完整藏文原文 · 德格版页 当前仅加载第 8 函德格 96b 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་བཅོམ་ལྡན་འདས་ཀྱི་སྤྱན་སྔ་ནས་སོང་ངོ་། །དེ་ནས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱིས་བློན་པོ་རྣམས་ལ་བསྒོ་བ། ཤེས་ལྡན་དག་གང་གི་ཚེ་ཁྱིམ་བདག་ངན་པ་བཟང་བྱིན་བཅོམ་ལྡན་འདས་ཀྱི་སྤྱན་སྔ་
D3.008.0096b01.01ནས་ཕྱིར་བྱུང་བ་དེའི་ཚེ་དེ་ལ་ཁྱོད་ངའི་ཡུལ་ན་མ་འདུག་ཤིག་ཅེས་བསྒོ་ཤིག །དེ་ནས་ལྷ་གང་ཁྱིམ་བདག་ངན་པ་བཟང་བྱིན་ལ་མངོན་པར་དད་པ་དེས་སྲོག་ཆགས་ཏྲེ་མ་བུ་ཀ་དང་། ཏྲཻ་ལ་ཏ་ཀ་མང་པོ་དག་བཏང་ནས་དེ་དག་གིས་རྒྱལ་པོ་དེ་ཀུན་ནས་བསྐོར་ཏེ་ཟིན་པ་ན་དེ་ཉམ་ང་བས་
D3.008.0096b02.01རང་གི་ཁྱིམ་དུ་ཕྱིན་ཅིང་དེར་བཙུན་མོའི་འཁོར་དང་། གཞོན་ནུ་དང་། བློན་པོ་དང་ཁྲོམ་གྱི་རུ་སྣ་དང་། གླང་པོ་ཆེ་དང་། རྟ་དག་ཀྱང་ཀུན་ནས་བསྐོར་ཅིང་ཟིན་པར་གྱུར། མཉན་ཡོད་ན་གནས་པའི་སྐྱེ་བོའི་ཚོགས་ཐམས་ཅད་ཀྱང་ཀུན་ནས་བསྐོར་ཅིང་ཟིན་པར་གྱུར་ཏོ། །དེ་ནས་རྒྱལ་
D3.008.0096b03.01པོ་སྐྲག་སྟེ་མྱུར་བ་མྱུར་བར་གླང་པོ་ཆེ་ལ་ཞོན་ནས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ། །མཐའ་གཅིག་ཏུ་འདུག་ནས་བཅོམ་ལྡན་འདས་ལ་ཀོ་ས་ལར་བྱུང་བའི་རྒྱལ་པོ་གསལ་
D3.008.0096b04.01རྒྱལ་གྱིས་འདི་སྐད་ཅེས་གསོལ་ཏོ། །བཙུན་པ་རེ་ཞིག་དེའི་ཚེ་ཡང་ཀླུའི་རྒྱལ་པོ་དགའ་བོ་དང་། ཉེ་དགའ་གཉིས། འཁྲུགས་པར་གྱུར་ན་ད་སུ་ཞིག་འཁྲུགས་ལགས། རྒྱལ་པོ་ཆེན་པོ་ཇི་ལྟར་གྱུར། བཅོམ་ལྡན་འདས་བདག་སྲོག་ཆགས་ཏྲེ་མ་བུ་ཀ་དང་། ཏྲཻ་ལ་ཏ་ཀ་དག་གིས་
D3.008.0096b05.01ཀུན་ནས་བསྐོར་ཅིང་ཟིན་པར་གྱུར། མཆིས་འབྲང་གི་འཁོར་དང་། གཞོན་ནུ་དང་། བློན་པོ་དང་། ཁྲོམ་གྱི་རུ་སྣ་དང་། གླང་པོ་ཆེ་དང་། རྟ་དག་ཀྱང་ཀུན་ནས་བསྐོར་ཅིང་ཟིན་པར་གྱུར། མཉན་ཡོད་ན་གནས་པའི་སྐྱེ་བོའི་ཚོགས་ཐམས་ཅད་ཀྱང་ཀུན་ནས་བསྐོར་ཅིང་ཟིན་པར་གྱུར་ཏོ། །
D3.008.0096b06.01རྒྱལ་པོ་ཆེན་པོ་ཁྱོད་ཀྱིས་ཁྱིམ་བདག་ངན་པ་བཟང་བྱིན་ལ་རབ་ཏུ་སྡང་བའི་སེམས་བསྐྱེད་དོ། །བཅོམ་ལྡན་འདས་ཅི་ལགས་ཁྱིམ་བདག་དེ་འཁྲུགས་པར་གྱུར་ཏམ། རྒྱལ་པོ་ཆེན་པོ་དེ་ནི་ཕྱིར་མི་འོང་བ་ཡིན་པས་འཁྲུགས་པ་སྐྱེད་པར་མི་བྱེད་དེ། འདི་ལྟར་ལྷ་གང་དེ་ལ་མངོན་པར་
D3.008.0096b07.01