完整藏文原文 · 德格版页 当前仅加载第 8 函德格 61b 版页；藏文 NFD、目录标记与异常页序保留在来源切片中，重复版页行以稳定序号区分。
གཅིག་ལ་གཅིག་བལྟས་ན་ཇི་ཙམ་ན་བདག་ཅག་ཐམས་ཅད་ཀྱི་མགོ་ལ་ཀུན་དོང་གི་ཕྲེང་བ་ཐོགས་པ་དང་། ཁུར་བ་ཐམས་ཅད་བ་ལང་གི་ཀོ་བར་གྱུར་པ་དང་། ཤ་ཐམས་ཅད་བ་ལང་གི་ཤར་གྱུར་པ་དང་། བཏུང་བ་ཐམས་ཅད་ཆང་དུ་གྱུར་པར་མཐོང་ནས། དེ་དག་
D3.008.0061b01.01གིས་སྨྲས་པ། འཕགས་པ་འཆར་ཀ་ཁྱོད་ཀྱིས་བདག་ཅག་ལ་དམོད་པ་བོར་གྱིས། བདག་ཅག་ལ་བཟོད་པ་མཛད་དུ་གསོལ། ཚེ་དང་ལྡན་པ་འཆར་ཀས་སྨྲས་པ། བཟོད་པར་བྱའོ། །དེ་ནས་དེ་དག་སྔ་མ་ཁོ་བཞིན་དུ་གྱུར་པ་དང་། དེ་དག་ངོ་མཚར་སྐྱེས་ནས་
D3.008.0061b02.01དེ་དག་གིས་སྨྲས་པ། བཙུན་པ་འཆར་ཀ་ཅིའི་སླད་དུ་བྱོན། ཁྱོད་ཅག་ཉིད་གདུལ་བའི་དོན་དུ་འོངས་ཀྱིས། འཁོད་ཅིག་དང་ཆོས་བསྟན་པར་བྱའོ། །དེ་དག་ཚེ་དང་ལྡན་པ་འཆར་ཀའི་མདུན་དུ་ཆོས་མཉན་པའི་ཕྱིར་འཁོད་པ་དང་། ཚེ་དང་ལྡན་པ་འཆར་ཀས་དེ་དག་
D3.008.0061b03.01ཆུང་མ་དང་བཅས་པའི་བསམ་པ་དང་། བག་ལ་ཉལ་དང་། ཁམས་དང་། རང་བཞིན་ཁོང་དུ་ཆུད་ནས་འདི་ལྟར། བྲམ་ཟེ་དེ་དག་ཆུང་མ་དང་བཅས་པས་སྟན་དེ་ཉིད་ལ་འདུག་བཞིན་དུ་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ་ཡེ་ཤེས་ཀྱི་རྡོ་རྗེས་བཅོམ་སྟེ། རྒྱུན་
D3.008.0061b04.01དུ་ཞུགས་པའི་འབྲས་བུ་མངོན་དུ་བྱས་པ་དེ་ལྟར་ཆོས་བསྟན་ཏོ། །དེ་དག་གིས་བདེན་པ་མཐོང་ནས་སྨྲས་པ། བཙུན་པ་བདག་ཅག་གིས་དགེ་བའི་བཤེས་གཉེན་བཙུན་པ་འཆར་ཀ་ལ་བརྟེན་ནས། བཙུན་པ་འཆར་ཀས་བདག་ཅག་ལ་གང་མཛད་པ་འདི་ལྟ་བུ་ནི་བདག་
D3.008.0061b05.01ཅག་ལ་ཕས་ཀྱང་མ་བགྱིས། མས་ཀྱང་མ་བགྱིས། རྒྱལ་པོས་ཀྱང་མ་བགྱིས། ལྷ་རྣམས་ཀྱིས་ཀྱང་མ་བགྱིས། སྔོན་གྱི་ཕ་མེས་རྣམས་ཀྱིས་ཀྱང་མ་བགྱིས། དགེ་སྦྱོང་དང་བྲམ་ཟེ་དག་གིས་ཀྱང་མ་བགྱིས། བྱམས་པ་དང་། མཛའ་བཤེས་དང་། རྩ་
D3.008.0061b06.01ལག་གི་ཚོགས་ཀྱིས་ཀྱང་མ་བགྱིས་ཏེ། ཁྲག་དང་མཆི་མའི་རྒྱ་མཚོ་ནི་བསྐམས། རུས་པའི་རི་དག་ལས་ནི་བསྒྲལ། ངན་སོང་གི་སྒོ་དག་ནི་བཀུམ། མཐོ་རིས་དང་ཐར་པའི་སྒོ་དག་ནི་ཕྱེ། སེམས་ཅན་དམྱལ་བ་དང་། དུད་འགྲོ་དང་། {ཡི་དགས་,ཡི་དྭགས་}དག་ནས་ནི་
D3.008.0061b07.01