完整藏文原文 · 德格版页 当前仅加载第 8 函德格 98a 版页；藏文 NFD、目录标记与异常页序保留在来源切片中，重复版页行以稳定序号区分。
དཔོན་དང་། རྒྱལ་བུ་ནག་པོ་རྣམས་བཅོམ་ལྡན་འདས་ག་ལ་བ་དེར་དོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འཁོད་དོ། །ཀོ་ས་ལར་བྱུང་བའི་རྒྱལ་པོ་གསལ་རྒྱལ་ཡང་རྒྱལ་པོའི་འབྱོར་པ་ཆེན་པོ་དང་། རྒྱལ་
D3.008.0098a01.01པོའི་མཐུ་ཆེན་པོས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ། །མཐའ་གཅིག་ཏུ་འདུག་ནས་བཅོམ་ལྡན་འདས་ཀྱིས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་ལ་འདི་སྐད་ཅེས་བཀའ་
D3.008.0098a02.01སྩལ་ཏོ། །རྒྱལ་པོ་ཆེན་པོ་ཁྱིམ་བདག་ངན་པ་བཟང་བྱིན་ནི་འདི་ཡིན་ནོ། །དེ་ནས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་སྟན་ལས་ལངས་ཏེ་ལག་པ་གཡས་པ་བརྐྱང་ནས་སྨྲས་པ། ཁྱིམ་བདག་བཟོད་པ་མཛོད་ཅིག །ཁྱིམ་བདག་གིས་སྨྲས་པ་ལྷ་བཟོད་པར་འཚལ་ལོ། །དེ་
D3.008.0098a03.01ནས་བཅོམ་ལྡན་འདས་ལ་ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱིས་འདི་སྐད་ཅེས་གསོལ་ཏོ། །བཙུན་པ་བདག་ནི་རྒྱལ་པོ་རྒྱལ་རིགས་སྤྱི་བོར་དབང་བསྐུར་བ་ལགས་ན་བདག་གིས་བདག་གི་ཡུལ་ན་གནས་པའི་འབངས་ལ་བཟོད་པ་གསོལ་བ་གང་ལགས་པ་དེ་ངོ་མཚར་མི་ཆེ་
D3.008.0098a04.01འམ། བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ་ཆེན་པོ་རྗེ་དཔོན་གྱིས་བཟོད་པ་གསོལ་བ་ངོ་མཚར་ཆེའོ། །དེ་ནས་བཅོམ་ལྡན་འདས་ལ་ཁྱིམ་བདག་ངན་པ་བཟང་བྱིན་གྱིས་འདི་སྐད་ཅེས་གསོལ་ཏོ། །བཙུན་པ་བདག་ལ་ཀཱཪྵཱ་པ་ཎ་གཅིག་མཆིས་པ་དེས་བདག་
D3.008.0098a05.01གིས་ཟོང་མཇལ་ཅིང་བཙོངས་ནས་དེ་ལས་ཀཱཪྵཱ་པ་ཎ་བཞི་གྲུབ་ཅིང་དེ་དག་ལས་གཅིག་གིས་ནི་བཅོམ་ལྡན་འདས་ཀྱི་དྲི་གཙང་ཁང་དུ་སྤོས་ཀྱི་བྱུག་པས་བྱུགས། གཉིས་པ་ནི་དགེ་འདུན་གྱི་སླད་དུ་དགེ་སློང་མཆོད་སྟོན་སྩལ། གསུམ་པས་ནི་གཡོག་འཁོར་གྱི་འཚོ་བ་སྦྱར། བཞི་པ་
D3.008.0098a06.01ནི་ཟོང་གི་རིན་དུ་བཞག་སྟེ། བཙུན་པ་བདག་ནི་ནོར་མ་མཆིས་པའི་སྦྱིན་པ་གང་ལགས་པ་དེ་ངོ་མཚར་མི་ཆེའམ། བཅོམ་ལྡན་འདས་ཀྱིས་བཀའ་སྩལ་པ། ཁྱིམ་བདག་ནོར་མེད་པའི་སྦྱིན་པ་ངོ་མཚར་ཆེའོ། །དེ་ནས་བཅོམ་ལྡན་འདས་ལ་ཁྱིམ་བདག་ཚུལ་ཁྲིམས་ཚོང་དཔོན་
D3.008.0098a07.01