完整藏文原文 · 德格版页 当前仅加载第 8 函德格 44a 版页；藏文 NFD、目录标记与异常页序保留在来源切片中，重复版页行以稳定序号区分。
སུ་རྫོགས་པར་བྱའོ་སྙམ་མོ། །གང་གདུལ་བའི་དུས་ཡིན་སྙམ་ན། མཉན་ཡོད་ན་བྲམ་ཟེ་ཞི་བ་ལ་དད་པ། ཞི་བ་ལ་བསྙེན་བཀུར་བྱེད་པ་ཞིག་འདུག་ནས། ཚེ་དང་ལྡན་པ་འཆར་ཀས་བསམས་པ། བྲམ་ཟེ་དེ་གདུལ་བའི་དུས་ཡིན་ནོ་སྙམ་ནས་དེ་དེའི་གན་དུ་སོང་བ་དང་།
D3.008.0044a01.01བྲམ་ཟེ་དེས་ཀྱང་ཞི་བ་ལ་བསྙེན་བཀུར་བྱས་ནས། ཀྱེ་བྲམ་ཟེ་བྲམ་ཟེ་ཞེས་བྲམ་ཟེ་ཚོལ་བར་བྱེད་དོ། །ཚེ་དང་ལྡན་པ་འཆར་ཀས་སྨྲས་པ། ཁོ་བོ་བྲམ་ཟེ་ཡིན་ནོ། །དེས་སྨྲས་པ། བྲམ་ཟེ་ནི་ཐོར་ཚུགས་ཅན་ཡིན་གྱི་ཁྱོད་ནི་དགེ་སྦྱོང་མགོ་རེག་ཡིན་ནོ། །ཚེ་དང་ལྡན་པ་འཆར་ཀས་
D3.008.0044a02.01སྨྲས་པ། འདི་ལྟར་ཁོ་བོ་བྲམ་ཟེ་ཡིན་ཞིང་། ཁོ་བོའི་སྟོན་པ་ཡང་བྲམ་ཟེའི་མཆོག་ཡིན་ན་ཁྱོད་ཞི་བ་འདི་ལ་མངོན་པར་དད་དམ། དེས་སྨྲས་པ། མངོན་པར་དད་དོ། །ཚེ་དང་ལྡན་པ་འཆར་ཀས་སྨྲས་པ། ཀྭའི་ཞི་བ་སྨྲོས་ཤིག །ཇི་ལྟར་ཁོ་བོ་བྲམ་ཟེ་ཡིན་ཞིང་ཁོ་བོའི་སྟོན་པ་
D3.008.0044a03.01ཡང་བྲམ་ཟེའི་མཆོག་ཡིན་ནམ། ཞི་བས་སྨྲས་པ། འཕགས་པ་འཆར་ཀ་དེ་དེ་བཞིན་ཏེ། ཁྱོད་ནི་བྲམ་ཟེ་ལགས་ཤིང་ཁྱོད་ཀྱི་སྟོན་པ་ཡང་བྲམ་ཟེའི་མཆོག་ལགས་སོ། །བྲམ་ཟེ་དེས་བསམས་པ། བདག་གིས་ཡུན་རིང་པོ་ནས་ཞི་བ་ལ་བསྙེན་བཀུར་བྱས་ན། འདིས་ལན་
D3.008.0044a04.01འགའ་རྨི་ལམ་དུ་ཡང་མ་བསྟན་ན། བཙུན་པ་འཆར་ཀས་སྨྲས་ན་ཚིག་སྨྲ་བར་བྱེད་པས། ཀྱེ་མ་བཙུན་པ་འཆར་ཀ་ནི་རྫུ་འཕྲུལ་ཆེ་བ། མཐུ་ཆེ་བ་ཡིན་ནོ་སྙམ་ནས་དེས་སྨྲས་པ། བཙུན་པ་འཆར་ཀ་ཅིའི་སླད་དུ་བྱོན། ཁྱོད་ཉིད་གདུལ་བའི་དོན་དུའོ། །བཙུན་པ་འཆར་ཀ་དེའི་
D3.008.0044a05.01སླད་དུ་འདི་ཉིད་དུ་བཞུགས་ཏེ་ཞལ་ཟས་ཀྱི་བྱ་བ་མཛོད་ཅིག །ཚེ་དང་ལྡན་པ་འཆར་ཀ་དེ་ཉིད་དུ་འདུག་སྟེ། ཟས་ཀྱི་བྱ་བ་བྱས་པ་དང་། བྲམ་ཟེ་དེ་ཆུང་མ་དང་བཅས་པ་ཚེ་དང་ལྡན་པ་འཆར་ཀའི་མདུན་དུ་ཆོས་མཉན་པའི་ཕྱིར་འདུག་ནས། ཚེ་དང་ལྡན་པ་འཆར་ཀས་དེའི་བསམ་
D3.008.0044a06.01པ་དང་། བག་ལ་ཉལ་དང་། ཁམས་དང་རང་བཞིན་ཁོང་དུ་ཆུད་ནས་འདི་ལྟར་བྲམ་ཟེ་དེ་ཆུང་མ་དང་བཅས་པས་སྟན་དེ་ཉིད་ལ་འདུག་བཞིན་དུ་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ་ཡེ་ཤེས་ཀྱི་རྡོ་རྗེས་བཅོམ་སྟེ་རྒྱུན་དུ་ཞུགས་པའི་འབྲས་བུ་མངོན་དུ་བྱས་པ་དེ་ལྟར་ཆོས་
D3.008.0044a07.01