完整藏文原文 · 德格版页 当前仅加载第 8 函德格 91b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་སྐྱབས་སུ་འགྲོ་བ་དང་། བསླབ་པའི་གཞི་དག་ལེན་པ་དང་། གང་གིས་སེམས་ཅན་སྲོག་ཆགས་འབྱུང་པོ་ཐམས་ཅད་ལ་བྱམས་པའི་སེམས་བསྒོམ་པ་གང་ཡིན་པ་ནི་སྦྱིན་པ་དེ་བས་སྦྱིན་པ་འདི་ཆེས་འབྲས་བུ་ཆེའོ། །ཁྱིམ་བདག་བྲམ་ཟེ་ཤིང་སཱ་ལ་ཆེན་པོ་ལྟ་བུ་དུས་དཔོག་གིས་
D3.008.0091b01.01བྲམ་ཟེ་རྣམས་ལ་སྦྱིན་པ་དེ་ལྟ་བུ་དེ་བྱིན་པ་དང་། གང་གིས་ཕྱི་རོལ་པའི་དྲང་སྲོང་འདོད་པ་རྣམས་ལས་འདོད་ཆགས་དང་བྲལ་བ་བརྒྱ་ཟན་བྱིན་པ་དང་། གང་གིས་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱ་བའི་ཕྱིར་ཞུགས་པ་བརྒྱ་ཟན་བྱིན་པ་དང་། གང་གིས་རྒྱུན་དུ་ཞུགས་པ་བརྒྱ་
D3.008.0091b02.01ཟན་བྱིན་པ་དང་། གང་གིས་ལན་གཅིག་ཕྱིར་འོང་བའི་འབྲས་བུ་མངོན་སུམ་དུ་བྱ་བའི་ཕྱིར་ཞུགས་པ་བརྒྱ་ཟན་བྱིན་པ་དང་། གང་གིས་ལན་གཅིག་ཕྱིར་འོང་བ་བརྒྱ་ཟན་བྱིན་པ་དང་། གང་གིས་ཕྱིར་མི་འོང་བའི་འབྲས་བུ་མངོན་སུམ་དུ་བྱ་བའི་ཕྱིར་ཞུགས་པ་བརྒྱ་ཟན་བྱིན་པ་
D3.008.0091b03.01དང་། གང་གིས་ཕྱིར་མི་འོང་བ་བརྒྱ་ཟན་བྱིན་པ་དང་། གང་གིས་དགྲ་བཅོམ་པའི་འབྲས་བུ་མངོན་སུམ་དུ་བྱ་བའི་ཕྱིར་ཞུགས་པ་བརྒྱ་ཟན་བྱིན་པ་དང་། གང་གིས་དགྲ་བཅོམ་པ་བརྒྱ་ཟན་བྱིན་པ་དང་། གང་གིས་ཕྱོགས་བཞིའི་དགེ་སློང་གི་དགེ་འདུན་ལ་ཀུན་དགའི་ར་བ་ཕུལ་བ་
D3.008.0091b04.01དང་། གང་གིས་ཀུན་དགའི་ར་བ་དེ་ཉིད་དུ་གཙུག་ལག་ཁང་རྩིག་ཏུ་བཅུག་པ་དང་། གང་གིས་གཙུག་ལག་ཁང་དེ་ཉིད་དུ་གནས་མལ་འདི་ལྟ་སྟེ། ཁྲི་དང་ཁྲིའུ་དང་། སྟན་དང་སྟན་ནང་ཚངས་ཅན་དང་། ལ་བ་དང་སྔས་དང་། གོར་བུ་དག་ཕུལ་བ་དང་། གང་གིས་གཙུག་
D3.008.0091b05.01ལག་ཁང་དེ་ཉིད་དུ་གཏན་གྱི་རྐྱེན་རིས་དང་མཐུན་པའི་མཆོད་སྦྱིན་ཕུལ་བ་དང་། གང་སངས་རྒྱས་ལ་སྐྱབས་སུ་འགྲོ་བ་དང་། ཆོས་ལ་སྐྱབས་སུ་འགྲོ་བ་དང་། དགེ་འདུན་ལ་སྐྱབས་སུ་འགྲོ་བ་དང་། བསླབ་པའི་གཞི་དག་ལེན་པ་དང་། གང་གིས་སེམས་ཅན་སྲོག་ཆགས་འབྱུང་
D3.008.0091b06.01པོ་ཐམས་ཅད་ལ་བྱམས་པའི་སེམས་སྒོམ་པ་དང་། གང་འདུ་བྱེད་ཐམས་ཅད་ལ་མི་རྟག་པར་རྗེས་སུ་ལྟ་ཞིང་གནས་པ་དང་། ཟད་པར་རྗེས་སུ་ལྟ། འདོད་ཆགས་དང་བྲལ་བར་རྗེས་སུ་ལྟ། འགོག་པར་རྗེས་སུ་ལྟ། སྤོང་བར་རྗེས་སུ་ལྟ་ཞིང་གནས་པ་གང་ཡིན་པ་ནི་སྦྱིན་པ་
D3.008.0091b07.01