完整藏文原文 · 德格版页 当前仅加载第 8 函德格 61a 版页；藏文 NFD、目录标记与异常页序保留在来源切片中，重复版页行以稳定序号区分。
ཟེ་དེས་སྨྲས་པ། གལ་ཏེ་བཙུན་པ་འཆར་ཀས་དང་དུ་མི་བཞེས་ན། བདག་གིས་དྲང་སྲོང་གི་གདན་བཤམ་པར་བགྱི་ཡིས། བཙུན་པ་འཆར་ཀ་གཤེགས་ཏེ་ལོངས་སྤྱད་པར་གསོལ། ཚེ་དང་ལྡན་པ་འཆར་ཀས་བྲམ་ཟེ་དེ་ལ་ཅང་མི་སྨྲ་བས་དང་དུ་བླངས་
D3.008.0061a01.01སོ། །ཚེ་དང་ལྡན་པ་འཆར་ཀས་དེ་ལ་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་བཅུག །ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་བྱས་ནས་སྟན་ལས་ལངས་ཏེ་སོང་ངོ་། །དེ་ན་ཚེ་དང་ལྡན་པ་འཆར་ཀས་མཉན་
D3.008.0061a02.01ཡོད་དུ་བྲམ་ཟེའི་ཁྱིམ་བཅུ་པ་གཉི་ག་ནས་བཏུལ་ཅིང་བཞག་གོ། །ཚེ་དང་ལྡན་པ་འཆར་ཀས་བསམས་པ། གང་གདུལ་བའི་དུས་ཡིན་སྙམ་ན། མཉན་ཡོད་ན་བྲམ་ཟེ་གཞོན་ནུ་དགའ་འདུན་ལྔ་བརྒྱ་ཙམ་ཆུང་མ་དང་བཅས་པ་དག་བཅའ་བ་དང་། བཟའ་བ་དང་། དྲི་དང་།
D3.008.0061a03.01ཕྲེང་བ་རྒྱུ་མང་པོ་ཐོགས་ཏེ། རྩེ་བའི་ཕྱིར་སྐྱེད་མོས་ཚལ་གྱི་སར་བྱུང་བ་དང་། ཚེ་དང་ལྡན་པ་འཆར་ཀས་བསམས་པ། འདི་དག་གདུལ་བའི་དུས་ཡིན་ནོ་སྙམ་ནས། དེ་དེ་དག་གི་གན་དུ་སོང་བ་དང་། དེ་དག་གིས་སྨྲས་པ། བཙུན་པ་འཆར་ཀ་ཁྱོད་བྲམ་ཟེ་མདུན་ན་འདོན་
D3.008.0061a04.01གྱི་བུ་ཡིན་ན། ཅིའི་ཕྱིར་ཤཱཀྱའི་བུའི་དགེ་སྦྱོང་འདི་དག་ཐམས་ཅད་ཟ་བ་དག་གི་ནང་དུ་རབ་ཏུ་བྱུང་། ཚེ་དང་ལྡན་པ་འཆར་ཀས་འདི་ལྟར། དེ་དག་གི་ཕྲེང་བ་གང་དག་ཡིན་པ་དེ་དག་ནི་ཀུན་དོང་གི་ཕྲེང་བར་གྱུར། ཁུར་བ་གང་དག་ཡིན་པ་དེ་དག་ནི་བ་ལང་གི་ཀོ་བར་གྱུར།
D3.008.0061a05.01ཤ་གང་དག་ཡིན་པ་དེ་དག་ནི་བ་ལང་གི་ཤར་གྱུར། བཏུང་བ་གང་དག་ཡིན་པ་དེ་དག་ནི་ཆང་དུ་གྱུར་པ་དེ་ལྟར་བྱིན་གྱིས་བརླབས་ནས། ཚེ་དང་ལྡན་པ་འཆར་ཀས་དེ་དག་ལ་ལྷུང་བཟེད་བསྟན་ཏེ་སྨྲས་པ། ཤེས་ལྡན་དག་ལྟོས་ཤིག །ཁོ་བོའི་ལྷུང་བཟེད་ན་ཀུན་དོང་དང་།
D3.008.0061a06.01བ་ལང་གི་ཀོ་བ་དང་། བ་ལང་གི་ཤ་དང་། ཆང་ཡོད་སྙམ་མམ། ཅི་ཁྱེད་ཅག་ནི་མགོ་ལ་ཡང་ཀུན་དོང་གི་ཕྲེང་བ་ཐོགས། ཟས་སུ་ཡང་བ་ལང་གི་ཀོ་བ་དང་། བ་ལང་གི་ཤ་ཟ། བཏུང་བར་ཡང་ཆང་འཐུང་བས་ཁྱེད་ཅག་ཐམས་ཅད་ཟ་བ་ཡིན་ནོ། །དེ་དག་གིས་
D3.008.0061a07.01