འདུག་པ་མ་ཡིན་ཏེ། འདི་ལྟར་རྒྱལ་པོའི་ཞོ་ཤས་འཚོ་བ་དག་གིས་ཕྱག་སྦལ་དུ་བཅུག་གོ། །ཅིའི་ཕྱིར། ཀཱརྵཱ་པ་ཎ་དྲུག་བཅུའི་ཕྱིར་ཁོ་བོ་ལ་དེ་དག་གི་འབྱོར་པ་མེད་པས་དེའི་ཕྱིར་
D3.008.0092b06.01ཕྱག་སྦལ་ན་འདུག་གོ། །ཁྱིམ་བདག་དེའི་ཕྱིར་ཁྱོད་སེམས་བསྐྱེད་ལ་ཚིག་བརྗོད་ཅིག །ཁྱོད་ཀྱི་ཁྱིམ་མམ། ཆུའི་གནས་གང་དག་དབྱིག་དང་། གསེར་གྱིས་དགང་བར་བྱ། ཀཽ་ཤི་ཀ་ཁྱོད་སྙིང་ལས་ཆུང་ངུར་གྱིས་ཤིག་དང་བདག་ལ་རྒྱལ་པོ་དད་པས་དད་པའི་དབང་དུ་བྱ་བ་བྱེད་པར་
D3.008.0092b07.01